Popular Bible Verses from JINGPYNPAW 21

Share

te U Blei un ñiad noh ïa ka jingjaw ummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam, lymne ka jingpang, kan ym long shuh: kita kiei kiei kiba mynshuwa ki la leit noh.”

Te uta u bashong halor kata ka khet u la ong, “Ha khmih, nga thaw thymmai ïa kiei kiei baroh.” Bad u ong, “To thoh: naba kine ki ktien ki long kiba ïaineh bad bashisha.”

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki

Bad u la ong ha nga, “La pyndep. Nga long ma nga U Alpha bad U Omega, u basdang bad u bakut. Ha uta u basliang ngan ai ei na ka jong kata ka pukri ka um ka jingim.

Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga.

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

Bad nga la ïohi ïa ka bneng bathymmai bad ïa ka khyndew bathymmai; namar kata ka bneng banyngkong bad kata ka khyndew banyngkong ki la leit noh; bad ka duriaw kam don shuh.

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.

Bad kata ka nongbah kam donkam ïa ka sngi, lymne ïa u bnai ban pynshai ha ka: namar ka burom U Blei ka la pynshai ïa ka, bad ka jingshai jong ka long uta U Khun langbrot. Bad kita ki kynja bynriew kin ïa-ïaid ha kata ka jingshai jong ka: bad ki syiem ka khyndew ki wallam ïa ka burom jong ki sha ka.