PHILIPPI 1

Ka jingkhublei

1 # Ki Kam. 16:1,12-40; Rom. 1:1; 2 Kor. 1:1; Gal. 1:10; Kol. 1:1; 1 Thes. 1:1; 2 Thes. 1:1; Phlm. 1:1. U Paul bad u Timothi, ki shakri U Khrist Jisu,

Ha ki riewkhuid baroh ha U Khrist Jisu kiba don ha Philipi, lem bad ki nongsharai bad ki tymmen basan:

2 # Rom. 1:7. Ka jingaiei ha phi bad ka jingsuk na U Blei uba U Kpa jong ngi bad na U Jisu Khrist uba U Trai.

Ka jingduwai ainguh u Paul

3Nga ainguh ïa U Blei jong nga ha la ka jingkynmaw baroh shaphang jong phi, 4ha la ka sngi ha ka jingkyrpad jong nga baroh na ka bynta jong phi baroh, da kaba pynlong ïa kata ka jingkyrpad jong nga bad ka jingkmen, 5namar ka jingïasyllok jong phi ha kaba pynroi ïa ka gospel naduh ka sngi ka banyngkong haduh mynta; 6#1 Kor. 1:8.ba nga da ngeit skhem ïa kane hi, ba uta uba la sdang ha phi ïa ka jingleh babha un pynjanai ïa ka haduh ka sngi U Jisu Khrist: 7#Ki Kam. 21:33; 2 Kor. 7:3; Eph. 6:20.kumba ka long kaba dei keiñ ïa nga ban mut kumne shaphang jong phi baroh, naba phi don ha ka dohnud jong nga, namar ha kine ki kynjri jong nga bad ha ka jingïada bad ka jingpynskhem ïa ka gospel, phi long baroh kiba ïaïoh bynta lem bad nga na ka jingaiei. 8Namar U Blei u long u nongsakhi jong nga, katno ba nga sngewkynmaw hir hir ïa phi baroh ha ki jingisynei bajem U Khrist Jisu. 9Te ïa kane nga duwai, ba ka jingieit jong phi kan nang ïoh roi kyrhai shuh shuh ha ka jingtip bad ha ka jingshemphang baroh; 10ba phin ïoh nang ban bishar thuh ïa kiei kiei kiba shong pher; ba kumta, phin ïoh long kiba sngur bad kiba khlem pynthut haduh ka sngi U Khrist; 11kiba la pyndap da ki soh ka hok, kiba long da U Jisu Khrist, khnang ïa ka burom bad ka jingïaroh ïa U Blei.

Ïa ka ban im ka long U Khrist

12 # Luk. 21:13. Te nga kwah ba phin tip, ko parabangeit, ba kita kiei kiei kiba la jia ha nga ki la jia ïa ka ban kham pynroi ïa ka gospel; 13#Ki Kam. 28:30; 2 Tim. 2:9.kat ban pynlong ïa kine ki kynjri jong nga kiba paw ha U Khrist ha baroh kawei ka dorbar u patsha, bad ha kiwei pat baroh; 14bad ba kham bun na ki parabangeit ha U Trai, haba ki da shaniah skhem da kine ki kynjri jong nga, ki la kham shlur shikatdei eh ban ïalap ïa ka ktien U Blei khlem da sheptieng.

15Don shisha keiñ kiba ïalap ïa U Khrist wat na kaba sngewpihuiñ bad kaba ïa-pyneh; don ruh kiba na ka mon sngewbha: 16kine na ka jingieit, ba ki da tip ba la buh ïa nga ban long ka jingïada ïa ka gospel: 17kita pat, ki ïalap ïa U Khrist na ka jingïapyneh, ym na ka jingsngur, ba ki da mut ban ïa-pynlang shuh shuh ïa ka jingjynjar ha nga ha ki jingkhum jong nga. 18Kan lei? tang ba ha kaba kumno kumno ruh, la ha ka jingtyllep lane ha ka jingshisha, la ïalap keiñ ïa U Khrist; te ha kane nga sngewkmen, bad shisha ruh ngan sngewkmen.

19 # Ki Kam. 16:7; 2 Kor. 1:11. Namar nga tip ba kane kan pynjia lad ïa ka jingpynim jong nga da ka jingkyrpad jong phi, bad da ka jingpyndap U Mynsiem U Jisu Khrist, 20#Rom. 14:8.katba kum ka jingkhmih kmang bad ka jingkyrmen jong nga, ba ha kaei kaei ruh yn ym pynlehrain ïa nga, hynrei, da ka jingshlur suda, kumba ha la ka sngi, mynta ruh yn pynkhraw ïa U Khrist ha ka met jong nga, lane da ka jingim, lane da ka jingïap. 21#Gal. 2:20.Namar ïa nga, ka ban im ka long U Khrist, bad ka ban ïap ka long ka jingmyntoi keiñ. 22Hynrei, lada ban im ha ka doh: lada kane ka long u soh ka jingtrei jong nga, te ïa kano ngan jied ngam tip shuh. 23Hynrei, nga sngewlyngngoh ha kine baroh ar, haba nga don ka jingkwah ïa ka ban ïoh leit noh bad ban long lem bad U Khrist; naba ka long kham bha shikatdei eh: 24toi ban sah ha ka doh ka long kaba kham donkam keiñ na ka bynta jong phi. 25Te haba nga don kane ka jingshaniah, nga tip ba ngan ïoh sah, shisha, bad ba ngan sah lem bad phi baroh na ka bynta ka jingroi bad ka jingkmen jong phi ha ka jingngeit; 26ba kumta, kata ka jingsngewkmen jong phi kan ïoh roi kyrhai ha U Khrist Jisu namar jong nga, da ka jingdon ryngkat jong nga bad phi pat.

27Tang ba, ka rukom ka jingim jong phi ai kan ïadei bad ka gospel U Khrist: ba la nga wan bad ïohi ïa phi lane haba ngam don, ngan ïohsngew shaphang ka jinglong jong phi, ba phi ïeng skhem ha kawei ka mynsiem, da kaba ïa-pyneh da kawei ka jingmut na ka bynta ka jingngeit ka gospel; 28#2 Thes. 1:5.bad khlem da pynsheptieng ïa phi ha kaei kaei ruh, da kita ki nongshun: kaba long ha ki, ka dak shynna ka jingpynjot, hynrei, ha phi ka jingpynim keiñ, kata ruh, na U Blei. 29Naba ha phi, la ai na ka bynta U Khrist, ym tang ban ngeit ha u, hynrei, ban shah shitom ruh na ka bynta jong u; 30#Ki Kam. 16:19-40; 1 Thes. 2:2.haba phi don kajuh ka jingïaleh ïa kaba phi la ïohi ha nga, bad mynta phi ïohsngew ba ka long ha nga.

Currently Selected:

PHILIPPI 1: KHB

Highlight

Copy