Popular Bible Verses from JINGPYNPAW 22

Share

Nga long ma nga U Alpha bad U Omega, u banyngkong bad u bakhatduh, u basdang bad u bakut.”

“Ha khmih nga wan kloi; bad ka nong jong nga ka don lem bad nga, ban ai nong ha uwei pa uwei baroh kat kumba long ka jingleh jong u.

Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.” Bad jar uba sliang, to ai un wan: bad jar uba mon, to un shim ei ïa ka um ka jingim.

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

“Ha khmih nga wan kloi: suk uta uba ïaisumar ïa ki ktien jong ka jingïathuhlypa kane ka kitab.”

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.

Uta uba phla ïa kine kiei kiei ruh u ong, “Shisha: nga wan kloi.” Amen, to wan, Trai Jisu. Ka jingaiei ka jong U Jisu Khrist uba U Trai jong ngi to kan long lem bad kita ki riewkhuid. Amen.

Nga phla ha uwei pa uwei baroh uba ïohsngew ïa ki ktien jong ka jingïathuhlypa kane ka kitab: Lada uei uei ruh un da pynlang ha kine, U Blei un pynlang ha uta ïa kita ki jingïapthem ïa kiba la thoh ha kane ka kitab: te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.