Popular Bible Verses from 1 THESSALONI 5

Share

To phin leh kmen ha la ka sngi. To duwai khlem da pud. Ha kaei kaei baroh to phin ai ka jingnguh: namar kane keiñ, ka long ka mon U Blei ha U Khrist Jisu sha phi.

Te U Blei ka jingsuk, ma u hi, un pynkhuid phar ïa phi; bad to ai ba yn sumar kyndong ïa ka mynsiem, bad ïa ka jingim, bad ïa ka met jong phi shitylli khlem jingrem ha kata ka jingwan U Jisu Khrist uba U Trai jong ngi. Uta uba khot ïa phi u long uba lah ban shaniah, u ban leh ruh ïa kata.

To khmih ba uno uno ruh un ym leh kylliang ïa ka basniew namar ka basniew hano hano ruh; hynrei, ha la ka sngi keiñ to ïabeh brai ïa kata ka babha, sha la ki paralok hi, bad sha ki briew baroh.

Naba kumta, to phin ïapyntngen paralok, bad to phin nang ïatei paralok, kumba phi leh ruh.

Te ngi kyntu ïa phi, ko parabangeit, to sneng ïa kita kiba leh kynriang, to pynshlur ïa ki batlot mynsiem, to ïakynpham ïa ki batlot, to ïaishah slem ïa ki briew baroh.

Naba U Blei u la buh ïa ngi ym ïa ka jingbitar, hynrei, ïa ka ban ïoh ïa ka jingpynim da U Jisu Khrist uba U Trai jong ngi

naba phi long baroh ki khun ka jingshai, bad ki khun ka sngi; ngim long na ka jong ka miet, lymne na ka jingdum.