LOUKAS 19

U Jisu bad u Sakkhaïos

1 # Mrk. 10:46. Te ynda U la rung shapoh bad ba U dang ïaid lyngba ïa ka Jerikho, 2ha khmih, u briew uba kyrteng “u Sakkhaïos,” uba la long u rangbah ki nongkhrong, bad u la long u bariewspah. 3Te u la pyrshang khnang ban ïohi ïa U Jisu, U dei uno; hynrei, um lah na uta u paidbah, naba u long uba lyngkot ka rynïeng. 4Namar kata, haba u la mareh sha shuwa u la kiew halor u dieng Dumbur, ba un ïohi ïa U, naba un sa ïaid na kata ka lynti. 5Te haba U Jisu u la poi ha kata ka jaka, U la khmied bad U la ïohi ïa u, U la ong te ha u, “Ko Sakkhaïos, to da hiar noh kloi kloi ruh, naba ha kane ka sngi ka dei ïa nga ban sah ha ïing jong me.” 6Te u la hiar noh kloi kloi ruh, bad u la pdiang sngewbha ïa U da kaba leh kmen. 7#Luk. 5:29-30; 15:1-2.Haba ki la ïohi ïa kata, te, ki la ïakren khñium baroh, ki da ong, “U la leit hapoh ïing ban thiah basa bad u briew u bapop.” 8#Luk. 7:13; 3:14; Eks. 22:1; Leb. 6:5; Jkñ. 5:6-7.Hynrei, haba u la ïeng joit u Sakkhaïos, u la ong ha U Trai, “Ha khmih, ïa kaba shiteng na kiei kiei ruh ki jong nga, A Trai, ngan sa ai ha ki baduk; bad lada nga la shim klop ïa kaei kaei ruh na uno uno ruh da kaba mudui lamler, ngan sa siew pat saw shah.” 9#Luk. 3:8; 13:16; Rom. 4:16.U Jisu te U la ong ha u, “Ha kane ka sngi ka jingpynim ka la wan ha kane ka ïing, namar ba u ruh u long u khun u Abraham. 10#Mat. 18:11.Naba U Khun u briew u la wan ïa ka ban wad bad ban pynim ïa kaba la jah noh.”

Ka pharshi shaphang ki shiphew tylli ki sbai rupa

(Mat. 25:14-30)

11 # Mat. 25:14-30; Luk. 9:51; 13:22; 17:11; 18:31; 9:27. Te haba ki dang shahshkor ïa kine kiei kiei ruh, u la nang kren nang kren ïa ka pharshi, naba u la hajan Jerusalem, bad ba ki ïamut ba ka hima U Blei kan sa paw kumne kumne ruh. 12#Mat. 25:14-30; Mrk. 13:34.Namar kata, u la ong, “La don uwei u briew uba kynja syiem, uba la leit sha ka ri kaba jngai ban ïoh ha lade ka jingsynshar, bad ban wan phai pat. 13Te haba u la khot shiphew ngut ki shakri jong u, u la ai ha ki shiphew ki rupa, bad u la ong ha ki, ‘To phin khaïi tad ynda nga wan.’ 14Hynrei, ki raïot #19:14 ki raïot: Ha ka ktien Greek ka kyntien ka kdup lang ïa ki khun ki hajar bad ïa ki raïot. Ki kyntien ki khun ka Hima kin kham ïajan bad ka jingmut kaba don ha ka Ktien Grik. Ha ki edition barim la pyndonkam da ka kyntien ki trai-shnong. jong u ki la shun ïa u, bad ki la ïaphah ïa ki nonglam-ktien nadien jong u ki da ong, ‘Ngim mon ïa une ban synshar halor jong ngi.’ 15Te ka la jia haba u la wan phai pat, ynda u la ïoh diang ïa kata ka hima, ba u la hukum ba yn khot ha u ïa kita ki shakri, ha kiba u la ai ïa kita ki sbai rupa, ba un ïoh tip katno ba uwei pa uwei u la myntoi da kaba khaïi. 16U banyngkong te u la wan u da ong, ‘Ko Trai, ka rupa jong me ka la pynman shiphew pat ki rupa.’ 17#Luk. 16:10.U la ïathuh te ha u, ‘Bha me u shakri babha! naba me la long uba ngeit ha iba khyndiat eh, to men ïoh bor halor shiphew ki shnong.’ 18U ba-ar u la wan ruh u da ong, ‘Ko Trai, ka rupa jong me ka la pynman san ki rupa.’ 19U la ïathuh te ha uta ruh, ‘Me ruh to long halor san ki shnong.’ 20Uwei pat u la wan ruh u da ong, ‘Ko Trai, ha khmih ka rupa jong me, kaba nga la sumar song khop ha ka jaiñ rumar; 21namar nga la sheptieng ïa me, naba me long u briew uba eh; me shim ïa kaba mem shym la buh, me ot ruh ïa kaba mem shym la bet.’ 22U te u ong ha u, ‘Na ka shyntur jong me ngan bishar ïa me, me u shakri bymman; me la lah tip ba nga long u briew uba eh, uba shim ïa kaba ngam shym la buh, bad uba ot ïa kaba ngam shym la bet: 23hato balei ba mem shym la buh te ïa uta u sbai rupa jong nga ha ka ïing ba ai sut, ba haba nga la wan pat nga lah ban ïoh ïa uta lem bad ka sut de?’ 24U la ong te ha kita kiba ïeng hajan, ‘Shim noh na u ïa kata ka rupa, bad to ai ha uta uba don kita ki shiphew ki rupa.’ 25Ki la ïa-ong te ha u, ‘Ko Trai, u don shiphew ki rupa!’ 26#Mat. 13:12; Mrk. 4:25; Luk. 8:18.Nga ong ha phi, ‘ba ha u briew baroh uba don, yn ai shuh; hynrei, na uta u bymdon, wat ïa kata kaba u don yn shim noh na u. 27Hynrei, ïa kita ki nongshun jong nga, ki bym shym la mon ïa nga ban synshar halor jong ki, to wallam hangne, bad to pynïap ïa ki ha khmat jong nga.’ ”

