LOUKAS 17

Shaphang ki jingjynthut

(Mat. 18:6-7,21-22; Mrk. 9:42)

1 # Mat. 18:6-7; Mrk. 9:42; 1 Kor. 8:12. U la ong ruh ha ki synran, “Ka long ka bym lah ïa ki jingjynthut ïa ka ban ym wan, hynrei, kordit ïa uta da uba ki wan! 2Ka la kham bha ïa u lada yn teh da u mawtylliat uba khraw ha ka ryndang jong u, bad yn bred ïa u ha duriaw, ban ïa kaba un pynthut ïa uwei na kine ki barit! 3#Mat. 18:15,21-22.To ïasumar ïa lade; lada u paralok jong me u leh pop ïa me, to sneng ïa u; bad lada u kylla-ka-bamut, to men map ïa u. 4Lada u leh pop ïa me hynñiew sien shi sngi ruh, bad hynñiew sien shi sngi ruh u phai sha me, da kaba ong, ‘Nga kylla-ka-bamut’, men map ïa u.”

To pynroi ïa ka jingngeit jong ngi

5 # Mat. 17:20; 21:21; Mrk. 11:22-23; Luk. 7:13. Te kita ki apostol ki la ong ha U Trai, “To pynroi ïa ka jingngeit jong ngi!” 6U Trai te u la ong, “Lada phi don ka jingngeit kaba kat iwei i symbai tyrso, phi lah ban ong ïa une u dieng Dumbur, ‘Long me ïa uba la rat noh, bad ïa uba la thung ha duriaw’, te un da la kohnguh ïa phi.

Ka kamram u shakri

7 “Hynrei, uno na phi uba don u shakri uba lur, lane uba ap jingri, u ban ong ha uta haba u la wan na lyngkha, ‘Ale kumne kumne da shong bam?’ 8#Luk. 12:37; Ïoan. 13:3-5.Hynrei, un ym kham ong pynban ïa u, ‘To da khreh ïa kaei kaei ruh ïa kaba ngan bam ja miet; to da panpoh ïa lade, shakri ruh ïa nga, tad ynda nga la bam bad nga la dih; hadien kata, me ruh men sa bam bad men sa dih?’ 9U sngewnguh ne em ïa uta u shakri, naba u la leh ïa kiei kiei ruh kiba la hukum ïa u? Nga mut, em. 10Kumjuh ruh ma phi, ynda phi la leh ïa kiei kiei baroh kiba la hukum ïa phi, phin ong, ‘Ngi long ki shakri ba khlem dawa, naba ngi la leh tang ïa kaba dei ïa ngi ban leh.’ ”

U Jisu u pynkhuid shiphew ngut ki bapang 'ñiangthohlieh

11 # Luk. 9:51; 13:22; 19:11. Ka la jia ruh, haba u dang leit sha Jerusalem, ba u la leit lyngba ruh napdeng ka ri Samaria bad ka ri Galilaïa. 12#Leb. 13:45-46.Te haba u dang leit hapoh kawei ka shnong, shiphew ngut ki rangbah ki bapang 'thohlieh ki la ïawan tan ïa u, ki da ïeng na jngai. 13#Luk. 5:5; 8:24,45; 9:33,49.Bad ki la ïapyrta jam, ki da ong, “Ko Jisu kynrad, to isynei ïa ngi.” 14#Leb. 14:1-32; Mat. 8:4; Mrk. 1:44; Luk. 5:14.Te haba u la ïohi ïa ki, u la ong ïa ki, “Khie leit pyni ïa lade ha ki lyngdoh.” Ka la jia te, ba katba ki dang ïaleit, la pynkhuid ïa ki. 15Uwei te na ki, haba u la ïohi ba la pynkhiah ïa u, u la wan phai, u da ïaroh pyndonburom ïa U Blei da ka ktien bajam; 16bad u la dem khrup ha ki kjat jong U, u da nguh ïa U; une te u la long u nong Samaria. 17U Jisu te U da ïathuh U la ong, “Ym shym la pynkhuid ïa ki shiphew? Hynrei, hangno kita ki khyndai? 18Ym shym la shem kiba la wan phai ban ai burom ïa U Blei, hynrei, tang une u nongwei?” 19#Mat. 9:22; Mrk. 5:34; Luk. 8:48; 18:42.Te U la ong ha u, “To ïeng joit, khie leit noh ruh: ka jingngeit jong me ka la pynkhiah ïa me.”

