LOUKAS 2

Ka jingkha ïa U Jisu Khrist

(Mat. 1:18-25)

1 # Luk. 3:1. Ka la jia te ha kita ki sngi, ba ka hukum ka la mih noh na u Kaisar Agustos, ban kheiñ ïa kiba shong ha ka pyrthei baroh. 2(Kane ka la long ka jingkheiñ ka banyngkong mynba u Kyrinios u long lyngskor ha ri Syria.) 3Bad baroh ki la leit ba yn kheiñ ïa ki, uwei pa uwei sha la ka jong ka jong ka shnong. 4#Luk. 1:27.Te u Joseph ruh u la leit kiew na Galilaïa, na ka shnong Nasaret, sha Judia, sha ka shnong u Dabid, ïa kaba la khot “Bethlehem” (namar ba u long na ka ïing bad na ka jaid u Dabid): 5ba yn kheiñ ïa u lem bad ka Mari kaba la lah ïatehktien bad u, kaba la punkhun. 6Ka la jia te, katba ki dang don hangta, ba la dap ki sngi ïa ka, ban kha khun. 7Te ka la kha ïa u khun u banyngkong jong ka, bad ka la sop ïa u da ki jaiñsop, bad ka la pynthiah ïa u ha ka shyngoid; naba ym don jaka ïa ki ha ka ïingbasa.

Ki nongaplangbrot bad ki angel

8La don te ha kata ka ri, ki nongaplangbrot kiba sah sha lum, bad kiba ïa-ap miet ïa ka kynhun langbrot jong ki. 9#Luk. 1:11; Ki Kam. 5:19.Ha khmih ruh, u angel U Trai u la wan shisyndon ha ki, bad ka burom U Trai ka la tyngshaiñ baroh sawdong ïa ki: te ki la sheptieng shikatdei eh. 10Hynrei, uta u angel u la ong ha ki, “Wat sheptieng; naba ha khmih, nga wallam ha phi ïa ka khubor babha ka jingkmen bakhraw ka ban long ha ki briew baroh: 11#Ïoan. 4:42; Ki Kam. 5:31; Mat. 16:16; Ki Kam. 2:36.naba ha kane ka sngi la kha ïa phi, ha ka shnong u Dabid, ïa U Nongpynim, uba long U Khrist uba U Trai: 12#1 Sam. 2:34; 2 Syiem. 19:29; Isa. 7:14.te kane kan long ka dak ïa phi; phin shem ïa u khunlung ba la sop da ki jaiñsop, u da thiah ha ka shyngoid.” 13Bad kyndit kyndit la don lem bad uta u angel bun bah u paidbah ka bneng, ki da ïaroh ïa U Blei, ki da ong ruh,

14 # Luk. 19:38; 3:22. “Ka burom ha U Blei

ha kiba jrong tam eh,

bad ha ka pyrthei

ka jingsuk hapdeng ki briew

ha kiba U sngewbha eh.”

15Ka la jia ruh, katba kita ki angel ki la leit noh na ki sha bneng, ba kita ki nongaplangbrot ruh ki la ïa-ong paralok hi, “Ïa, ngin ïaleit mynta haduh Bethlehem, bad ngin ïohi ïa kane kaei kaei kaba la jia, ïa kaba U Trai u la pynbna ha ngi.” 16Kumta, ki la ïawan kyrkieh, bad ki la shem ïa ka Mari bad ïa u Joseph, bad ïa uta u khunlung ba u thiah ha kata ka shyngoid. 17Haba ki la ïohi te, ki la pynbna kylleng shaphang kata ka jingong, ïa kaba la lah ïathuh ha ki shaphang une u khynnah. 18Baroh ruh kiba la ïohsngew, ki la kyndit shaphang kita kiei kiei ruh ba la lah ïathuh ha ki da kita ki nongaplangbrot. 19#Luk. 2:51.Hynrei, ka Mari ka la ri kyndong ïa kine kiei kiei baroh, ka da ïaikhan ïa ki ha la ka dohnud. 20Kita ki nongaplangbrot te ki la leit wan noh, da kaba burom bad da kaba ïaroh ïa U Blei namar kiei kiei baroh ïa kiba ki la lah ïohsngew, bad ba ki la lah ïohi, kumba la ïathuh ha ki.

Kaba ai kyrteng ïa U Jisu

21 # Leb. 12:3; Luk. 1:31,59; Mat. 1:25. Te ynda la dap ka phra sngi ïa ka ban otsher ïa u, la kyrteng ïa u, “U Jisu”, ka kyrteng ïa kaba la lah ai da uta u angel shuwa ban pun ïa U ha ka kpoh.

Ka jingleitlam ïa U Jisu sha ka templ

22 # Leb. 12:2-8. Bad ynda la dap ki sngi ka jingpynkhuid ïa ki, katba kum Ka Hukum u Moses, ki la leit lam ïa U sha Jerusalem, ïa ka ban pynkyntang ïa U sha U Trai: 23#Eks. 13:2,12.(kumba la thoh ha Ka Hukum U Trai, “U shynrang baroh, ïa uba la kha nyngkong, yn ñiew u bakhuid ïa u sha U Trai”); 24bad ïa ka ban ai ïa ka jingkñia, kat kum ba la ong ha Ka Hukum U Trai, “Shi jur ki lyngdkhur, lane ar tylli ki khun paro.” 25#Luk. 2:38; 23:51.Ha khmih ruh, la don u briew ha Jerusalem, uba kyrteng “u Simeon”; te une u briew u long u bahok bad u bariewblei, uba da ap kyrmen ïa ka jingpyntngen jong u Israel: bad U Mynsiem Bakhuid u la don ha u. 26La pynpaw te ha u da U Mynsiem Bakhuid, ba un ym ïohi ïa ka jingïap, katba um pat ïohi ïa U Khrist u jong U Trai. 27Te u la wan ha U Mynsiem sha ka templ: bad haba kita ki kmie ki kpa ki la wallam shapoh ïa U Jisu uba dang khunlung, ba kin leh na ka bynta jong U kumba shong ka rukom jong Ka Hukum; 28ynda kumta, u hi u la shim kynthup ïa U, bad u la kyrkhu ïa U Blei, u la ong de,

