1 PETROS 3

Ka kamram u tnga bad ka tnga

1 # Eph. 5:22; Kol. 3:18. Kumjuh, ko phi ki kynthei, to da pynkohnguh ïa lade ha ki tnga la ki jong hi; ba lada kino kino ruh ki bymkohnguh ïa ka ktien U Blei, yn da ïoh pynngeit ïa ki ruh khlem kata ka ktien da kata ka jinglong jingim jong kita ki kynthei; 2haba kin da khmih ïa kata ka jinglong jingim basngur jong phi kaba da ka jingsngewtieng. 3#1 Tim. 2:9.Kiba ka jingpynibha jong ki to ai ba kan ym long tang kata kaba shabar, ka jong kaba thain shñiuh, bad kaba deng ki jingdeng ksiar, lane kaba kup ki jaiñkup; 4hynrei, to ai ba kan long uta u briew ba la rieh jong ka dohnud, ha ka jingpynibha ka bymsep ka jong ka mynsiem bajemnud bad ba jar jar, kaba long ha khmat U Blei ka bakordor eh. 5Namar kumta mynhyndai kita ki kynthei bakhuid ruh, kiba ju kyrmen ha U Blei, ki la ju pynibha ïa lade, da kaba pynkohnguh ïa lade ha ki tnga la ki jong hi; 6#Jen. 18:12.kumba ka Sara ka la kohnguh ïa u Abraham, da kaba khot “kynrad” ïa u; ki khun jong ka, ba phi long mynta lada phi leh bha, bad phim sheptieng ïa kano kano ka jingshyrkhei.

7 # Eph. 5:25; Kol. 3:19. Ko phi ki shynrang kumjuh, to da shong lem bad la ki tnga katba kum ka jingtip bha, da kaba ai burom ha ka tnga kum ha ka khiew ba kham tlot, bad kum ha ki nongïaïoh bynta lem na ka jingaiei ka jingim, khnang ïa ka ban ym pynpep noh ïa ka jingduwai jong phi.

Shah shitom na ka bynta ka hok

8Te ha kaba wai noh, to da long baroh kiba ïamut kajuh, kiba ïashah lem, kiba ïa-ieit kum shipara, kiba jemnud, kiba sngewrit: 9ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu. 10#Salm. 34:12-16.Namar,

“Jar uba mon ban ieit

ïa ka jingim,

bad ban ïohi ïa ki sngi babha,

to un khang noh ïa u thylliej

jong u na ka basniew,

bad ïa ki rmiang shyntur jong u

na ka ban kren ïa kaba shukor:

11to un da kynriah noh

na ka basniew,

bad ba un da leh ïa ka babha:

to un da wad ïa ka jingsuk,

bad un da beh brai ïa ka.

12Naba ki khmat U Trai

ki ïalong halor ki bahok,

bad ki shkor jong u

ki sha ka jingduwai jong ki;

hynrei, ka khmat U Trai

ka ïaleh ïa kiba leh ïa kiei kiei

ki basniew.”

13Te uei uta u ban pynsniew ïa phi, lada phi long kiba ïabud skhem ïa kata ka babha? 14#Isa. 8:12-13.#Mat. 5:10.Hynrei, lada phi la shah shitom ruh na ka bynta ka hok, suk ma phi. Hynrei, wat sheptieng na kata ka jingpynsheptieng jong ki, lymne wat khih khuslai, 15hynrei, to pyndonburom ïa U Khrist kum U Trai ha ki dohnud jong phi. Bad to long kiba kloi ha la ka sngi ïa ka ban ai jubab ha uwei pa uwei baroh uba pan na phi ïa ka jingpyni nia shaphang kata ka jingkyrmen kaba ha phi, hynrei, da ka jingjemnud bad ka jingtieng burom; 16da kaba phi ïaibat ïa ka jingïatiplem babha, ba, ha kata kaba ki ïakrenbeiñ ïa phi, yn ïoh pynsngewlehrain ïa kita kiba kren wad daw eh ïa kata ka jinglong jingim babha jong phi ha U Khrist. 17Namar ka kham bha keiñ, lada ka mon U Blei ka ibit, ba phin shah shitom ha kaba leh bha ban ïa ha kaba leh sniew. 18Naba U Khrist ruh, u la shah shitom shi sien namar ki pop, U Bahok na ka bynta ki bymhok, khnang ba un ïoh ïalam ïa ngi ha U Blei; haba la pynïap ïa u ha ka doh, hynrei, ba la pynlong im ïa u ha U Mynsiem: 19ha uba u la leit ruh bad u la ïalap ha kita ki mynsiem ha ka byndi; 20#Jen. 6:1—7:24.ki bym shym la kohnguh mynhyndai, mynba ka jingïaishah-slem ka jong U Blei ka la ap khmih ha ki sngi u Noah, haba u dang thaw ïa ka ïinglieng, ha kaba khyndiat ki mynsiem, kata ka long phra ngut, ki la ïohlait im da ka um. 21Kaba ha ka jingpynshisha jong ka, kata ka jingpynbaptis, ka pynim ïa ngi mynta ruh (ym kaba buh noh ïa ka jingtngit ka doh, hynrei, ka jingwad ka jingïatiplem babha sha U Blei), da ka jingpynmihpat ïa U Jisu Khrist, 22uba long sha ka kti kamon jong U Blei, haba u la leit sha bneng, haba la pynlong hapoh jong u ïa ki angel, bad ïa kiba don bor, bad ïa ki bor bah.

Currently Selected:

1 PETROS 3: KHB

Highlight

Copy