1 THESSALONI 5

Ka jingkyntu ban long kiba la pynkhreh

1 # Ki Kam. 1:7. Hynrei, shaphang kita ki por bad ki aïom, ko parabangeit, phim donkam ba'n thoh ei ei ha phi. 2#Mat. 24:43; Luk. 12:39; 1 Kor. 1:8; 2 Pet. 3:10.Namar phi hi, phi ïatip biang ba kata ka sngi U Trai kan wan kumjuh kum u nongtuh mynmiet. 3#2 Thes. 1:9.Katba ki dang ong, “Ka jingsuk bad ka jingskhembha”, ynda kumta, ka jingjot bakyndit kyndit kan ngat ha ki, kum ka jingsuh khun ha ka briew kaba punkhun; bad kin ym ïohlait shuh da lei lei. 4#1 Ïoan. 2:8; Ki Kam. 26:18.Hynrei, ma phi, ko parabangeit, phim long ha ka jingdum, ba kata ka sngi kan lap ïa phi kum u nongtuh: 5#Luk. 16:8.naba phi long baroh ki khun ka jingshai, bad ki khun ka sngi; ngim long na ka jong ka miet, lymne na ka jingdum. 6#Rom. 13:11; 1 Pet. 1:13.Kumta te, to ngin ym ïohthiah kum kita kiwei, hynrei, to ngin sharai bad ngin long adkar. 7#Ki Kam. 2:15; 2 Pet. 2:13.Naba kita kiba ïohthiah, ki thiah mynmiet; bad kita kiba ïabuaid, ki ïabuaid mynmiet. 8#Isa. 59:17; Eph. 6:14,17,23; Rom. 8:24.Hynrei, ma ngi, haba ngi long ki jong ka sngi, to ngin ïalong adkar, kiba phong ka jingïada shadem jong ka jingngeit bad ka jingieit; bad ka jingkyrmen ka jingpynim, kum ka jingïada khlieh. 9#1 Thes. 1:10; 2 Thes. 2:13; Rom. 14:9.Naba U Blei u la buh ïa ngi ym ïa ka jingbitar, hynrei, ïa ka ban ïoh ïa ka jingpynim da U Jisu Khrist uba U Trai jong ngi, 10uba la ïap na ka bynta jong ngi, ba, la ngi peit la ngi thiah, ngin ïoh im lem bad u. 11Naba kumta, to phin ïapyntngen paralok, bad to phin nang ïatei paralok, kumba phi leh ruh.

Ki ktien kyntu bad ki jingkhublei

12 # 1 Kor. 16:18; 1 Tim. 5:17; 1 Kor. 16:16; Rom. 16:6,12; 1 Kor. 15:10; Heb. 13:17. Hynrei, ngi kyrpad ïa phi, ko parabangeit, ban ithuh ïa kita kiba trei hapdeng jong phi, bad kiba long halor jong phi ha U Trai, bad kiba sneng ïa phi; 13#Mrk. 9:50.bad ban ñiew burom ïa ki shikatdei eh ha ka jingieit na ka bynta ka jingtrei jong ki. To phin ïasuk paralok hi. 14#Isa. 35:4; Rom. 14:1; 1 Kor. 8:7; 2 Thes. 3:6,7,11.Te ngi kyntu ïa phi, ko parabangeit, to sneng ïa kita kiba leh kynriang, to pynshlur ïa ki batlot mynsiem, to ïakynpham ïa ki batlot, to ïaishah slem ïa ki briew baroh. 15#Rom. 12:17; 1 Pet. 3:9.To khmih ba uno uno ruh un ym leh kylliang ïa ka basniew namar ka basniew hano hano ruh; hynrei, ha la ka sngi keiñ to ïabeh brai ïa kata ka babha, sha la ki paralok hi, bad sha ki briew baroh. 16#Php. 4:4.To phin leh kmen ha la ka sngi. 17#Eph. 6:18.To duwai khlem da pud. 18#Eph. 5:20.Ha kaei kaei baroh to phin ai ka jingnguh: namar kane keiñ, ka long ka mon U Blei ha U Khrist Jisu sha phi. 19#Eph. 4:30.Wat pynlip noh ïa U Mynsiem. 20#1 Kor. 14:31.Wat ñiewbeiñ ïa ki jingïathuhlypa. 21#1 Kor. 14:29; 1 Ïoan. 4:1.Da bishar ïa kiei kiei baroh; bat skhem ïa kata ka babha. 22To phin kyndiah noh na ka kynja ka basniew baroh.

23 # Rom. 15:33. Te U Blei ka jingsuk, ma u hi, un pynkhuid phar ïa phi; bad to ai ba yn sumar kyndong ïa ka mynsiem, bad ïa ka jingim, bad ïa ka met jong phi shitylli khlem jingrem ha kata ka jingwan U Jisu Khrist uba U Trai jong ngi. 24Uta uba khot ïa phi u long uba lah ban shaniah, u ban leh ruh ïa kata.

25Ko parabangeit, to duwai na ka bynta jong ngi.

26 # Rom. 16:16. To ïakhublei parabangeit baroh da ka jingïadoh bakhuid.

27 # Kol. 4:16. Nga pynsmai ïa phi da U Trai ban pule ïa kane ka shithi ha ki parabangeit baroh.

28 # Rom. 16:20; 2 Thes. 3:18. Ka jingaiei ka jong U Jisu Khrist uba U Trai jong ngi kan long lem bad phi: Amen.

Currently Selected:

1 THESSALONI 5: KHB

Highlight

Copy