Ka jingwan ka hima jong U Blei

(Mat. 24:23-28,37-41)

20 # Luk. 19:11; 21:7; Ki Kam. 1:6. Te haba la kylli ïa U da kita ki Pharisi, “Ynda lano ka hima jong U Blei kan wan”, U la ïathuh ha ki bad U la ong, “Ka hima jong U Blei kam wan da kaba khmih thuh. 21Lymne kin ym ong, ‘Ha khmih hangne! lane, Ha khmih hangtai!’ naba ha khmih, ka hima jong U Blei ka long hapoh jong phi.”

22 # Mat. 9:15; Mrk. 2:20; Luk. 5:35. Bad U la ong ha ki synran, “Ki sngi kin wan ynda phin kwah ban ïohi ïa kawei na ki sngi U Khun u briew, te phin ym ïohi keiñ. 23#Mat. 24:23; Mrk. 13:21.Bad kin ong ha phi, ‘Ha khmih hangne! lane, Ha khmih hangtai!’ hynrei, wat mih noh, lymne wat bud ïa ki. 24#Mat. 24:27; Jpw. 1:7.Naba kumba ka leilieh, haba ka ba na kawei ka bynta hapoh ka bneng, ka shai sha kawei pat ka bynta hapoh ka bneng, kumta ruh U Khun u briew un long ha ka sngi jong u. 25#Luk. 9:22.Hynrei, ka dei shuwa ïa u ban shah bun kiei kiei ruh, bad ban kyntait ruh ïa u da kane ka pateng bynriew. 26#Jen. 6:5-8; 7:6-24; Mat. 24:37-39.Te kumba ka la long ha ki sngi u Noah, kumta ruh kan long ha ki sngi U Khun u briew. 27#Jen. 7:6-24.Ki la ïabam, ki la ïadih, ki la ïashongkurim, la ïa-pynshongkurim ïa ki, tad ynda kata ka sngi ba u Noah u la rung hapoh kata ka ïinglieng, mynba kata ka jingshlei ka la wan, bad ka la pynjot noh ïa ki baroh. 28#Jen. 18:20—19:25.#Jen. 18:20-33; 19:24-25.Kumjuh ruh kumba ka la long ha ki sngi u Lot; ki la ïabam, ki la ïadih, ki la ïathied, ki la ïadie, ki la ïathung, ki la ïatei: 29hynrei, ha kata ka sngi ba u Lot u la mih noh na Sodom, U Blei u la pynhap slap da ka ding bad da u kyndok na bneng, bad u la pynjot noh ïa ki baroh. 30Kumta ruh kan long ha kata ka sngi ha kaba yn pynpaw ïa U Khun u briew. 31#Mat. 24:17-18; Mrk. 13:15-16; Luk. 21:21.Ha kata ka sngi, jar uba don halor ka ïing, bad kiei kiei ruh ki jong u kiba hapoh kata ka ïing, wat ai ba un hiar ban rah noh ïa ki; jar uba ha lyngkha ruh, wat ai ba un leit phai pat. 32#Jen. 19:26.To kynmaw phi ïa ka tnga u Lot. 33#Mat. 10:39; 16:25; Mrk. 8:35; Luk. 9:24; Ïoan. 12:25.Uno uno ruh u ban wad ban pynim ïa la ka mynsiem, un duh noh ïa ka; hynrei, uno uno ruh u ban duh noh ïa ka, un ri pynim ïa ka. 34#Mat. 24:40-41.Nga ong ïa phi, ba ha kata ka miet kin don ar ngut ha kawei ka jingthiah, ïa uwei yn shim noh, te ïa uwei pat yn iehnoh. 35Ar ngut ki kynthei kin ïatylliat lem, ïa kawei yn shim noh, te ïa kawei pat yn iehnoh. 36Ar ngut kin don ha ka lyngkha, ïa uwei yn shim noh, te ïa uwei pat yn iehnoh.” 37#Mat. 24:28.Ki te ki da ïathuh ki la ong ha U, “Hangno, ko Trai?” U te U la ong ïa ki, “Kat shaba don ka met, hangta keiñ kin ïalang ki pukni.”

Currently Selected:

LOUKAS 17: KHB

Highlight

Copy