1 PETROS 2
2
U Maw ba-im bad ka jaid bynriew bakhuid
1Namar kata, haba la iehnoh ïa ka jingpynsniew baroh, bad ka jingshukor baroh, bad ki jingleh arsap, bad ki jingbishni, bad ki jingïakren sniew baroh, 2kum ki khunlung ba dang kha, to phin kwah hir hir ïa ka basngur ka dud kaba dei mynsiem, khnang ba phin ïoh san da ka sha ka jingpynim; 3#Salm. 34:8.lada phi la mad ba U Trai u long uba sbun.
4 #
Salm. 118:22; Isa. 28:16. Ha uba haba phi ïawan, kum ha u maw ba-im, ïa uba la kyntait noh shisha da ki briew, hynrei, ïa uba la jied da U Blei, bad u bakordor, 5ïa phi ruh, kum ki maw ba-im la tei, ban long ka ïing bakynja mynsiem, ka jinglong lyngdoh bakhuid, ban kñia ïa ki jingkñia bakynja mynsiem, ïa kiba pdiang hun ha U Blei da U Jisu Khrist. 6#Isa. 28:16.Naba kumta te, ka don ha kata Ka Jingthoh:
“Ha khmih, nga buh
ha ka Seïon
ïa u mawdong bahakhlieh,
ïa uba la jied,
bad u bakordor:
te jar uba ngeit ha u
yn ym pynrain buhkhoh.”
7 #
Salm. 118:22. Ïa phi, namar kata, kiba ngeit, don kata ka jingkordor: hynrei, ha ki bymngeit,
“Ïa u maw ïa uba ki nongtei
ki la kyntait noh,
ïa une keiñ, la pynlong
ha khlieh ka dong,”
8 #
Isa. 8:14,15. bad,
“Ïa u maw ka jingjynthut,
bad ïa u mawsiang ka jingthut.”
Naba ki jynthut haba kim kohnguh ïa ka ktien; sha kaba la buh ruh ïa ki.
9 #
Eks. 19:5,6; Deu. 4:20; 7:6; 14:2; 26:18; Tit. 2:14. Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u: 10#Hos. 2:23.kiba mynno mynno ruh kim long u paidlang, hynrei, mynta, ki long keiñ u paidlang U Blei: ïa kiba ym shym la isynei, hynrei, mynta, la isynei ïa ki.
Ki shakri U Blei
11Ko hep ba-ieit, nga kyrpad ïa phi kum ki nongwan hap bad ki pilgrim, ban kyndiah noh na kita ki jingkwah brai bakynja doh, kiba ïaleh thma ïa ka mynsiem; 12da kaba ïaibat ïa ka jinglong jingim jong phi ka babha hapdeng ki Jentil; ba ha kata kaba ki ïakren sniew ïa phi kum ki nongleh basniew, ki lah na kita ki jingleh babha jong phi, ïa kiba ki ïohi, ban pyndonburom ïa U Blei ha ka sngi ka jingwan-i.
13To phin pynkohnguh ïa lade ha ka jingpynïaid bakynja bynriew baroh na ka bynta U Trai, la ka long ha u syiem, kum ha uba ha khlieh; 14lane ha ki lyngskor, kum ha kiba la phah da u ïa ka ban pynhiar kput halor ki nongleh basniew, hynrei, ïa ka ban ïaroh ïa ki nongleh babha. 15Naba kumta keiñ, ka long ka mon ka jong U Blei, ba da kaba ïai-leh babha phin pynsngap noh jar ïa kata ka jingbymtip jong ki briew babieit; 16kum kiba laitluid, bad ym kiba pyndonkam ïa kata ka jinglaitluid kum ka jingtyllep noh ïa ka basniew, hynrei, kum ki shakri U Blei keiñ. 17To phin ñiew burom ïa ki briew baroh. To ïa-ieit parabangeit. To tieng burom ïa U Blei. To ñiew burom ïa u syiem.
Ka rukom ka jingshah U Khrist
18Ko phi ki shakri ïing, to da pynkohnguh ïa lade ha ki kynrad jong phi da ka jingtieng burom baroh, ym tang ha kita ki babha bad bajemnud, hynrei, ha kita kiba dukhi ruh. 19Namar kane ka long ka jingpynsngewbha, lada uno uno ruh na ka bynta ka jingïatiplem sha U Blei u ïaishah ïa ki jingpynsngewsih, da kaba shah bymhok. 20Namar ka jingïaroh aïu ka long, lada, haba phi leh pop, bad ba la shoh beiñ ïa phi, phi shah jem? hynrei, lada, haba phi leh bha bad shah shitom namar kata, phi ïaishah jem, kane ka long ka jingpynsngewbha bad U Blei. 21Namar sha kane keiñ la khot ïa phi: naba U Khrist ruh u la shah na ka bynta jong ngi, da kaba iehnoh ïa ka rukom ïa ngi, khnang ba ngin ïoh bud ha kita ki jingjam jong u: 22#Isa. 53:9.u bym shym la leh pop, lymne ym shym la shem ïa kaba arsap ha ka shyntur jong u: 23#Isa. 53:7.uba, haba la krenbeiñ ïa u, um ju krenbeiñ kylliang; haba u shah shitom, um ju byrngem; hynrei, u la ju aiti noh ha uta uba bishar hok: 24#Isa. 53:5-6,12.uba da lade hi u la bah noh ïa ki pop jong ngi ha ka met jong u halor kata ka dieng, ba, haba la ïap noh sha kita ki pop ngin ïoh im sha ka hok; uba da ki jingjngem snam jong u, la pynkhiah ïa phi. 25#Isa. 53:6.Namar phi la ju leit sakma kum ki langbrot; hynrei, mynta, la pynphai pat ïa phi sha U Nongaplangbrot bad U Nongsharai ki mynsiem jong phi.
Currently Selected:
1 PETROS 2: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
