JINGPYNPAW 15
15
Ki angel bad ki jingïapthem ki bakhatduh
1 #
Leb. 26:21. Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.
2Bad nga la ïohi kum ïa ka duriaw ïit ïa kaba la khleh da ka ding; bad ïa kita kiba la ïoh ïa ka jingjopthiaw halor uta u mrad khlaw, bad halor kata ka dur jong u, bad halor kata ka dak jong u, bad halor kata ka jingkheiñ ka kyrteng jong u, ba ki da ïeng keiñ halor kata ka duriaw ïit, ki da don ruh ki duitara jong U Blei. 3#Eks. 15:1; Salm. 145:17.Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong,
“Kiba khraw bad ba-iphylla
long kita ki jingleh jong me,
A U Trai uba U Blei
Badonbor Baroh!
ki bahok bad bashisha
kita ki lynti jong me,
U Syiem jong kita ki rta!
4 #
Jer. 10:7; Salm. 86:9-10. Uei u ban ym tieng burom
ïa me, A Trai,
bad pyndonburom
ïa ka kyrteng jong me?
naba tang ma me hi u bakhuid.
Naba ki kynja bynriew baroh
kin ïawan bad kin ïamane dem
ha khmat jong me,
naba la pynpaw shynna
ïa ki jingleh bahok jong me.”
5 #
Eks. 40:34. Bad hadien kine kiei kiei ruh, nga la ïohi, bad ha khmih, la plie wang ïa ka templ jong Ka Tabernakl jong ka jingphla ha bneng; 6bad kita ki hynñiew angel kiba don kita ki hynñiew ki jingïapthem, ki la ïawan mih noh na kata ka templ, kiba la kup ïa ka jaiñ linen ka bakhuid bad ka batyngshaiñ, bad kiba la panpoh ha la ki shadem da ki jingpanpoh ksiar. 7Bad uwei na kita ki jingthaw ba-im u la ai ha kita ki hynñiew angel, hynñiew ki pliang ksiar ba-dap da ka jingbitar U Blei u ba-im sha ki bymjukut ki bymjukut. 8#1 Syiem. 8:10,11; 2 Khrn. 5:13,14; Isa. 6:4; Ese. 44:4.Te la pyndap ïa kata ka templ da ka tdem na ka burom U Blei, bad na ka borbah jong u; te uno uno ruh um lah ban leit bsut sha kata ka templ, tad ynda la pyndep ïa kita ki hynñiew ki jingïapthem jong kita ki hynñiew angel.
Currently Selected:
JINGPYNPAW 15: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
