JINGPYNPAW 18
18
Ka jingkyllon ka Babilon
1Te hadien kine kiei kiei ruh, nga la ïohi ïa uwei pat u angel uba wan hiar na bneng, uba don ka bor bakhraw; ba la pynshai ïa ka khyndew da ka burom jong u. 2#Isa. 13:21; 21:9; Jer. 50:39.Bad u la pyrta da ka ktien bajam, u da ong,
“La kyllon, la kyllon ka Babilon
kaba khraw,
te ka la jia long ka jaka shong
ki ksuid
bad ka jaka ri ka mynsiem
bymkhuid baroh,
bad ka jaka ri ka sim bymkhuid
bad ba-isaitmet baroh.
3 #
Jer. 51:7. Naba da ka Waiñ ka
jingkhih bitar ka jingklim sih
jong ka,
la pynkyllon
ïa ki kynja bynriew baroh;
bad kita ki syiem
jong kata ka khyndew
ki la ïaklim sih bad ka,
bad ki nongkhaïi
jong kata ka khyndew
ki la ïaman riewbha
da ka bor ka jingleh pahuh
jong ka.”
4 #
Isa. 48:20; Jer. 50:8. Te nga la ïohsngew ïa kawei pat ka ktien na bneng, ka da ong,
“To ïamih noh na ka,
u paidlang jong nga,
ba phin ym ïashang lem
bad kita ki pop jong ka,
bad ba phin ym ïa-pdiang
na kita ki jingïapthem
jong ka.
5 #
Jer. 25:15,27; 51:9. Naba kita ki pop jong ka
ki la ïakot haduh ka bneng,
bad U Blei u la kynmaw ïa kita
ki jingleh bymman jong ka.
6 #
Salm. 137:8; Jer. 50:29. To phin leh keiñ ha ka
kumba ma ka ruh ka la leh,
bad to phin leh ar shah ha ka,
ïa kaba ar shah keiñ,
katba kum kita ki jingleh
jong ka;
ha kata ka khuri
ïa kaba ka la khleh,
to phin khleh ha ka
ïa kaba ar shah keiñ.
7 #
Isa. 47:8-9. Katno katno
ba ka la pyndonburom
ïa lade,
bad ka la im pahuh hai,
katta keiñ ka jingkordit
bad ka jingsngewsih to phin ai
ha ka:
naba ka ong
ha la ka dohnud,
‘Nga shong ka syiem,
bad ngam long ka riewkynthei,
bad ngan ym da ïohi
ïa ka jingsngewsih satia.’
8Namar kane,
kita ki jingïapthem jong ka
kin ïawan ha kawei ka sngi,
ka jingïap, bad ka jingsngewsih,
bad ka 'nemsniew:
bad yn thang duh ïa ka
da ka ding;
naba u bakhrawbor long U Trai
uba U Blei uba bishar ïa ka.”
9 #
Ese. 26:16-18. Te kita ki syiem jong kata ka khyndew, kiba la ïaklim sih bad kiba la ïa-im pahuh hai bad ka, kin ïaïam, bad kin ïalynñiar lympat na ka bynta jong ka, ynda kin ïakhmih ïa ka tdem ka jingpluh jong ka, 10haba ki ïeng na sha jngai namar kata ka jingsheptieng ïa ka jingkordit jong ka, ki da ïa-ong,
“Kordit, kordit,
kata ka nongbah ka bakhraw,
ka Babilon,
kata ka nongbah kaba don bor!
naba ha kaba shi por ka la poi
kata ka jingshitom jong pha.”
11 #
Ese. 27:25-36. Te ki nongkhaïi jong kata ka khyndew ki ïaïam bad ki ïasngewsih namar jong ka, naba ym don ba thied shuh ïa ka jingkhaïi jong ki; 12#Ese. 27:12-13,22.ïa ka jingkhaïi ka ksiar, bad ka rupa, bad u maw bakordor, bad ki paila, bad ka jaiñ linen bani, bad ka jaiñ basaw bthuh, bad ka jaiñ muka, bad ka jaiñ basaw hain, bad ka dieng baroh baiwbih, bad ka kynja pliang bniat hati baroh, bad ka pliang baroh ba thaw na ka dieng bakordor tam, bad ka rnong, bad u nar, bad u mawleiñ, 13bad ka sisia, bad ki musla#18:13 ki musla: Ha kiwei ki kitab la don da ka kyntien masla, kaba kit ïa kajuh ka jingmut, hynrei, shu pher ha ka rukom speldak., bad kiba thang iwbih, bad ka jingsleh, bad ka jingiwbih, bad ka Waiñ, bad ka umphniang Olib, bad u 'purew bani, bad u Kew, bad ki masi, bad ki langbrot, bad ki kulai, bad ki kali, bad ki mraw, bad ki mynsiem ki briew.
