1 PETROS 1
1
Ka jingkhublei
1U Petros, u apostol U Jisu Khrist,
Ha ki sohshnong jong ka Jingpynwir ha Pontos, Galatia, Kappadokia, Asia, bad Bithynia, kiba la jied, 2katba kum ka jingtip lypa U Blei U Kpa, ha ka jingpynkhuid U Mynsiem, ïa ka jingkohnguh bad ïa ka jingsynreit ka snam U Jisu Khrist:
Ka jingaiei ha phi bad ka jingsuk to kin nang roi.
Ka jingkyrmen ka ba-im
3Ka jingkyrkhu ïa U Blei bad ïa U Kpa U Jisu Khrist uba U Trai jong ngi, uba katba kum ka jingisynei ka bakhraw jong u, u la pynkha ar sien ïa ngi sha ka jingkyrmen kaba im, da ka jingmihpat U Jisu Khrist na ki baïap, 4sha ka jingïoh kynti ka bympyut, bad ka bymbit-tngit, bad ka bymsep noh, ïa kaba la ri ha ki bneng khnang ïa phi; 5ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh. 6Ha kaba phi ïasngewkmen eh, la mynta khyndiat por, lada donkam, la pynsngewsih ïa phi ruh ha kiba bun jaid ki jingtynjuh; 7khnang ba kata kaba phrang ïa ka jingngeit jong phi, kaba kham kordor ïa ka ksiar kaba jot noh, la la phrang ruh ïa ka da ka ding, yn ïoh shem ïa ka ha ka jingïaroh bad ka burom bad ka jinglong burom, ha ka jingpynpaw U Jisu Khrist: 8ïa uba, haba ym ïohi ruh, phi ieit; ha uba, la phim ïohi mynta, hynrei, phi ngeit, phi ïasngewkmen eh da ka jingkmen ka bym lah ong bad kaba dap da ka burom; 9da kaba pdiang ïa ka jingkut ka jingngeit jong phi, ka jingpynim keiñ ïa ki mynsiem jong phi.
10Shaphang kane ka jingpynim, ki nongïathuhlypa ki la ïawad bad ki la ïit bha biang biang ruh, kiba la ïathuhlypa shaphang kata ka jingaiei ka ban wan ha phi: 11ki da ïit bha ïa kano lane ïa kaba kumno ka por U Mynsiem U Khrist uba ha ki u la ju pyni, haba u ïathuhlypa ïa kita ki jingshah U Khrist, bad ïa kita ki burom kiba bud ïa ki; 12ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.
Ka jingkhot sha ka jinglong jingim ka bakhuid
13Naba kumta, haba la panpoh noh ïa ka syngkai ka jingmut jong phi, to long kiba khan adkar bad to phin ïaikyrmen janai ïa kata ka jingaiei ïa kaba yn wallam ha phi ha ka jingpynpaw U Jisu Khrist; 14kum ki khun ka jingkohnguh, ki bympynsyriem ryngkat ïa lade bad kita ki jingkwah brai bamynshuwa ha kata ka jingbymtip jong phi; 15hynrei, kumba uta uba la khot ïa phi u long u bakhuid, to long ma phi ruh ki bakhuid ha ka jinglong jingim baroh; 16#Leb. 11:44,45; 19:2.naba la thoh: “To long phi ki bakhuid namar ma nga, nga long u bakhuid.” 17Bad haba phi khot “U Kpa” ïa uta uba khlem ñiew shiliang khmat u bishar katba kum ka jingleh jong uwei pa uwei baroh, to pynleit ïa ka por shong basa jong phi ha ka jingsheptieng; 18haba phi tip ba ym da kiei kiei ki basep, kum ka rupa lane ka ksiar, ba la siewspah ïa phi na kata ka jinglong jingim bathala jong phi ïa kaba la aiti pateng la pateng na ki kpa; 19hynrei, da ka snam bakordor, kum ka jong u khun langbrot bakhlem pop bad bakhlem thohbria, ka jong U Khrist keiñ: 20ïa uba la thmu lypa naduh bym pat seng nongrim ïa ka pyrthei, hynrei, la pynmihpaw ïa u ha kine ki Ïa ki bakhatduh na ka bynta jong phi, 21kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.
22Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud: 23haba la pynkha ar sien ïa phi ym na u symbai basep, hynrei, u bymsep, da ka ktien U Blei kaba im bad kaba ïaisah. 24#Isa. 40:6-9.Naba:
“Ka doh baroh
ka kum u phlang,
bad ka burom jong ka baroh
ka kum u syntiew u phlang:
uta u phlang u ïap ryngkhiang,
bad uta u syntiew jong u,
u hap noh,
25hynrei, kata ka ktien U Trai
ka ïaisah bymjukut.”
Te kane ka long kata ka ktien ïa kaba la ïathuhkhana babha ha phi.
Currently Selected:
1 PETROS 1: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
