LOUKAS 16

Ka pharshi shaphang u sordar bymhok

1U la ong ruh de ha ki synran jong u: “La don uwei u briew u bariewspah, uba la don u sordar; bad ïa une la mudui ha u ba u da pynsyrwa noh ïa kiei kiei kiba don ki jong u. 2Te u la khot ïa u, bad u la ong ha u, ‘Kaei kane ba nga ïohsngew shaphang jong me? To ai jingkheiñ ïa ka kam sordar jong me; naba mem lah shuh ban long sordar.’ 3Ynda kumta, uta u sordar u la ong ha lade, ‘Kumno ngan leh, naba u kynrad jong nga un sa shim noh ïa ka kam sordar na nga? ban puh khyndew ngam lah, ban leit makia nga sngewlehrain. 4Nga la kut jingmut kumno ngan leh, ba, haba yn bidai noh ïa nga na ka kam sordar, kin khot ei ïa nga sha ki ïing jong ki.’ 5Te haba u la phah khot ha u ïa uwei pa uwei na kiba kit ram na u kynrad jong u, u la kylli ïa u banyngkong, ‘Katno me kit ram na u kynrad jong nga?’ 6U te u la ong, ‘Shispah mon ka umphniang.’ Te u la ong ïa u, ‘To shim ïa la ka kot kular, shong ruh kumne kumne bad thoh sanphew.’ 7Ynda kumta, u la kylli ïa uwei pat, ‘Me ruh katno me kit ram?’ U te u la ong, ‘Shispah mon u Kew.’ U ong ïa u ruh, ‘To shim ïa la ka kot kular, thoh ruh phraphew.’ 8#1 Thes. 5:5; Eph. 5:8; Luk. 20:34; Ïoan. 12:36.Te u kynrad jong u, u la ïaroh ïa uta u sordar bymhok, namar ba u la leh sian; naba ki khun jong kane ka pyrthei ki kham sian ha la ka pateng bynriew hi, ban ïa ki khun ka jingshai. 9#Luk. 12:33; 18:22.Nga ong ruh ha phi: To pynlong ïa lade ki lok da ka spah bymhok, ba ynda la poi ka bakut, kin pdiang ïa phi sha kita ki ïing bymjukut.

10 # Mat. 25:21; Luk. 19:17. “Jar uba long uba lah ban shaniah ha iba khyndiat eh, u long uba lah ban shaniah ha kaba shibun ruh: bad jar uba long u bymhok ha iba khyndiat eh, u long u bymhok ha kaba shibun ruh. 11Namar kata, lada phim shym la long kiba lah ban shaniah shaphang ka spah bymhok, uei u ban shaniah ha phi ïa ka spah kaba shisha? 12Bad lada phim shym la long kiba lah ban shaniah bad ka jong uwei pat, uei u ban aiti ha phi ïa kata kaba long ka jong phi? 13#Mat. 6:24.Ym don u shakri uba lah ban shakri ar ngut ki kynrad: naba lane un isih ïa uwei, bad un ieit ïa uta uwei pat; lane un bat ïa uwei, bad un lyndet ïa uta uwei pat. Phim lah keiñ ban shakri ïa U Blei bad ïa ka spah.”

Katto katne ki jingsneng U Jisu

(Mat. 11:12-13)

14Kita ki Pharisi ruh, kiba ieit sbai eh, ki la ïohsngew ïa kine kiei kiei baroh, te ki la pynran beiñ ïa la ki khmut ïa u. 15#1 Sam. 16:7; Pro. 21:2; Ki Kam. 1:24; Luk. 10:29.Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

16 # Mat. 11:12-13. “Ka Hukum bad Ki Nongïathuhlypa ki la long haduh u Ïoannis: naduh kata ka por la ïalap ïa ka gospel ka hima U Blei, bad u briew baroh u rung jubor hapoh jong ka. 17#Mat. 5:17-18; Luk. 21:33.Hynrei, kan kham jem ïa ka bneng bad ïa ka khyndew ban dam noh, ban ïa ka ban duh noh iwei iba khun khyndiat#16:17 iba khun khyndiat: Kine ki kyntien ki mut ïa i bynta iba bniah eh iba don ha ka hukum, iba haba shu peit i lah ban long i bym da idonkam. na kata Ka Hukum.”

Shaphang kaba ïapyllait tnga

(Mat. 5:31-32; Mrk. 10:11-12)

18 # Mat. 5:31-32; 19:9; Mrk. 10:11-12; 1 Kor. 7:10-11. “Uno uno ruh uba pyllait noh ïa ka tnga jong u, bad u shongkurim ïa kawei pat, u klim: bad uta uba shongkurim ïa kata kaba la pyniehnoh na u tnga, u ruh u klim.”

U riewspah bad u Lasaros

19 “Te la don uwei u briew u bariewspah, bad u la ju kup da ka jaiñ saw bthuh bad ka jaiñ linen bani, u da leh pahuh eh ruh ha la ka sngi. 20#Ïoan. 11:1-44; 12:1,9.La don ruh uwei u nongkhrong uba kyrteng ‘u Lasaros’, uba la tap da ki tohjaw, ïa uba la ju buh ha ka khyrdop jong uta, 21bad uba la ju sngewkwah ban pynkdang ïa lade na ki lyngkhot lyngkhai kiba ju hap na ka miej jong uta u bariewspah; shisha wat ki ksew ki la ju wan jliah noh ïa ki tohjaw jong u. 22#Ïoan. 13:23.Ka la jia te, ba uta u nongkhrong u la ïap noh, bad ba la bah noh ïa u da ki angel sha ka shadem u Abraham. Uta u bariewspah ruh u la ïap noh de, bad la tep ïa u. 23Te ha dujok u la khmied ïa la ki khmat, haba u long ha ki jingkordit, bad u la ïohi ïa u Abraham na jngai, bad ïa u Lasaros ha ka shadem jong u. 24Te u la pyrta bad u la ong, ‘Ko Kpa Abraham, to isynei ïa nga, to phah ruh ïa u Lasaros ba un wieh ïa ka khmut shynriah'ti jong u ha ka um, ba un ïoh pynkhriat ïa u thylliej jong nga; naba la pynkordit ïa nga ha kane ka thylliej ding.’ 25#Luk. 6:24.Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit. 26Nalor kine baroh ruh putet, la buh skhem ïa ka kharai kaba khraw hapdeng jong ngi bad jong phi, ba kumta, kita kiba kwah ban leit sha shiliang nangne sha phi, kim lah, lymne kita kiba nangto, kim lah wan sha shiliang sha ngi.’ 27U te u la ong, ‘Haba kumta, nga kyrpad ïa me, ko kpa, ba men phah ïa u sha ka ïing u kpa jong nga, 28naba nga don san ngut ki para; ba un ïoh maham ïa ki, ba ïoh ki ruh kin wan sha kane ka jaka ka jingkordit.’ 29#Ïoan. 5:45-47; Ki Kam. 15:21; Luk. 4:17.Hynrei, u Abraham u ong, ‘Ki don u Moses bad Ki Nongïathuhlypa; ai kin sngew ïa ki keiñ.’ 30#Luk. 3:8; 19:9.U te u la ong, ‘Ym kumta, ko kpa Abraham, hynrei, lada uwei na ki nongïap un leit sha ki, kin sa kylla-ka-bamut.’ 31U la ïathuh te ha u, ‘Lada kim sngap ïa u Moses bad Ki Nongïathuhlypa, kin ym ngeit ruh wat lada mihpat uwei na ki nongïap.’ ”

Currently Selected:

LOUKAS 16: KHB

Highlight

Copy