29“Mynta, A Trai,

men pyllait noh

ïa la u shakri ha ka jingsuk,

katba kum ka ktien jong me,

30 # Isa. 52:10; Luk. 3:6. naba ki khmat jong nga

ki la ïohi ïa ka jingpynim

jong me,

31ïa kaba me la pynkhreh lypa

ha khmat ki briew baroh;

32 # Isa. 42:6; 49:6; Ki Kam. 13:47; 26:23. ka jingshai ïa ka ban pynshai

ïa ki Jentil,

bad ka burom u Israel

u paidlang jong me.”

33Te u Joseph bad ka kmie jong U ki la ïasngewkyndit namar kita kiei kiei ruh ba la kren shaphang jong U. 34U Simeon u la kyrkhu ïa ki ruh, bad u la ong ha ka Mari ka kmie jong U, “Ha khmih, la buh ïa une ïa ka ban long ka jingkyllon bad ka jingïeng ïa ki shibun ha Israel, bad ïa ka dak ruh ïa ka ban kren pyrshah; 35shisha yn pynpei ïa ka mynsiem jong pha hi ruh da ka waitlam; ba yn ïoh pynpaw ïa ki jingmut na ki babun ki dohnud.”

36 # Ki Kam. 21:9; Jos. 19:24; 1 Tim. 5:9. La don ruh kawei ka briew, ka Anna ka nongïathuhlypa, ka khun u Phanuel, na ka jaid Asher: (kaba la slem eh ka rta, kaba la shong bad u tnga tang hynñiew snem naduh ka jinglong sotti jong ka. 37Bad ka la sah riewkynthei jin phraphew saw snem), ka bym ju mih shuh na ka templ, hynrei da ki jingshah jingit bad ki jingduwai, ka da shakri ïa U Blei synñia sngi#2:37 synñia sngi: Ha kane ka bynta ka mut mynmiet bad mynsngi.. 38Kane ruh, haba ka la poi tiap hamar kata ka por, ka la ïaroh ïa U Blei, bad ka la kren shaphang jong U, ha kita baroh kiba ïa-ap kyrmen ïa ka jingsiewspah ka Jerusalem.

Ka jingwan phai sha Nasaret

39 # Mat. 2:23. Ynda ki la pyndep te ïa kiei kiei baroh katba kum ka hukum U Trai, ki la ïawan phai pat sha Galilaïa, sha ka shnong jong ki, ka Nasaret. 40#Nbshr. 13:24; 1 Sam. 2:26.Te uta u khynnah u la nang san, u la nang khraw bor ruh ha ka mynsiem, ba la pyndap ïa u da ka jingstad: bad ka jingaiei U Blei ka la don ha u.

U Khynnah Jisu ha ka templ

41 # Eks. 12:1-27; 23:15; Deu. 16:1-8. Ki kmie ki kpa jong U te ki ju leit sha Jerusalem ha la ka snem, ha Ka Jingkhawai Niam Ka Jinglait. 42Ki te, mynba U la dap khat-ar snem ka rta, ki la leit kiew sha Jerusalem, katba kum ka rukom jong kata Ka Jingkhawai Niam. 43Ynda ki la lah pyndep ïa kita ki sngi, katba ki dang ïawan phai ruh, uta u khynnah, U Jisu, u la nang sah ha Jerusalem; u Joseph te bad ka kmie jong U kim tip. 44Hynrei, ba ki da tharai ba U don bad kiba wan lang, ki la leit shi sngi lynti; bad ki la ïawad ïa U hapdeng ki kur, bad hapdeng ki para ba ïa-ithuh. 45Te haba kim shem ïa U, ki la leit phai pat sha Jerusalem, ki da wad ïa U. 46Ka la jia ruh, ba hadien lai sngi ki la shem ïa U ha ka templ, ba U da shong hapdeng ki nonghikai, U da sngap ïa ki, bad U da kylli jingkylli ïa ki de. 47Baroh te kiba la ïohsngew ïa U ki la sngewlyngngoh ïa ka jingshemphang bad ïa ki jubab jong U. 48#Mrk. 3:31-35.Te haba ki la ïohi ïa U, ki la sngewkyndit eh: bad ka kmie jong U ka la ong ha U, “Ko khun, balei ba me la leh kumne ïa ngi? ha khmih, u kpa jong me bad nga da kaba sngewsih ngi la ïawad ïa me.” 49U te u la ong ha ki, “Balei ba phi ïawad ïa nga? Phim shym tip ba ka dei ïa nga ban long shaphang kiei kiei ruh ki jong U Kpa jong nga?” 50Hynrei, ki kim shym shemphang satia ïa kata ka jingong ïa kaba U la ong ha ki. 51#Luk. 2:19.Te U la leit hiar noh bad ki, bad U la wan sha Nasaret, bad U la ïaikohnguh ïa ki. Hynrei, ka kmie jong U ka la sumar kyndong ïa kine ki jingong baroh ha ka dohnud jong ka.

52 # 1 Sam. 2:26; Pro. 3:4; Luk. 1:80; 2:40. U Jisu ruh u la nang khraw ha ka jingstad bad ha ka rynïeng, bad ha ka jingsngewbha ha khmat U Blei bad ki briew.

Currently Selected:

LOUKAS 2: KHB

Highlight

Copy