2 THESSALONI 2

U briew jong ka pop

1 # 1 Thes. 4:15-17. Te ngi kyrpad ïa phi, ko parabangeit, shaphang kata ka jingwan U Jisu Khrist uba U Trai jong ngi, bad ka jingïalang jong ngi ha u; 2#2 Thes. 3:17.khnang ban ym pynkhih shen ïa phi na la ka jingmut, lymne pynkhuslai ïa phi, lane da ka mynsiem, ne da ka ktien, ne da ka shithi kumba na ngi keiñ, kumba kata ka sngi ka jong U Khrist ka la wan. 3#Eph. 5:6-8; Dan. 7:25; 8:25; 11:36; Jpw. 13:5; Ïoan. 17:12.Wat ai ba uno uno ruh un shukor ïa phi da kaba kumno kumno ruh: naba kata kan ym wan, lymda jia shuwa kata ka jingphaidien, bad ba yn ïoh pynpaw noh ïa uta u briew jong ka pop, u khun jong ka jingjot; 4#Ese. 28:2; Dan. 11:36.uta uba ïaleh pyrshah bad uba pynsarong ïa lade pyrshah ïa baroh ba la khot “Blei” lane ba ju mane; kat haduh ba u shong ha ka templ U Blei, u da leh Blei ïa lade. 5#1 Thes. 3:4.Hato phim ïakynmaw, ba, mynba nga dang don lem bad phi, ngi la ïathuh ha phi ïa kine kiei kiei ruh? 6Bad mynta phi ïatip ïa kata kaba pynpep, khnang ïa ka ban pynpaw noh ïa u ha kata ka Ïa jong u hi. 7Namar kata ka jingmaïan ka jingbymñiew hukum ka la trei lypa: tang ba don uwei uba khang mynta, tad ynda yn weng noh ïa u. 8#Isa. 11:4.Ynda kumta, yn pynpaw noh ïa uta u bymñiew hukum, ïa uba U Trai Jisu un pynïap da ka jingpyrsad ka shyntur jong u, bad un pyndam noh thiaw da ka jingpynpaw kata ka jingwan jong u; 9#Mat. 24:24; Ïoan. 4:48.uta keiñ uba ka jingwan jong u ka long katba kum ka jingtrei jong u Soitan, da ka bor, bad ki dak khyllah, bad ki jingphylla balamler baroh, 10bad da ka jingshukor ka jingbymhok baroh na ka bynta kita kiba jot; naba kim shym la pdiang ïa ka jingieit ïa ka jingshisha, ba yn pynim ïa ki. 11#Rom. 1:28.Te namar kane, U Blei un phah ha ki, ïa ka jingtrei ka jingbakla, ba kin ngeit ïa ka lamler; 12khnang ba yn ïoh pynrem ïa kita baroh ki bym shym la ngeit ïa ka jingshisha, hynrei, kiba la sngewbha ha ka jingbymhok.

La jied ïa phi sha ka jingpynim

13 # 2 Thes. 1:3; Eph. 1:4; 1 Pet. 1:2. Hynrei, ka dei ïa ngi ban ainguh ïa U Blei ha la ka sngi na ka bynta jong phi, ko parabangeit ba la ieit da U Trai, namar ba U Blei u la jied ïa phi naduh kaba mynnyngkong sha ka jingpynim ha ka jingpynkhuid U Mynsiem, bad ka jingngeit ïa ka jingshisha; 14sha kaba u la khot ïa phi da ka gospel jong ngi, ïa ka ban ïoh ïa ka burom U Jisu Khrist uba U Trai jong ngi. 15#1 Kor. 16:13; 11:2.Kumta te, ko parabangeit, to ïeng skhem, bad to ïabat ïa kita ki jinghikai ha kiba la lah hikai ïa phi, la da ka ktien, lane da ka shithi jong ngi.

16 # 1 Thes. 3:11; 1 Pet. 1:3. Te U Jisu Khrist hi uba U Trai jong ngi, bad U Blei uba U Kpa jong ngi uba la ieit ïa ngi, bad uba la ai ha ngi ïa ka jingpyntngen bymjukut, bad ïa ka jingkyrmen babha da ka jingaiei, 17to un pyntngen ïa ki dohnud jong phi, bad un pynskhem ïa phi ha ka ktien bad ka jingleh babha baroh.

Currently Selected:

2 THESSALONI 2: KHB

Highlight

Copy