KI KAM 1

Ka jingkular ïa U Mynsiem Bakhuid

1 # Luk. 1:1-4. Ka jingïathuhkhana ka banyngkong nga la thaw, A Theophilos, shaphang kiei kiei baroh kiba U Jisu u la sdang ban leh bad ban hikai ruh, 2haduh kata ka sngi ha kaba la pdiang ïa u sha jrong, ynda u la ai hukum da U Mynsiem Bakhuid ha kita ki apostol ïa kiba u la lah jied: 3ha kiba u la pynpaw im ruh ïa lade, hadien ba u la shah, da bun ki dak shynna, ba la ïohi ïa u da ki, jin sawphew sngi, bad u da ïathuh ïa kiei kiei ruh shaphang ka hima U Blei. 4#Luk. 24:49.Te haba u la ïaseng lem bad ki, u la hukum ïa ki ban ym leit noh na Jerusalem, hynrei, ban ap ïa ka jingkular jong U Kpa, kaba u ong, “Phi la ïohsngew na nga. 5#Mat. 3:11; Mrk. 1:8; Luk. 3:16; Ïoan. 1:33.Naba u Ïoannis shisha u la pynbaptis da ka um, hynrei, yn pynbaptis ïa phi da U Mynsiem Bakhuid sa khyndiat sngi naduh mynta.”

Ka jingkiew U Jisu sha bneng

6Kumta, haba ki la ïawan lang, ki la ïakylli ïa u, ki da ong, “Ko Trai, ha kane ka por men pynïoh pat ïa ka hima ha ki Israel?” 7U la ïathuh te ha ki, “Ym dei ïa phi ban tip ïa ki Ïa lane ki aïom kiba U Kpa u la buh ha ka bor jong u hi. 8#Mat. 28:19; Mrk. 16:15; Luk. 24:47,48,49.Hynrei, phin ïoh diang ïa ka bor, ynda la wan U Mynsiem Bakhuid ha phi; bad phin long ki nongphla ïa nga ha Jerusalem, bad ha Judia baroh bad ha Samaria, bad haduh bakut ka pyrthei.” 9#Mrk. 16:19; Luk. 24:50,51-53.Ynda u la lah ïathuh ïa kine kiei kiei ruh, haba ki dang ïakhmih, la shim noh ïa u sha jrong; bad u lyoh u la pdiang noh ïa U ba kim ïohi shuh ïa U. 10Te haba ki dang ïakhmih shaiñ sha bneng, katba u dang kiew, ha khmih, ar ngut ki rangbah ki la ïawan ïeng hajan jong ki ha ki jaiñkup balieh; 11kiba la ong ruh, “Ko rangbah Galilaïa, balei phi ïeng khmied sha bneng? Une U Jisu ïa uba la shim noh sha jrong na phi sha bneng, un wan ha kajuh ka rukom kumba phi la ïohi ïa u ba u leit sha bneng.”

U Apostol ha ka jaka u Judas

12Ynda kumta, ki la ïaleit phai sha Jerusalem na u lum ba la khot “Olib”, uba hajan Jerusalem, kat ka jingleit sngi Sabbaton. 13#Mat. 10:2-4; Mrk. 3:16-19; Luk. 6:14-16.Te ynda ki la lah ïapoi hapoh, ki la ïakiew sha ka kamra kaba haneng ha kaba ki la ïashong; u Petros bad u Ïoannis, bad u Jakob bad u Andriw, u Philip bad u Thomas, u Bartholomai bad u Mathaïos, u Jakob u khun u Alphaïos, bad u Simon uba Shitrhem, bad u Juda u para u Jakob. 14Kine baroh ki la ïaineh da kawei ka jingmut ha ka jingduwai, lem bad ki kynthei, bad ka Mari ka kmie U Jisu, lem bad ki para jong u de. 15Ha kita ki sngi te, haba u Petros u la ïeng hapdeng ki synran, u la ong (te ka jingïalang ki briew ka la long jin shispah arphew), 16#Mat. 27:3-10.“Ko para, ka la dei ban pyndep ïa kata Ka Jingthoh, ïa kaba U Mynsiem Bakhuid u la kren mynshuwa da ka shyntur u Dabid shaphang u Judas, uba la long u nongïalam ïa kita kiba la kem ïa U Jisu: 17naba la ñiew ïa u lem bad ngi bad u la ïoh ka bynta ha kane ka kam.” 18#Mat. 27:3-8.Te une u briew, u la thied ïa ka lyngkha da ka bainong ka jingbymhok; bad haba u la hap khongpong, u la pait ar liang, bad la mih noh ki snier jong u baroh. 19Bad ïa kane, ki la tip baroh kiba shong ha Jerusalem, kat ban khot ïa kata ka lyngkha ha ka ktien jong ki hi, “Akeldama”, kata ka long, “Ka lyngkha ka snam.” 20#Salm. 69:25; 109:8.Naba la thoh ha ka kitab Ki Salm,

“ ‘Ai ba ka jaka shong jong u

kan long kaba kynjah,

bad wat ai ban don

ba shong ha ka’;

“bad,

“ ‘Ai un shim da uwei pat

ïa ka kam jong u.’

21“Namar kata, na kita ki briew kiba la ïalang bad ngi baroh shi katta ba U Trai Jisu u la ïawan ïaleit ruh hapdeng jong ngi, 22#Mat. 3:16; Mrk. 1:9; Luk. 3:21; Mrk. 16:19; Luk. 24:51.ba la sdang naduh ka jingbaptis u Ïoannis, haduh kata ka sngi ha kaba la shim noh ïa u sha jrong na ngi, uwei na kita ka dei ban thung kum u nongphla lem bad ngi shaphang ka jingmihpat jong U.” 23Te ki la pynïeng ar ngut, u Joseph uba la khot “Barsabas”, uba la sin “Justos”, bad u Matthias. 24Bad ki la ïaduwai, ki la ong, “A me, U Trai uba ithuh ïa ki dohnud baroh, to pyni uno na kine ar ngut ba me la jied, 25ban shim ïa kata ka bynta ha kane ka kam bad ka kam apostol, na kaba u Judas u la hap noh, ba un leit sha la ka jong ka jaka.” 26Bad ki la pynnoh ïa ki jingïathong na ka bynta jong ki; te kata ka jingïathong ka la hap ha u Matthias; kumta, la ñiew ïa u lem bad kita ki khatwei ngut ki apostol.

Currently Selected:

KI KAM 1: KHB

Highlight

Copy