EPHESOS 3

Ka jingïalap u Paul ha ki Jentil

1Namar kane ka daw, nga, u Paul, u nongsah byndi U Khrist Jisu na ka bynta jong phi ki Jentil, 2#Kol. 1:25.lada shisha phi la ïohsngew shaphang ka jingpynïaid jong kata ka jingaiei U Blei, ïa kaba la ai ha nga na ka bynta jong phi; 3ba da ka jingpynpaw u la pyntip ha nga ïa kata ka jingmaïan (kat kumba nga la thoh mynshuwa ha khyndiat ktien; 4#Kol. 1:26,27.na kaba, haba phi pule, phi lah ban sngewthuh ïa ka jingshemphang jong nga ha ka jingmaïan U Khrist), 5ïa kaba, ha kiwei ki pateng bynriew, ym shym la pyntip ha u khun bynriew kumba la pynpaw mynta ha ki apostol bad ha ki nongïathuhlypa ki bakhuid jong u ha U Mynsiem; 6#Kol. 1:27.ba ki Jentil ki long ki nongïoh pateng, bad ki para dkhot na kata ka met, bad ki nongïoh bynta lem na kata ka jingkular ha U Khrist Jisu da ka gospel.

7Ïa kaba la pynlong ïa nga u nongpynïaid, katba kum ka jingai jong kata ka jingaiei U Blei ïa kaba la ai ha nga katba kum ka jingtrei ka bor jong u. 8Ha nga keiñ, uba kham rit ban ïa u barit tam na ki riewkhuid baroh, la ai ïa kane ka jingaiei, ïa ka ban ïalap ha ki Jentil ïa ka jingkynrei spah bym lah tip shuh ka jong U Khrist; 9#Kol. 1:26.bad ïa ka ban pynsngewthuh ïa ki briew baroh, kaei long kata ka jingpynïaid jong kata ka jingmaïan, ïa kaba la buhrieh na bymjukut ha U Blei uba la thaw ïa kiei kiei baroh: 10khnang ban ïoh pyntip mynta ha ki jingsynshar bad ha ki bor ha ki jaka bneng, da ka balang, ïa ka jingstad babun syrtap ka jong U Blei; 11katba kum ka jingthmu bymjukut, ïa kaba u la thmu ha U Khrist Jisu uba U Trai jong ngi: 12ha uba ngi don ka jingshlur bad ka jingïoh wan ha ka jingshaniah, da ka jingngeit jong ngi ha u. 13Naba kumta, nga kyrpad ba phin ym sngewtlot namar kita ki jingjynjar jong nga na ka bynta jong phi, kiba long ka burom jong phi keiñ.

Ka jingieit U Khrist

14Namar kane te, nga pyndem ïa la ki khohsiew ha U Kpa, 15na uba la jer kyrteng ïa ki kur baroh ha bneng bad ha ka khyndew, 16ba un ai ha phi, katba kum kata ka jingkynrei spah ka burom jong u, ba yn pynkhlaiñ ïa phi bad ka bor da U Mynsiem jong u ha u briew bashapoh; 17ba U Khrist un shong da ka jingngeit ha ki dohnud jong phi; 18khnang ba haba la pynsuh thied bad ba la pynshong nongrim ha ka jingieit, phin long kiba khlaiñ ban shemphang lem bad ki riewkhuid baroh, kaei ka jingjlan, bad ka lynter, bad ka jingjylliew, bad ka jingjrong: 19bad ban tip ïa ka jingieit U Khrist kaba palat eh ïa ki jingtip; ba kumta, yn ïoh pyndap ïa phi shaduh ka jingdap U Blei baroh.

20Te ha uta uba lah ban leh kham tam eh nalor baroh ba ngi pan lane ngi pyrkhat, katba kum kata ka bor kaba trei ha ngi: 21ha u keiñ, long ka burom ha ka balang bad ha U Khrist Jisu sha ki pateng bynriew baroh haduh ha la ka rta. Amen.

Currently Selected:

EPHESOS 3: KHB

Highlight

Copy