JINGPYNPAW 17

Ka nuti bakhraw

1 # Jer. 51:13. Te la wan uwei na kita ki hynñiew angel kiba la don kita ki hynñiew pliang, bad u la kren bad nga, u da ong, “To ale shane, ngan pyni ha me ïa ka jingpynrem ïa kata ka nuti kaba khraw kaba shong halor shibun ki um; 2#Isa. 23:17; Jer. 25:15-16; 51:7.bad ka kita ki syiem jong ka khyndew ki la ïaklim sih, bad la pynbuaid ïa kita kiba shong ha ka khyndew da ka Waiñ kata ka jingklim sih jong ka.” 3#Jpw. 13:1.Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng. 4#Jer. 51:7.Bad ïa kata ka briew la pynkup jaiñ basaw bthuh bad basaw hain, bad la pyndeng ïa ka da ka ksiar, bad da u maw bakordor, bad da ki paila, ka da bat ïa ka khuri ksiar ha ka kti jong ka, kaba dap da ki jingijli bad ka jingbymkhuid kata ka jingklim sih jong ka; 5bad halor ka shyllangmat jong ka, la don ka kyrteng ïa kaba la thoh, “Ka Jingmaïan, ka Babilon ka bakhraw, ka kmie kita ki nuti bad kita ki jingijli jong kata ka khyndew.” 6Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu:

Te haba nga la ïohi ïa ka, nga la sngewphylla da ka jingsngewphylla bakhraw. 7Te uta u angel u la ong ha nga, “Hato balei me la sngewphylla? ngan ïathuh ha me ïa kata ka jingmaïan jong kata ka briew, bad ka jong uta u mrad khlaw uba kit ïa ka, uba don kita ki hynñiew ki khlieh bad kita ki shiphew ki reng. 8#Dan. 7:3; Jpw. 3:5; 11:7; Salm. 69:28.Uta u mrad khlaw ïa uba me la ïohi u la long, bad um long shuh; te u ban sa kiew noh na kata ka 'liewlong bakhlem trai, bad u ban leit noh sha ka jingpynjot. Te kita kiba shong halor kata ka khyndew kin ïasngewkyndit (ïa kiba ki kyrteng jong ki ym shym la thoh ha kata ka kitab jong ka jingim na myndanglong ka pyrthei), haba ki ïakhmih ïa uta u mrad khlaw kumno ba u la ju long, bad ba um long shuh, bad ba un sa long. 9Hangne don ka jingmut kaba don ka jingstad. Kita ki hynñiew ki khlieh ki long hynñiew ki lum, ha kiba kata ka briew ka shong. 10Bad ki long hynñiew ki syiem; ki san ngut ki la hap, bad uta uwei u long, te uta uwei pat um pat la wan; bad ynda u wan, ka dei ïa u ban sah katto katne. 11Te uta u mrad khlaw uba la ju long, bad um long shuh, uta hi u long u baphra ruh, bad u long na kita ki hynñiew; bad u leit noh sha ka jingpynjot. 12#Dan. 7:24.Bad kita ki shiphew reng ïa kiba me la ïohi, ki long shiphew ki syiem ki bym pat shym la pdiang ïa ka hima; hynrei, ki ïa-pdiang ïa ka bor kum ki syiem, ïa tang shi por, lem bad uta u mrad khlaw. 13Kine ki ïadon kawei ka jingmut, te ki ïa-aiti ïa ka bor bad ïa ka bor synshar jong ki ha uta u mrad khlaw. 14#Dan. 2:47.Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

15Te u la ong ha nga, “Kita ki um ïa kiba me la ïohi, ha kaba kata ka nuti ka shong, ki long ki paidlang, bad ki paidbah, bad ki kynja bynriew, bad ki thylliej. 16Bad kita ki shiphew ki reng ïa kiba me la ïohi, bad uta u mrad khlaw, kine kin ïashun ïa kata ka nuti, bad kin ïa-pynlong kaba marwei bad ka balyngkhuit ïa ka, bad kin ïabam duh ïa ka doh jong ka, bad kin ïathang duh ïa ka da ka ding. 17Namar U Blei u la buh ha ki dohnud jong ki ban leh ïa ka mon jong u, bad ban ïakut da kawei ka jingmut, bad ban ïa-aiti ïa ka hima jong ki ha uta u mrad khlaw, tad ynda yn pyndep noh ïa kita ki ktien U Blei. 18Te kata ka briew ïa kaba me la ïohi, ka long kata ka nongbah kaba khraw kaba synshar halor kita ki syiem kata ka khyndew.”

Currently Selected:

JINGPYNPAW 17: KHB

Highlight

Copy