LOUKAS 18

Ka pharshi shaphang ka riewkynthei bad u nongbishar

1 # Luk. 11:5-8. Te u la kren ka pharshi ha ki shaphang ba ka dei ïa ki ban ïaiduwai, bad ban ym man thait shuh. 2U la ong, “La don uwei u nongbishar ha kawei ka shnong, u bymsheptieng ïa U Blei lymne burom ïa u briew. 3La don ruh ha kata ka shnong, ka riewkynthei, te ka la wan bunsien ha u, ka da ong, ‘To leh hok ïa nga halor uta uba ïaleh ïa nga.’ 4Te kham slem um mon, hynrei, hadien kata, u la ong ha lade, ‘La ngam sheptieng ruh ïa U Blei, bad la ngam burom ïa u briew, 5hynrei pynban, naba kane ka riewkynthei ka pynsngew satia ïa nga, ngan bishar hok ïa ka, ïoh haba ka wan khlem da pud, kan pynsngew kyllut ïa nga.’ ” 6#Luk. 7:13.Te U Trai u la ong, “Ha sngew, kaei ba uta u nongbishar bymhok u ong! 7#Jpw. 6:10; Mat. 24:22; Rom. 8:33; Kol. 3:12; 2 Tim. 2:10.U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki? 8Nga ong ïa phi, ba un bishar hok ïa ki kumne kumne ruh. Hynrei, ynda wan U Khun u briew, un shem ne em ïa ka jingngeit ha ka pyrthei?”

Ka pharshi shaphang u Pharisi bad u nongkhrong

9Te U la kren ïa kane ka pharshi ruh ha kita kiba la shaniah skhem ha lade ba ki long ki bahok, bad kiba ibeiñ ïa kiwei. 10“Ar ngut ki briew ki la leit kiew sha ka templ ban duwai; uwei u Pharisi, bad uwei pat u nongkhrong. 11#Mat. 6:5; Mrk. 11:25.Uta u Pharisi, haba u la ïeng, u la duwai ha lade kumne: ‘A U Blei, nga nguh ïa me ba ngam long kum kiwei ki briew, kiba shim da ka bor, ki bymhok, ki baklim, lane kum une u nongkhrong ruh. 12#Luk. 5:33; 11:42.Nga shah jingit ar sien shi taïew; nga ai kaba shiphew na kiei kiei baroh katba nga don.’ 13Hynrei, uta u nongkhrong, u da ïeng na jngai, um nud wat ban khmied da la ki khmat sha bneng, hynrei, u la ïaithab ïa la ka shadem, u da ong, ‘A U Blei, to isynei ïa nga u bapop!’ 14#Mat. 18:4; 23:12; Luk. 14:11; 1 Pet. 5:6.Nga ong ha phi, ba une u la leit hiar pat sha la ïing uba la ksan, ban ïa uta uwei pat; naba ïa uei uei baroh uba pynkhraw ïa lade, yn pynpoh; te ïa uta uba pynpoh ïa lade, yn pynkhraw.”

U Jisu u kyrkhu ïa ki khunlung

(Mat. 19:13-15; Mrk. 10:13-16)

15 # Mat. 19:13-15; 18:3; Mrk. 10:13-16. Te ki la wallam ïa la ki khunlung ruh ha u, ba un ïoh ktah ïa ki; hynrei, ki synran haba ki la ïohi ki la sneng ïa ki. 16Hynrei, U Jisu, haba u la khot ha lade ïa ki, u la ong, “To shah ïa ki khunlung ban wan ha nga, to wat khang ruh ïa ki; naba ïa kiba kum kita long ka hima ka jong U Blei. 17Shisha nga ong ha phi, Uno uno ruh u ban ym pdiang ïa ka hima U Blei kum u khun khynnah, da lei lei ruh un ym ïoh leit bsut hapoh kata.”

U samla u bariewspah

(Mat. 19:16-30; Mrk. 10:17-31)

