Popular Bible Verses from KI KAM 1

Share

Hynrei, phin ïoh diang ïa ka bor, ynda la wan U Mynsiem Bakhuid ha phi; bad phin long ki nongphla ïa nga ha Jerusalem, bad ha Judia baroh bad ha Samaria, bad haduh bakut ka pyrthei.”

U la ïathuh te ha ki, “Ym dei ïa phi ban tip ïa ki Ïa lane ki aïom kiba U Kpa u la buh ha ka bor jong u hi.

Te haba u la ïaseng lem bad ki, u la hukum ïa ki ban ym leit noh na Jerusalem, hynrei, ban ap ïa ka jingkular jong U Kpa, kaba u ong, “Phi la ïohsngew na nga. Naba u Ïoannis shisha u la pynbaptis da ka um, hynrei, yn pynbaptis ïa phi da U Mynsiem Bakhuid sa khyndiat sngi naduh mynta.”

ha kiba u la pynpaw im ruh ïa lade, hadien ba u la shah, da bun ki dak shynna, ba la ïohi ïa u da ki, jin sawphew sngi, bad u da ïathuh ïa kiei kiei ruh shaphang ka hima U Blei.

Ynda u la lah ïathuh ïa kine kiei kiei ruh, haba ki dang ïakhmih, la shim noh ïa u sha jrong; bad u lyoh u la pdiang noh ïa U ba kim ïohi shuh ïa U.

Te haba ki dang ïakhmih shaiñ sha bneng, katba u dang kiew, ha khmih, ar ngut ki rangbah ki la ïawan ïeng hajan jong ki ha ki jaiñkup balieh; kiba la ong ruh, “Ko rangbah Galilaïa, balei phi ïeng khmied sha bneng? Une U Jisu ïa uba la shim noh sha jrong na phi sha bneng, un wan ha kajuh ka rukom kumba phi la ïohi ïa u ba u leit sha bneng.”