PHILIPPI 2

Ka jinglehrit bad ka jinglong bakhraw U Khrist

1 # 2 Kor. 13:14. Lada don, namar kata, kano kano ka jingpyntngen ha U Khrist, lada don kano kano ka jingpynshngain ka jingïa-ieit, lada don kano kano ka jingïasyllok U Mynsiem, lada don kino kino ki jingisynei bajem bad ki jingïasngewsynei, 2to phin pyndap noh ïa ka jingkmen jong nga, ba phin ïalong kajuh ka jingmut, kiba don kajuh ka jingïa-ieit, kiba shi mynsiem hi, kiba ïadei jingmut; 3#Rom. 12:10; 15:1-2.wat leh ei ei ruh da ka jingïapyneh lane da ka jingsarong; hynrei, da ka jingsngewrit da ñiew phi ïa ki paralok kiba kham bha ban ïa lade; 4khlem da khmih uwei pa uwei tang ïa la ki jong hi, hynrei, uwei pa uwei na phi ïa ki jong kiwei pat keiñ. 5#Mat. 11:29; 20:28; Ïoan. 1:1; 2 Kor. 8:9; Heb. 5:8.To ïoh ïa kane ka jingmut ha phi, kaba la long ruh ha U Khrist Jisu: 6uba haba u long ha ka dur U Blei, um shym la ñiew eh ïa ka ban bat ban long marryngkat bad U Blei, 7hynrei, u la pynsuda ïa lade, u da shim ïa ka dur mraw, haba u la jia long ha ka jingsyriem ki briew; 8te haba la shem ïa u ha ka rukom kum u briew, u la leh rit ïa lade, haba u la jia long uba kohnguh wat haduh ka jingïap, ho-oid, ka jingïap ka diengphna keiñ. 9#Rom. 10:9; 14:9; Eph. 1:20-21.Naba kumta te, U Blei u la kyntiew eh ïa u, bad u la ai ha u ïa kata ka kyrteng kaba halor ka kyrteng baroh; 10#Isa. 45:23.ba ha kata ka kyrteng U Jisu, ka khohsiew baroh kan ïoh dem khrup, ki jong kiba ha ki bneng bad ki jong kiba ha ka khyndew bad ki jong kiba hapoh ka khyndew keiñ, 11bad ba u thylliej baroh un ïoh phla shynna ba U Jisu Khrist u long U Trai, ïa ka ban pyndonburom ïa U Blei uba U Kpa.

To tyngshaiñ kum ki jingshai ha ka pyrthei

12Kumta te, ko hep ba-ieit jong nga, kumba ha la ka sngi phi la kohnguh, ym tang ha khmat jong nga, hynrei, mynta, kham tam eh ha kaba ngam don ha khmat keiñ, to trei dep noh ïa ka jingpynim jong phi hi da ka jingtieng bad ka jingkhynñiuh; 13#1 Kor. 15:10.namar dei U Blei uba trei hapoh jong phi ïa ka ban mon ruh bad ïa ka ban trei, namar ka jingsngewbha jong u.

14To leh ïa kiei kiei baroh khlem ki jingkhñium bad ki jingïania; 15#Deu. 32:5; Mat. 5:45,48.ba phin ïoh long kiba khlem jingrem bad kiba lui lui, ki khun U Blei kiba khlem kynnoh pop hapdeng ka pateng bynriew ka bakynriang bad bamutlop; hapdeng kita, la ïohi ïa phi kum ki jingshai ha ka pyrthei, 16da kaba bat tyrwa ïa ka ktien ka jingim; ba ngan ïoh lehburom ha ka sngi U Khrist, ba ngam shym la phet lehnohei, lymne trei lehnohei. 17Ho-oid, wat lada la theh noh ïa nga kum ka jingainguh dih ha ka jingkñia bad ka jingshakri ka jingngeit jong phi, nga sngewkmen, bad nga leh kmen lem bad phi baroh. 18Bad kumjuh ma phi ruh, to ïasngewkmen, bad to ïakmen lem bad nga.

U Timothi bad u Epaphroditos

19Hynrei, nga kyrmen ha U Trai Jisu ban phah shen ïa u Timothi ha phi, ba nga ruh ngan ïoh sngewhun ynda nga la tip ïa ka jinglong jong phi. 20Namar ngam don ïano ïano ruh uba kajuh ka mynsiem, u ban kit khia da shisha na ka bynta jong phi. 21Namar ki baroh ki ïawad ïa la ki jong, ym ïa kiei kiei ki jong U Jisu Khrist. 22Hynrei, phi tip ïa ka jingtynjuh ïa u, ba kum u khun bad la u kpa u la shakri lem bad nga ha ka jingpynroi ïa ka gospel. 23Ïa une te, namar kata, nga kyrmen ban phah kumne shen, tang nga shu ïohi kumno kan jia ïa nga: 24hynrei, nga kyrmen ha U Trai ba ma nga hi ruh ngan wan shen. 25Hynrei, nga la mut ba donkam ban phah noh sha phi ïa u Epaphroditos, u parabangeit bad u para baïatrei lem bad u para shipai jong nga, bad u nongkit-ktien jong phi bad u nongpyndap ïa ka jingkyrduh jong nga. 26Namar u la kynmaw hir hir keiñ ïa phi baroh, bad u da sngewpisa eh, naba phi la lah ïohsngew ba u la pang. 27Namar shisha, u la pang la jan ïap: hynrei, U Blei u la isynei ïa u; te ym tang ïa u hi, hynrei, ïa nga ruh, ba ngan ym ïoh ïa ka jingsngewsih halor ka jingsngewsih. 28Namar kata, nga la phah noh kham kloi ïa u, khnang ba, ynda phi la ïohi ïa u pat, phin sngewkmen, bad nga te ngan ïoh long uba kham duna jingsngewsih. 29To pdiang ïa u, namar kata, ha U Trai da ka jingkmen baroh; bad to phin ñiew burom ïa kiba kum kita: 30naba na ka bynta ka kam U Khrist, u la poi hajan ka jingïap, haba u la kheiñduh ïa la ka jingim ba un ïoh pyndap noh ïa kata ka jingduna ka jinglehbha jong phi ïa nga.

Currently Selected:

PHILIPPI 2: KHB

Highlight

Copy