U Jisu u leit rung sha Jerusalem kum U Syiem

(Mat. 21:1-11; Mrk. 11:1-11; Ïoan. 12:12-19)

28 # Mrk. 10:32. Ynda u la kren te ïa kine kiei kiei ruh, u la leit sha shuwa, ba u da leit kiew sha Jerusalem. 29#Mat. 21:1-9; Mrk. 11:1-10; Ïoan. 12:12-18.Ka la jia ruh ynda u la poi hajan Bethphage bad Bethania, haduh uta u lum ïa uba ju khot “U Lum ki Olib”, ba u la phah ar ngut na ki synran jong u, 30u da ong, “Khie leit sha kata ka shnong kaba ha marpyrshah jong phi, te haba phi poi hangta phin shem ïa u khun kadda ba la teh, halor jong u ym pat ju don u briew ba la shong mynno mynno ruh; to pyllait ïa u bad wallam ïa u. 31Te lada uno uno ruh u kylli ïa phi, ‘Hato balei phi pyllait ïa u?’ kumne phin ong ïa u, ‘Naba U Trai u donkam ïa u.’ ” 32#Luk. 22:13.Kita ïa kiba la phah te haba ki la leit, ki la shem kumba u la lah ong ha ki. 33Haba ki dang ïapyllait te ïa uta u khun kadda, ki trai jong u ki la ïakylli ïa ki, “Hato balei phi pyllait ïa u khun kadda?” 34#Luk. 7:13.Ki te ki la ong, “U Trai u donkam ïa u.” 35Ki la wallam te ïa u ha U Jisu, bad haba ki la siang ïa la ki jaiñkup halor uta u khun kadda, ki la pynshong ïa U Jisu halor. 36#2 Syiem. 9:13.Te katba U nang leit, ki la ïasiang ïa la ki jaiñkup ha kata ka lynti. 37Te haba U la poi hajan kat haduh kaba hiar na uta U Lum ki Olib, uta u paidbah synran baroh ki la ïasdang ban ïalehkmen bad ban ïaroh ïa U Blei da ka ktien bajam, namar ki kambah baroh ïa kiba ki la lah ïohi, 38#Salm. 118:26; Luk. 13:35; 2:14.ki da ong, “Long ba la kyrkhu ïa U Syiem uba wan ha ka kyrteng U Trai! ka jingsuk ha bneng, bad ka burom ha kiba jrong tam eh.” 39#Mat. 21:15-16; Hab. 2:11.Te kiba na ki Pharisi napdeng uta u paidbah ki la ïa-ong ha u, “Ko Nonghikai, to sneng ïa ki synran jong me.” 40U te U la ïathuh bad U la ong ha ki, “Nga ong ha phi, ba lada kine kin shu sngap jar, ki maw hi kin sa ïakyang buk.”

41 # Luk. 13:33-34. Te katba U la poi hajan, haba U la khmih ïa ka shnong, U la ïam na ka bynta jong ka, 42U da ong, “A lada pha la lah tip, ma pha ruh shisha, ha kane ka sngi, ïa kiei kiei ruh kiba dei ïa ka jingsuk jong pha! hynrei, mynta la buhrieh ïa ki na ki khmat jong pha! 43#Luk. 21:21-24; 21:6; Isa. 29:3; Jer. 6:6; Ese. 4:2.Naba ki sngi kin jia ha pha, ba ki nongshun jong pha kin ïatih kharai sawdong ïa pha, bad kin ïaker tawiar ïa pha, bad kin ïaset kut ïa pha baroh sawdong, 44#1 Pet. 2:12.bad kin ïa-pynkyllon ïa pha bad ïa ki khun jong pha hapoh jong pha, bad kin ym ïa-iehnoh ha pha ïa u maw halor u maw; naba pham shym la ithuh ïa ka aïom ka jingwan jngoh ïa pha.”

Ka jingpynkhuid ïa ka templ

(Mat. 21:12-17; Mrk. 11:15-19; Ïoan. 2:13-22)

45 # Mat. 21:12-13; Mrk. 11:15-17; Ïoan. 2:13-17. Te U la rung hapoh ka templ, bad U la sdang ban beh noh ïa kita kiba ïadie ïathied, 46#Isa. 56:7; Jer. 7:11.U da ong ha ki, “La thoh: ‘Ka ïing jong nga ka long ka ïing jingduwai’, hynrei, phi, ‘ka krem nongtuh’, phi la ïa-pynlong ïa ka.”

47 # Mrk. 11:18; Luk. 21:37; 22:53. U la ju hikai ha la ka sngi ruh ha kata ka templ. Hynrei, ki rangbah lyngdoh, bad ki nongthoh, bad kiba kham rangbah na u paidbah, ki la ïawad dong ban pynïap noh ïa U: 48te kim lah shem da kaba kumno ba kin leh, naba u paidlang baroh u ïashahshkor bha eh ban ïohsngew ïa U.

Currently Selected:

LOUKAS 19: KHB

Highlight

Copy