JINGPYNPAW 21

Ka Bneng bathymmai bad ka Khyndew bathymmai

1 # Isa. 65:17; 66:22; 2 Pet. 3:13. Bad nga la ïohi ïa ka bneng bathymmai bad ïa ka khyndew bathymmai; namar kata ka bneng banyngkong bad kata ka khyndew banyngkong ki la leit noh; bad ka duriaw kam don shuh. 2#Isa. 52:1; Jpw. 3:12; Isa. 61:10.Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka. 3#Ese. 37:27.Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: 4#Isa. 25:8; 35:10; 65:19.te U Blei un ñiad noh ïa ka jingjaw ummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam, lymne ka jingpang, kan ym long shuh: kita kiei kiei kiba mynshuwa ki la leit noh.”

5 # Isa. 43:19. Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.” 6#Isa. 55:1.Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim. 7#2 Sam. 7:14; 1 Khrn. 17:13; Salm. 89:27-28.Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga. 8#Isa. 30:33.Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

Ka Jerusalem bathymmai

9Te la wan ha nga uwei na kita ki hynñiew angel kiba don kita ki hynñiew pliang, kiba dap da kita ki hynñiew ki jingïapthem ki bakhatduh; bad u la kren bad nga, u da ong, “To ale shane, ngan pyni ha me ïa kata ka nongleit-kurim, kaba ka tnga uta U Khun langbrot.” 10#Ese. 40:2.Te u la rah noh ïa nga ha U Mynsiem shalor u lum bakhraw bad bajrong, bad u la kdew ha nga ïa kata ka nongbah ka bakhuid, ka Jerusalem keiñ, ba ka wan hiar na bneng na U Blei, 11ka da don ka burom U Blei: ka jingshai jong ka, kaba kum u maw bakordor tam, kum u maw Jasper basngur eh, kum u Mawleiñ: 12#Eks. 28:21; Ese. 48:30-34.ka da don ruh ka kynroh bakhraw bad bajrong; ka da don khat-ar ki khyrdop, bad ha kita ki khyrdop, khat-ar ki angel; bad ki kyrteng ïa kiba la thoh halor jong ki, kiba long ki kyrteng jong kita ki khat-ar jaid ki khun Israel: 13na phang mihngi, lai ki khyrdop; na phang shatei, lai ki khyrdop; na phang shathie, lai ki khyrdop; bad na phang sepngi, lai ki khyrdop. 14Bad kata ka kynroh jong kata ka nongbah ka la don khat-ar ki nongrim, bad halor jong ki, ki kyrteng kita ki khat-ar ngut ki apostol jong uta U Khun langbrot.

15 # Ese. 40:3,5. Te uta uba kren bad nga u la don u dieng thew da u stew ksiar ba un thew ïa kata ka nongbah, bad ïa kita ki khyrdop jong ka, bad ïa kata ka kynroh jong ka. 16Bad ïa kata ka nongbah la pynlong kaba sawdong, te ka lynter jong ka, ka long kat ka pyngkiang: bad u la thew ïa kata ka nongbah da uta u stew, jin khatsan spah mail: ka lynter bad ka pyngkiang bad ka jingjrong jong ka, ki ïalong marryngkat. 17Bad u la thew ïa kata ka kynroh jong ka, shispah sawphew saw pruh, katba kum ka jingthew u briew, kaba long ka jong u angel. 18#Isa. 54:11,12.Bad ka jingtei ïa kata ka kynroh jong ka, ka long da u maw Jasper; bad kata ka nongbah ka la long ka ksiar banylla, kaba kum ka ïit basngur. 19Ïa kita ki nongrim kata ka kynroh jong kata ka nongbah la pynibha da ki har rukom ki mawkordor. Kata ka nongrim ka banyngkong ka la long da u maw Jasper; kata ka ba-ar, da u Sapheiros; kata ka balai, da u Kalkedon; kata ka basaw, da u Emerald; 20kata ka basan, da u Sardonyks; kata ka bahynriew, da u Sardios; kata ka bahynñiew, da u Khyrsoleit; kata ka baphra, da u Beryl; kata ka bakhyndai, da u Topas; kata ka bashiphew, da u Khrusoprasos; kata ka bakhatwei, da u Hyakinthos; kata ka bakhat-ar, da u Amethyst. 21Bad kita ki khat-ar ki khyrdop ki la long khat-ar ki paila; kawei kawei keiñ na kita ki khyrdop ka la long na u paila tylli: bad ka lynti bah jong kata ka nongbah ka la long ka ksiar banylla, kum ka ïit bashai lyngba.

22Bad ïa ka templ ngam shym la ïohi ha ka: namar U Trai uba U Blei U Badonbor Baroh, bad uta U Khun langbrot, ki long ka templ jong ka. 23#Isa. 24:23; 60:1,19.Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot. 24Bad kita ki kynja bynriew kin ïa-ïaid ha kata ka jingshai jong ka: bad ki syiem ka khyndew ki wallam ïa ka burom jong ki sha ka. 25#Isa. 60:11.Bad ïa kita ki khyrdop jong ka yn ym khang satia mynsngi (namar ka miet kan ym long hangta): 26bad kin wallam ïa ka burom bad ïa ka jingpyndonburom jong kita ki kynja bynriew sha ka. 27#Isa. 52:1; Jpw. 3:5.Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.

Currently Selected:

JINGPYNPAW 21: KHB

Highlight

Copy