1 PETROS 5
5
Ka kynhun ka jong U Blei
1Ïa ki tymmen basan kiba hapdeng jong phi, namar kata, nga kyntu, uba u para tymmen basan keiñ, bad u sakhi ïa kita ki jingshahshitom U Khrist, bad u nongïoh bynta ruh na kata ka burom ïa ka ban sa pynpaw, 2#Ïoan. 21:15-17.to phin bsa ïa kata ka kynhun ka jong U Blei kaba hapdeng jong phi, da kaba sharai, ym da kaba leh jubor, hynrei, da la ka mon sngewbha hi; ym da kaba khwan myntoi, hynrei, da ka jingsngew-la-kloi; 3ym kum kiba leh trai khlieh halor ki balang, hynrei, da kaba pynlong ïa lade ki rukom ïa kata ka kynhun. 4Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh. 5#Pro. 3:34.Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”
6 #
Mat. 23:12; Luk. 14:11; 18:14. To phin pynrit ïa lade namar kata hapoh ka kti bakhrawbor ka jong U Blei, ba un ïoh pynkhraw ïa phi ha ka Ïa ba bit; 7#Salm. 55:22.da kaba bred halor jong u ïa ka jingkhuslai jong phi baroh, naba u sumar sukher ma u shaphang jong phi. 8To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli. 9Ïa uta to phin ïaleh pyrshah, kiba skhem ha la ka jingngeit, da kaba tip ba dang pyndep ïa kita kijuh hi ki jingshahshitom ha kita ki parabangeit jong phi kiba ha ka pyrthei. 10Te U Blei ka jingaiei baroh, uba la khot ïa phi sha kata ka burom bymjukut jong u ha U Khrist, ynda phi la shah shitom khyndiat por, ma u hi keiñ, un da pynjanai ïa phi, un da pynskhem, un da pynshaitbor. 11Ha u, to long ka jingsynshar sha ki bymjukut ki bymjukut: Amen.
Ki jingkhublei
12 #
Ki Kam. 15:22,40. Da u Silbanos, uba u parabangeit baïaineh kumba nga ñiew ïa u, nga la thoh lyngkot ha phi, da kaba sneng bad da kaba phla ruh ba kane ka long kata ka jingaiei bashisha ka jong U Blei: ha kata te, to phin ïeng skhem. 13#Ki Kam. 12:12,25; 13:13; 15:37-39; Kol. 4:10; Phlm. 1:24.Ka Balang kaba ha Babilon, ïa kaba la jied lem bad phi, ka khublei ïa phi; bad u Markos de u khun jong nga u leh kumta. 14To phin ïakhublei paralok hi da ka jingïadoh ka jingïa-ieit.
To long ka jingsuk ha phi baroh kiba ha U Khrist: Amen.
Currently Selected:
1 PETROS 5: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
