2 THESSALONI 1

Ka jingkhublei

1 # 1 Thes. 1:1; 2 Kor. 1:19; Ki Kam. 16:1; 17:1. U Paul, bad u Silbanos, bad u Timothi,

Sha ka balang ka Thessaloni ha U Blei uba U Kpa jong ngi, bad U Jisu Khrist uba U Trai:

2 # Rom. 1:7. Ka jingaiei ha phi bad ka jingsuk na U Blei uba U Kpa bad U Jisu Khrist uba U Trai.

Ka jingbishar ha kata ka jingpynpaw ïa U Trai Jisu na bneng

3 # 1 Thes. 1:2. Ka dei ïa ngi ban ainguh ïa U Blei ha la ka sngi na ka bynta jong phi, ko parabangeit, kumba ka long kaba dei keiñ, naba ka jingngeit jong phi ka nang roi shikatdei, bad ka jingïa-ieit paralok jong phi uwei pa uwei baroh ka roi kyrhai; 4katba ma ngi hi ngi sngewkmen ha phi hapdeng ki balang U Blei, namar ka jingïaishah bad ka jingngeit jong phi ha kita baroh ki jinglehbeiñ ïa phi bad ha kita ki jingjynjar kiba phi shah; 5kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh; 6lada long kumta, ba ka long kaba hok bad U Blei ban siew kylliang ïa ka jingjynjar ha kita kiba pynjynjar ïa phi; 7te ïa phi kiba shah jynjar, ïa ka jingjahthait lem bad ngi, ha kata ka jingpynpaw ïa U Trai Jisu na bneng lem bad ki angel ka bor jong u, 8#Gal. 4:8.ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi; 9ki ban shah ka jingpynshitom, ka jingpynjot bymjukut keiñ na khmat U Trai bad na kata ka burom ka bor jong u, 10ynda un wan ha kata ka akher ka sngi, ban ïoh pyndonburom ha ki riewkhuid jong u, bad ban long uba iphylla ha kita baroh kiba ngeit (naba la ngeit ïa kata ka jingphla jong ngi hapdeng jong phi). 11#1 Thes. 1:3.Khnang ïa kata, ngi duwai ruh ha la ka sngi na ka bynta jong phi, ba U Blei jong ngi un ñiew ïa phi, kiba bit ïa ka jingkhot jong u, bad ba un pyndep ïa ka jingsngewbha baroh jong ka jingbha bad ïa ka kam ka jingngeit, da ka bor bah; 12ba yn ïoh pyndonburom ïa ka kyrteng U Jisu uba U Trai jong ngi ha phi, bad ïa phi ha u, katba kum ka jingaiei U Blei jong ngi, bad U Jisu Khrist uba U Trai.

Currently Selected:

2 THESSALONI 1: KHB

Highlight

Copy