EPHESOS 4

Ka jinglong kawei jong ka met

1Namar kata, nga, u nongsah byndi ha U Trai, nga kyrpad ïa phi ban ïaid kumba dei ïa kata ka jingkhot da kaba la khot ïa phi, 2#Kol. 3:12-13.da ka jingsngewrit bad da ka jingjemnud baroh, da ka jingïaishah-slem, da kaba ïaishah paralok hi ha ka jingïa-ieit; 3da kaba ïaleh minot ban bat ïa ka jinglong kawei jong U Mynsiem ha ka jingkhum ka jingsuk. 4Don kawei ka met, bad uwei U Mynsiem, kumba la khot ruh ïa phi ha kawei ka jingkyrmen kata ka jingkhot jong phi; 5uwei U Trai, kawei ka jingngeit, kawei ka jingpynbaptis, 6uwei U Blei bad U Kpa ïa baroh, uba halor baroh, bad lyngba ïa baroh, bad ha baroh. 7Hynrei, ha uwei pa uwei na ngi la ai ïa ka jingaiei katba kum ka jingthew kata ka jingai U Khrist. 8#Salm. 68:18.Namar kata, u ong:

“Mynba u la kiew sha jrong,

u la ïalam mraw

ïa ka jinglongmraw,

bad u la ai ki jingai

ha ki briew.”

9(Te kane, “Ba u la kiew”, ka long aïu tang ba u la wan hiar ruh shuwa sha kita ki jaka kiba kham poh jong ka khyndew? 10Te uta uba la wan hiar, u long uta ujuh uba la kiew ruh kham sha jrong eh ïa ki bneng baroh, ba un ïoh pyndap ïa kiei kiei baroh.) 11Bad u la thung ïa kiwei, ban long ki apostol; bad ïa kiwei, ki nongïathuhlypa; bad ïa kiwei, ki nongïathuhkhana; bad ïa kiwei, ki nongsharai bad ki nonghikai; 12ïa ka ban pynjanai ïa ki riewkhuid, ïa ka jingtrei ka jingshakri 'tien Blei, ïa ka ban tei ïa ka met U Khrist: 13tad ynda ngi ïoh poi baroh sha kata ka jinglong kawei ka jong ka jingngeit, bad ka jong ka jingtip ïa U Khun U Blei, haduh ka jinglong rangbah bha, haduh ka jingthew ka rynïeng ka jingdap U Khrist: 14ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla; 15#Kol. 1:18.hynrei, da kaba leh hok ha ka jingieit, ngin ïoh nang san sha u ha kiei kiei baroh, uba long U Khlieh, U Khrist keiñ: 16#Kol. 2:19.na uba ka met baroh kawei ba la pynwan dur biang bad ba la pyndait lang da kata kaba kawei pa kawei ka dkhot ka ïa-ai, katba kum ka jingtrei ha ka jingthew kaba biang jong kawei pa kawei ka bynta, ka pynsan ïa kata ka met ïa ka ban tei ïa lade ha ka jingieit.

Ka jingim ka bathymmai ha U Khrist

17Ïa kane, namar kata, nga ong, bad nga phla ha U Trai, ba phin ym ïaid shuh kumba ïaid ki Jentil, ha ka jingthala ka jingmut jong ki, 18ba la pyndum ïa ki ha ka jingshemphang jong ki, ba la pynlong khun sohsyiem na ka jingim ka jong U Blei namar kata ka jingbymtip kaba ha ki, namar ka jingpyneh ka dohnud jong ki: 19kiba haba ki long kiba khlem rain, ki la aiti noh ïa lade ha ka jingleh nuti, ban leh ïa kaba jakhlia baroh da ka jingkangar. 20Hynrei, phi, phim shym la nang kumta ïa U Khrist; 21lada shisha phi la sngewthuh ïa u, bad ba la hikai ïa phi ha u, kat kumba ka jingshisha ka long ha U Jisu: 22#Kol. 3:9.ba phin buh noh, shaphang kata ka jinglong jong phi kaba mynshuwa, ïa uta u briew batymmen keiñ, uba nang pyut katba kum kita ki jingikwah ka jingshukor, 23bad ba yn pynthymmai ïa phi ha ka mynsiem ka jingmut jong phi; 24#Kol. 3:10; Jen. 1:26.bad ba phin kup ïa u briew bathymmai, ïa uba la pynlong ha ka dur U Blei ha ka hok bad ha ka jingkhuid ka jingshisha.

25 # Sekh. 8:16; Rom. 12:5. Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok. 26#Salm. 4:4.To bitar, hynrei, wat leh pop: to wat ai ba ka sngi kan sep noh ha ka jingkhih bitar jong phi: 27lymne wat ai jaka ïa u Soitan. 28Jar uba ju tuh, to wat tuh shuh, hynrei, to un da trei shitom, da kaba trei da la ki kti ïa kata ka babha, ba un ïoh ei ei ban ïa-ai ha uta u bakyrduh. 29Wat ai ba kano kano ka ktien sih kan mih na ka shyntur jong phi, hynrei, tang kata kaba bit ïa ka ban tei ïa kaba donkam, ba kan ai ka jingaiei ïa kita kiba ïohsngew. 30To wat pynsngewsih phi ïa U Mynsiem Bakhuid U Blei, da uba la shon shab ïa phi haduh kata ka sngi ka jingsiewspah. 31To bred noh na phi ïa ka jingkthang baroh, bad ka jingkhih bitar, bad ka jingbitar, bad ka jingkaw kaw, bad ka jingkrenbeiñ, lem bad ka jingpynsniew baroh; 32#Kol. 3:13.bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

Currently Selected:

EPHESOS 4: KHB

Highlight

Copy