EPHESOS 5

Ïaid ha ka jingshai

1To long phi namar kata, ki nongbud ïa U Blei, kum ki khun ba-ieit; 2#Eks. 29:18; Ese. 20:41.bad to phin ïaid ha ka jingieit, kumba U Khrist ruh u la ieit ïa phi, bad u la aiti noh ïa lade na ka bynta jong ngi, kum ka jingainguh bad ka jingkñia ha U Blei, ïa ka ban long ka jingiw ka baiwbih.

3Hynrei, ïa ka jingklim, bad ka jingleh jakhlia baroh, lane ka jingikwah lalot, wat ai wat ban ïalap ïa ki hapdeng jong phi, kumba ka dei keiñ ïa ki riewkhuid; 4lymne ïa kaba ijli, lymne ïa ka jingkren bieit, lymne ïa ka jingkren biria, ki bymbit keiñ: hynrei, kham tam kaba ainguh. 5Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei. 6Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh. 7Namar kata, phi wat long kiba ïashang lem bad ki. 8Namar phi la ju long mynno mynno ka jingdum, hynrei, mynta, phi long ka jingshai ha U Trai: to ïaid te kum ki khun ka jingshai 9(namar u soh jong ka jingshai u long ha ka jinglehbha, bad ka hok, bad ka jingshisha baroh), 10da kaba tynjuh kaei kaba pynsngewbha ïa U Trai. 11Bad to wat ïashang lem bad kita ki kam bymsei soh jong ka jingdum, hynrei, kham tam phin pynrem ïa ki. 12Namar ka long kaba lehrain wat ban ïathuh ïa kita kiei kiei ïa kiba ki leh ha kaba rieh. 13Hynrei, ïa kiei kiei baroh, ynda la pynrem ïa ki, la pynpaw da ka jingshai; namar kaei kaei baroh ïa kaba la pynpaw, ka long ka jingshai. 14Naba kumta, u ong:

“To khie joit me uba ïohthiah,

bad to mih na ki baïap,

te U Khrist un pynshai ha me.”

15To khmih bha te kumno phi ïaid, ym kum ki bymstad, hynrei, kum ki bastad; 16#Kol. 4:5.da kaba siewspah ïa ka por, naba kine ki sngi ki long ki basniew. 17Naba kumta, to wat long phi ki babieit, hynrei, ki bashemphang kaei ka mon U Trai. 18Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem; 19#Kol. 3:16-17.da kaba ïakren paralok ha ki salm bad ha ki jingrwai bad ha ki jingrwai bakynja mynsiem, da kaba rwai bad kaba kynud da ka dohnud jong phi ha U Trai; 20da kaba ainguh ha la ka sngi namar kiei kiei baroh ha U Blei uba U Kpa, ha ka kyrteng U Jisu Khrist uba U Trai jong ngi; 21da kaba ïakohnguh paralok ha ka jingsheptieng ïa U Khrist.

Ka kamram ka tnga bad u tnga

22 # Kol. 3:18—4:1; 1 Pet. 3:1. Te ki kynthei, to pynkohnguh ïa lade ha ki tnga la ki jong hi, kumba ha U Trai. 23Naba u tnga, u long u khlieh jong ka tnga, kumba U Khrist ruh, u long U Khlieh ka balang, haba u long hi U Nongpynim ïa ka met. 24Hynrei, kumba kata ka balang ka pynhapoh ïa lade ha U Khrist, kumta ruh, ki kynthei kin leh ha ki tnga jong ki ha kiei kiei baroh. 25#Kol. 3:19; 1 Pet. 3:7.Ki shynrang, to ieit ïa la ki tnga, kumba U Khrist ruh, u la ieit ïa ka balang, bad u la aiti noh ïa lade na ka bynta jong ka; 26ba un ïoh pynkhuid ïa ka, haba u la sait ïa ka da ka jingsait ka um da ka ktien; 27ba un da ïoh pynïeng ïa ka ha khmat ha lade hi, ka balang kaba donburom, ka bymdon kaba thohbria lane kaba sti lane kaei kaei kaba kum kita, hynrei, ba kan ïoh long ka bakhuid bad kaba khlem jingduna. 28Kumta keiñ, ka dei ïa ki shynrang ban ieit ïa ki tnga jong ki, kumba ïa ki met jong ki hi. Jar uba ieit ïa la ka jong ka tnga, u ieit ïa lade hi. 29Namar ym ju don mynno mynno, uba la isih ïa la ka jong ka met; hynrei, u bsa bad u sumar ïa ka, kumba U Khrist ruh u leh ïa ka balang; 30naba ngi long ki dkhot ka met jong u. 31#Jen. 2:24.“Namar kane, u briew un iehnoh ïa la u kpa bad ïa la ka kmie, bad un neh bad la ka tnga; te ki baroh ar ngut kin ïalong kawei ka doh.” 32Kane ka jingmaïan ka long kaba khraw; hynrei, nga kren shaphang U Khrist bad shaphang ka balang. 33Pynban, phi ruh baroh marwei marwei to ieit ïa la ka jong ka tnga kumba ïa lade hi; bad kata ka tnga ruh to kan tieng burom ïa la u tnga.

Currently Selected:

EPHESOS 5: KHB

Highlight

Copy