JINGPYNPAW 16

Ki pliang ka jingbitar U Blei

1 # Isa. 66:6; Salm. 69:24. Bad nga la ïohsngew ïa ka ktien bajam na kata ka templ, kaba ong ha kita ki hynñiew angel, “To khie leit noh phi, bad to theh noh ïa kita ki pliang ka jingbitar U Blei ha kata ka khyndew.”

2 # Eks. 9:10-11; Deu. 28:35. Te u banyngkong u la leit noh, bad u la theh noh ïa ka pliang jong u halor kata ka khyndew; bad la long ka tohjaw basniew bad bashitom eh halor kita ki briew kiba don ka dak uta u mrad khlaw, bad kiba ïamane dem ïa ka dur jong u.

3 # Eks. 7:17-21. Bad uta u ba-ar u la theh noh ïa ka pliang jong u sha kata ka duriaw; te ka la kylla long kum ka snam jong u baïap; bad ka mynsiem ba-im baroh ha kata ka duriaw ka la ïap noh.

4 # Eks. 7:17-21. Bad uta u balai u la theh noh ïa ka pliang jong u sha kita ki wah bad sha kita ki pukri um; te ki la kylla long ka snam. 5Bad nga la ïohsngew ïa uta u angel kita ki um ba u ong,

“Me long u bahok, uba long

bad uba la long,

me U Bakhuid,

naba me la kut bishar kumne:

6 # Salm. 79:3. naba ki la ïa-pynmih noh

ïa ka snam ki riewkhuid

bad ki nongïathuhlypa,

te me la ai ha ki ka snam

ban dih:

namar ki la kop hi kumta.”

7 # Salm. 119:137. Bad nga la ïohsngew na kata ka duwan kaba ong,

“Shisha, ko Trai uba U Blei

Badonbor Baroh,

kiba shisha bad ki bahok

long kita ki jingkut bishar

jong me.”

8Bad uta u basaw u la theh noh ïa ka pliang jong u halor ka sngi; te la ai bor ha ka ban pynshit tyrha ïa ki briew da ka ding. 9Kumta keiñ, la pynshit tyrha ïa ki briew da ka jingshit ka bakhraw: te ki la ïakrenbeiñ ïa ka kyrteng jong uta U Blei uba don ka bor halor kine ki jingïapthem; te kim shym la kylla-ka-bamut ban ai burom ha u.

10 # Eks. 10:21. Bad uta u basan u la theh noh ïa ka pliang jong u halor ka khet jong uta u mrad khlaw; te la pyndum noh ïa ka hima jong u; te ki la dait ïa la ki thylliej namar kata ka jingkordit, 11bad ki la ïakrenbeiñ ïa U Blei ka bneng namar kita ki jingkordit jong ki bad kita ki tohjaw jong ki; te kim shym la kylla-ka-bamut na ki jingleh jong ki.

12 # Isa. 11:15-16. Bad uta u bahynriew u la theh noh ïa ka pliang jong u halor kata ka wah bakhraw, ka Ïuphratis; te ka um jong ka, ka la rngad noh, ba yn ïoh khreh ïa ka lynti bah ïa ki syiem kiba na mihngi. 13#1 Syiem. 22:21-23; Eks. 8:3.Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler; 14namar ki long ki mynsiem ki ksuid kiba leh ïa ki dak khyllah; kiba leit mih noh sha kita ki syiem jong kata ka pyrthei baroh kawei, ban ïalum lang ïa ki sha kata ka thma jong kata ka sngi ka bakhraw U Blei U Badonbor Baroh. 15#Mat. 24:43,44; Luk. 12:39,40; 1 Thes. 5:2; Jpw. 3:3.(“Ha khmih, nga wan kum u nongtuh. Suk uta uba sharai, bad uba ri noh ïa la ki jaiñkup, ïoh ba un ïaid lyngkhuit, bad ba kin ïohi ïa ka jinglehrain jong u.”) 16#2 Syiem. 9:27; 23:29; 2 Khrn. 35:22.Te ki ïalum lang ïa ki sha kata ka jaka ïa kaba la khot ha ka Hebru, “ka Armagedon”.

17 # Isa. 66:6. Bad uta u bahynñiew u la theh noh ïa ka pliang jong u sha ka suiñbneng; te ka la wan mih noh ka ktien bajam na kata ka templ, na kata ka khet, ka da ong, “La pyndep!” 18#Eks. 19:16; Dan. 12:1; Jpw. 8:5; 11:13,19.Te la don ki leilieh, bad ki jingsawa, bad ki pyrthat; bad la don ka jingkhynñiuh jumai bakhraw, kat kata kam ju la long naduh ba la long ki briew ha ka khyndew, ka jingkhynñiuh jumai bajur eh katta katta, bad kaba khraw katta katta. 19#Isa. 51:17.Te la pynbynta lai bynta ïa kata ka nongbah ka bakhraw, bad kita ki nongbah jong ki kynja bynriew ki la kyllon: bad la kynmaw ïa ka Babilon kaba khraw ha khmat U Blei, ban ai dih ha ka ïa kata ka khuri ka Waiñ ka jingshla ka jingbitar jong u. 20#Jpw. 6:14.Bad kawei pa kawei ka 'dewlynnong ka la phet ïap noh, bad ïa ki lum ym shym la shem. 21#Eks. 9:23; Jpw. 11:19.Bad u phria bakhraw, kat ka jingthew shi talent, u la hap na bneng halor ki briew: te ki briew ki la ïakrenbeiñ ïa U Blei namar kata ka jingïapthem jong u phria; naba kata ka jingïapthem jong u ka la long kaba khraw eh.

Currently Selected:

JINGPYNPAW 16: KHB

Highlight

Copy