LOUKAS 3

Ka jingïalap u Ïoannis Nongpynbaptis

(Mat. 3:1-12; Mrk. 1:1-8; Ïoan. 1:19-28)

1 # Luk. 23:1; 9:7; 13:31; 23:7. Te ha ka bakhatsan snem ka jingsynshar u Tiberios Kaisar, mynba u Pontios Pilat u long lyngskor ka Judia, bad u Herod u long Tetrark ka Galilaïa, bad u Philip u para jong u, u long Tetrark ka Ituraïa bad ka ri Trakhonitis, bad u Lusanias u long Tetrark ka Abilini, 2#Ïoan. 18:13; Ki Kam. 4:6; Mat. 26:3; Ïoan. 11:49.ha kaba u Annas bad u Kaïaphas ki long rangbah lyngdoh, la wan ka ktien U Blei ha u Ïoannis u khun u Sakharaïa ha ka ri khlaw. 3#Mat. 3:1-10; Mrk. 1:1-5; Ïoan. 1:6,23.Te u la leit sha ka ri baroh sawdong ka Jordan, u da ïalap ïa ka jingbaptis ka jingkylla-ka-bamut, ïa ka ban map ki pop; 4#Isa. 40:3-5.kumba la thoh ha ka kitab ki ktien jong u Isaïah u nongïathuhlypa, u da ong:

“Ka ktien jong uba pyrta

ha ka ri khlaw;

‘Phin pynkhreh

ïa ka lynti bah U Trai,

phin pynbeit ïa ki lynti jong U.

5Ïa ka jaka them baroh

yn pyndap,

ïa u lum bah

bad ïa u lum rit baroh

yn pynmadan ruh;

bad ki lynti ki bakyllaiñ

kin long kiba beit,

bad kiba shong at

shong them ruh

kin long ki lynti bamadan;

6 # Luk. 2:30. bad ka doh baroh kan ïohi

ïa ka jingpynim jong U Blei.’ ”

7 # Mat. 12:34; 23:33. Namar kata, u la ong ha ki paidbah kiba la mih noh ba yn pynbaptis ma u ïa ki, “A ki khun ki ksiew ki bseiñ, uei ba la maham lypa ïa phi ban phet ïap noh na ka jingbitar ka ban sa lap? 8#Ïoan. 8:33,39.Naba kumta, to sei noh ïa ki soh kiba dei biang ïa ka jingkylla-ka-bamut, bad wat sdang ban ong ha lade, ‘Ngi don u Abraham uba long u kpa jong ngi’; naba nga ong ha phi, ba U Blei u lah na kine ki maw ban pynmih khun ïa u Abraham! 9#Mat. 7:19; Heb. 6:7-8.Te wat mynta ruh ïa ka wait la buh ha u thied jong ki dieng: namar kata, ïa u dieng baroh u bymsei soh babha yn khet noh, bad yn bred sha ka ding.”

10Te kita ki paidbah ki la kylli ïa u, ki da ong, “Aïu te ngi dei ban leh?” 11#Luk. 6:29.U la ïathuh bad u la ong te ha ki, “Jar uba don ar tylli ki sopti un ïasam bad uta u bymdon; bad jar uba don ki jingbam, to un leh kumjuh.” 12#Luk. 7:29.Ki nongkhrong ruh de ki la wan ba yn pynbaptis ïa ki, bad ki la ong ha u, “Ko Nonghikai, aïu ngi dei ban leh?” 13U la ong te ha ki, “Wat khrong tam ïa kaba la buh ïa phi.” 14Ki shipai ruh ki la kylli de ïa u, ki da ong, “Ngi pat ngi dei ban leh aïu?” U la ong ruh ha ki, “Wat leh jubor ïano ïano ruh, lymne wat shim klop ei ei; to sngewhun ruh bad la ka bainong.”

15 # Ki Kam. 13:25; Ïoan. 1:19-22. Te katba uta u paidlang u dang ap lyngngoh, bad ba baroh ki ïasaid hi ha la ki dohnud dohnud shaphang u Ïoannis, ïoh ba dei ma u pynban uta U Khrist; 16#Mat. 3:11-12; Mrk. 1:7-8; Ïoan. 1:26-27,33; Ki Kam. 1:5; 11:16; 19:4.u Ïoannis u la ïathuh ha ki baroh, u da ong, “Nga shisha nga pynbaptis ïa phi da ka um; hynrei, un sa wan uba kham khraw ïa nga, uba kam dei ïa nga ban loit noh wat ïa ka jingteh ki juti jong u; uta keiñ un pynbaptis ïa phi da U Mynsiem Bakhuid bad da ka ding: 17uba ka jingpeh jong u ka ha ka kti jong u, ïa ka ban pynkhuid bha ïa ka kyntem jong u, bad ban lum ïa u Kew sha ka thiar jong u; hynrei, ïa u stait un thang da ka ding bymjulip.”