14“Te kita ki soh
ba ka mynsiem jong pha
ka la thrang
ki la leit noh na pha,
bad kita kiei kiei baroh
kiba shngiam
bad kiba pahuh hai,
ki la ïajah noh na pha;
bad da lei lei
phan ym shem shuh ïa ki.”
15 #
Ese. 27:31,36. Kita ki nongkhaïi ïa kine kiei kiei ruh, ïa kiba la pynriewspah na ka, kin ïaïeng na sha jngai, namar kaba sheptieng ïa ka jingkordit jong ka, ki da ïaïam bad ki da ïasngewsih; 16bad ki da ïa-ong,
“Kordit, kordit,
kata ka nongbah ka bakhraw,
ïa kaba la pynkup
ha ka jaiñ linen bani
bad jaiñ basaw bthuh
bad jaiñ basaw hain,
bad ïa kaba la pyndeng
da ka ksiar
bad da u maw bakordor
bad da ki paila!
naba ha kaba shi por
la pynduh noh khoit
ïa kata ka spah
kaba khraw eh katta katta.”
17 #
Isa. 23:14; Ese. 27:26-30. Te u maji baroh, bad u paidlang baroh halor kita ki lieng, bad ki riewlieng, bad kat kiba ïoh la ka bam na ka duriaw, ki la ïaïeng na sha jngai, 18bad ki la ïalynñiar haba ki la ïakhmih ïa ka tdem ka jingpluh jong ka, ki da ïa-ong,
“Kano ka nongbah
kaba kum katai ka nongbah
kaba khraw?”
19 #
Ese. 27:30-34. Bad ki la ïakynting ïa ka 'dewmet halor ki khlieh jong ki, bad ki la ïakyang da kaba ïam bad basngewsih, ki da ïa-ong,
“Kordit, kordit,
kata ka nongbah kaba khraw,
ha kaba la pynriewspah
ïa kita baroh kiba don ki lieng
ha kata ka duriaw,
na jong kata ka jingkordor
jong ka!
naba ha kaba shi por
la pynduh noh khoit ïa ka.
20 #
Isa. 44:23; Jer. 51:48. To phan leh kmen halor
jong ka, ko ka bneng,
bad phi ki riewkhuid,
bad phi ki apostol,
bad ki nongïathuhlypa;
naba U Blei u la bishar
ïa ka jingtian bishar jong phi
halor jong ka.”
21 #
Jer. 51:63,64; Ese. 26:21. Te uwei u angel uba don bor u la rah ïa u maw kum u mawtylliat bakhraw, bad u la pynnoh ïa u sha ka duriaw, u da ong,
“Kumne da ka bor kyrthep
yn pynnoh ïa ka Babilon,
kata ka nongbah kaba khraw,
bad da lei lei
yn ym shem shuh ïa ka.
22 #
Isa. 24:8; Jer. 25:10; Ese. 26:13. Te ïa ka jingsawa
jong ki nongtem duitara,
bad jong ki nongrwai,
bad jong ki duhalia,
bad jong ki nongput turoi,
da lei lei yn ym ïohsngew shuh
ha pha;
bad ïa u nongkam stad baroh,
la kano kano ka jingkam stad,
da lei lei
yn ym shem shuh ha pha;
bad ïa ka jingsawa
u mawtylliat,
da lei lei yn ym ïohsngew shuh
ha pha;
23 #
Jer. 25:10. bad ïa ka jingshai
ka sharak
da lei lei yn ym pynshai shuh
ha pha;
bad ïa ka jingsawa
u nongleit-kurim
bad ka nongleit-kurim
da lei lei yn ym ïohsngew shuh
ha pha;
naba kita ki nongkhaïi jong pha
ki la ju ïalong
ki bakhraw batri
jong ka khyndew;
naba da kata kaba ai ksuid
jong pha
la shukor noh
ïa ki kynja bynriew baroh.
24 #
Jer. 51:49. Te ha ka la shem
ïa ka snam
jong ki nongïathuhlypa
bad jong ki riewkhuid,
bad ka jong kita baroh
ïa kiba la pynïap noh
ha ka khyndew.”
Currently Selected:
JINGPYNPAW 18: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