18 # Mat. 19:16-22; Mrk. 10:17-22; Luk. 10:25. Te uwei u nongsynshar u la kylli ïa U, u da ong, “Ko Nonghikai babha, ngan leh kumno ba ngan ïoh ka jingim bymjukut?” 19U Jisu te U la ong ha u, “Balei ba me khot babha ïa nga? ym don u babha, hynrei, tang uwei, uba U Blei keiñ. 20#Eks. 20:12-16; Deu. 5:16-20; Rom. 13:9; Jak. 2:11.Me tip ïa ki hukum; ‘Wat klim; Wat pynïap; Wat tuh; Wat sakhi lamler; Burom ïa la u kpa bad ïa la ka kmie.’ ” 21U te u la ïathuh, “Ïa kine baroh nga la sumar na myndang khynnah.” 22#Luk. 12:33; Ki Kam. 2:45; 4:32.U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.” 23Hynrei, haba u la ïohsngew ïa kine kiei kiei ruh, u la sngewsih shikatdei eh, naba u la long u bariewspah eh. 24#Mat. 19:23-26; Mrk. 10:23-27.Haba U Jisu u la ïohi ba u la leh sngewsih eh, U la ong, “A kaba da eh noh ïa kiba don spah ban leit bsut hapoh ka hima U Blei! 25Naba ka long kham jem ïa ka ut ban bsut lyngba ïa ka thliew thyrnia, ban ïa u bariewspah ban bsut hapoh ka hima U Blei.” 26Kiba la ïohsngew te ki la ong, “Uei ba lah te ban lait im?” 27#Jen. 18:14; Job. 42:2; Jer. 32:17; Luk. 1:37.U te u la ïathuh, “Kiei kiei ruh ki bym lah bad ki briew, ki long kiba lah bad U Blei.” 28#Mat. 19:27-30; Mrk. 10:28-31; Luk. 5:1-11.Ynda kumta, u Petros u la ong, “Ha khmih, ngi la iehnoh ïa kiei kiei baroh, bad ngi la ïabud ïa me!” 29U te u la ong ha ki, “Shisha nga ong ha phi, ba ym don uba la iehnoh ïa ka ïing, lane ïa ki kmie ki kpa, lane ïa ki hynmen hynbew, lane ïa ka tnga lane ïa ki khun, na ka bynta ka hima U Blei, 30u ban ym ïoh diang bun shah ïa katta ha kane ka pyrthei sngi, bad ha ka pyrthei ka ban sa wan, ka jingim bymjukut de.”

U Jisu u kren ka balai sien shaphang la ka jingïap bad ka jingmihpat

(Mat. 20:17-19; Mrk. 10:32-34)

31 # Mat. 20:17-19; Mrk. 10:32-34; Luk. 9:22,44-45; 17:25. Ynda kumta, haba u la shim kyrpang ïa kita ki khat-ar ngut, u la ong ha ki, “Ha khmih, ngi ïaleit kiew sha Jerusalem, bad yn pyndep ha U Khun u briew ïa kiei kiei baroh ïa kiba la thoh da ki nongïathuhlypa; 32naba yn ai noh ïa u ha ki Jentil, bad yn krenbeiñ ïa u, bad yn lehbeiñ ïa u, bad yn bynthiew ruh ha u; 33te kin sympat, bad kin pynïap noh ïa u, hynrei, ha ka balai sngi un sa mihpat.” 34Hynrei, ki kim sngewthuh ei ei ruh na kine kiei kiei ruh; bad la buhrieh ïa kane ka ktien na ki, te kim shemphang ïa kiei kiei ruh ïa kiba la kren.

U Jisu u pynpeit pat ïa u bamatlah

(Mat. 20:29-34; Mrk. 10:46-52)

35 # Mat. 20:29-34; Mrk. 10:46-52; Mat. 9:27-31; Mrk. 8:22; Ïoan. 9:1-7. Ka la jia ruh haba u la wan hajan Jerikho, ba uwei u bamatlah u la shong harud lynti, u da makia ruh. 36Haba u la ïohsngew te ba u paidbah u ïaid lait, u la kylli, “Aïu kane ka lah ban long.” 37Te ki la ïathuh ha u, “U Jisu uba na Nasaret u dang ïaid nangne.” 38Te u la kyang, u da ong, “Ko Jisu, U Khun u Dabid, to isynei ïa nga!” 39Te kita kiba ïaïaid sha shuwa ki la sneng ïa u ba un sngap jar, hynrei, u la kyrpad jam kham tam pynban, “Ko Khun u Dabid, to isynei ïa nga!” 40U Jisu te haba U la ïeng, U la hukum ba yn wallam ïa u ha U: te haba u la wan hajan, U la kylli ïa u, 41U da ong, “Me kwah ba ngan leh aïu ïa me?” Te u la ïathuh, “Ko Trai, ba ngan ïoh imat.” 42#Mat. 9:22; Mrk. 5:34; 10:52; Luk. 7:50; 8:48; 17:19.U Jisu u la ong te ha u, “To men ïoh imat, ka jingngeit jong me ka la pynkhiah ïa me.” 43Te kumne kumne ruh u la ïoh imat, bad u la bud ïa U da kaba ïaroh pyndonburom ïa U Blei. Uta u paidlang baroh ruh haba u la ïohi, u la ai ka jingïaroh ha U Blei.

Currently Selected:

LOUKAS 18: KHB

Highlight

Copy