18Kumta, da bun kiwei kiwei pat ki jingsneng u la ïathuhkhana babha ha u paidlang. 19#Mat. 14:3-4; Mrk. 6:17-18.Hynrei, u Herod uba u Tetrark#3:19 uba u Tetrark: Ha ki Edition kiba rim jong Ka Baibl kine ki kyntien ki don. La buh biang hangne ban pynshai ba U Herod u dei u Tetrark. Khmih ruh ïa ka jingbatai ha ka Gospel kat kum u Mathaïos 14:1., ba u la shah sneng na u, shaphang ka Herodias ka tnga u Philip u para jong u, bad shaphang ki kam bymman baroh ïa kiba u Herod u la lah leh, 20u la kynton lang halor baroh sa ïa kane ruh, ba u la set ïa u Ïoannis ha ka byndi.

Ka jingpynbaptis ïa U Jisu

(Mat. 3:13-17; Mrk. 1:9-11)

21 # Mat. 3:13-17; Mrk. 1:9-11,35; Luk. 5:16; 6:12; 9:18,28; 11:1; Ïoan. 1:29-34. Ka la jia te, ynda la lah pynbaptis ïa uta u paidlang baroh, bad haba la lah pynbaptis ïa U Jisu ruh, bad ba U dang duwai, ba la plie ïa ka bneng, 22#Salm. 2:7; Isa. 42:1; Mat. 12:18; 17:5; Mrk. 9:7; Luk. 9:35; Ki Kam. 10:38; 2 Pet. 1:17.bad U Mynsiem Bakhuid u la hiar ha U ha ka dur met, kum ka paro, bad ka ktien ka la wan na bneng, kaba ong, “Me long U Khun jong nga uba ieit; ha me nga sngewbha eh.”

Ka jingkha pateng la pateng ïa U Jisu

(Mat. 1:1-17)

23 # Jen. 5:3-32; 11:10-26; Rut. 4:18-22; 1 Khrn. 1:1-4,24-28; 2:1-15; Mat. 1:1-17; Luk. 1:27; Ïoan. 8:57. Te U Jisu hi haba u la sdang ban hikai, u la long kumba laiphew snem ka rta, uba long (kumba la tharai) u khun u Joseph, u khun u Heli, 24u khun u Matthat, u khun u Lebi, u khun u Melkhi, u khun u Janna, u khun u Joseph, 25u khun u Mattathias, u khun u Amos, u khun u Naum, u khun u Esli, u khun u Naggai, 26u khun u Maath, u khun u Mattathias, u khun u Semei, u khun u Josikh, u khun u Juda, 27u khun u Joanna, u khun u Risa, u khun u Sorobabel, u khun u Salathiel, u khun u Niri, 28u khun u Melkhi, u khun u Addi, u khun u Kosam, u khun u Elmodam, u khun u Er, 29u khun u Jose, u khun u Elieser, u khun u Jorim, u khun u Matthat, u khun u Lebi, 30u khun u Simeon, u khun u Juda, u khun u Joseph, u khun u Ïonan, u khun u Eliakim, 31u khun u Melea, u khun u Menan, u khun u Mattatha, u khun u Nathan, u khun u Dabid, 32u khun u Jesse, u khun u Obed, u khun u Boas, u khun u Salmon, u khun u Naason, 33u khun u Aminadab, u khun u Aram, u khun u Esrom, u khun u Phares, u khun u Juda, 34u khun u Jakob, u khun u Isaak, u khun u Abraham, u khun u Terah, u khun u Nahor, 35u khun u Serukh, u khun u Raw, u khun u Peleg, u khun u Eber, u khun u Shelah, 36u khun u Kainan, u khun u Arphaksad, u khun u Shem, u khun u Noah, u khun u Lamekh, 37u khun u Methusela, u khun u Enokh, u khun u Jared, u khun u Malelil, u khun u Kainan, 38u khun u Enos, u khun u Seth, u khun u Adam, uba u khun U Blei.

Currently Selected:

LOUKAS 3: KHB

Highlight

Copy