HEBRU 8
8
U Jisu u Rangbah Lyngdoh jong ngi
1 #
Salm. 110:1. Te shaphang kine kiei kiei ïa kiba ngi kren, kaba kongsan ka long kane: Ngi don U Rangbah lyngdoh kat uta, uba la shong sha ka kti kamon ka khet U Bakhraw Tam ha ki bneng; 2U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew. 3Namar la ju thung ïa u rangbah lyngdoh baroh ïa ka ban ainguh da ki jingainguh ruh bad ki jingkñia: namar kata, ka donkam ïa Une ruh ba un don ei ei ban ainguh. 4Te lada u la don ha ka khyndew, un ym da long lyngdoh satia, haba ki don kita ki lyngdoh kiba ju ainguh ïa kita ki jingainguh katba kum ka hukum; 5#Eks. 25:40.kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.” 6Hynrei, mynta, u la ïoh ïa ka kam lyngdoh kaba kham kor, katba kum ba u long ruh U Ksiang ka Jutang kaba kham bha, ïa kaba la pynlong ha ki jingkular kiba kham bha. 7Namar lada kata ka jutang ka banyngkong ka la long ka bymduna, yn ym da la wad jaka ïa ka ba-ar.
8 #
Jer. 31:31-34. Namar haba shem jingduna ha ki, u ong:
“Ha khmih ki sngi ki wan,”
ong U Trai,
“ba ngan pynlong
ka jutang bathymmai
bad ka ïing Israel
bad ka ïing Judah ruh;
9ym katba kum kata ka jutang
ïa kaba nga la pynlong
bad ki kpa jong ki,
ha kata ka sngi
ba nga la btin na ka kti ïa ki
ïa ka ban ïalam noh ïa ki
na ka ri Ijipt;
naba kim shym ïaineh
ha kata ka jutang jong nga,
nga te nga la leh lyndet ïa ki,”
ong U Trai.
10“Naba kane ka long
kata ka jutang
ïa kaba ngan pynlong
bad ka ïing Israel
hadien kita ki sngi,”
ong U Trai:
“Ngan buh ïa ki hukum
jong nga
ha ka jingmut jong ki,
bad ha ki dohnud jong ki
ngan thoh ïa ki;
bad ngan long U Blei jong ki,
bad ki, kin long u paidlang
jong nga;
11bad uwei pa uwei baroh
un ym hikai ïa la u paramarjan,
bad uwei pa uwei baroh
ïa la u para, da kaba ong,
‘To ithuh ïa U Trai:’
naba baroh keiñ,
kin ithuh ïa nga,
naduh i barit tam
haduh u bakhraw tam na ki.
12Naba ngan isynei
ïa ki jingleh bymman jong ki,
bad ïa ki pop jong ki
ngan ym kynmaw shuh.”
13Da kaba u ong, “ka jutang bathymmai”, u la pynlong rim ïa kata ka banyngkong. Te kata kaba nang rim bad ba nang tymmen ka la jan duh noh.
Currently Selected:
HEBRU 8: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
