Lir. 36

Lisaaye lia Esau

(1 Ke Ch. 1.34-37)

1Lino nilio lisaaye lia Esau (niye Edomu). 2#Lir. 26.34 Esau ayila bakhaana Bakanaani babe bakhasi bewe. Ada, omukhaana owa Eloni, Omuhiti, Oholibama, omukhaana owa Ana, okhwa#36.2 okhwa: kamakaluukhasia malala ke khaale kakaluukhasibwa kali okhwa, Lueburania luli omukhaana, namwe omwichukhulu omukhaana. Sibeoni, Omuhibi 3#Lir. 28.9 ne Basemati, omukhaana owa Ishimaeli, omukooko owa Nabayoti. 4Ada asaalila Esau Elifasi, Basemati asaala Reueli, 5ne Oholibama asaala Yeushi, Yalamu ne Kora. Bano nibo ba okhwa Esau nibo asaalila mu sibala sia Kanaani.

6Esau abukula bakhasi bewe, babaana bewe be sisoleeli ne siikhaana nende be munju mwewe boosi, chikhaafu ne bibiaayo, bibiindu nibio aba ne anyoolile mu sibala sia Kanaani, mala auuya acha mu sibala sisiindi, aleeyi khukhwama khu Yakobo wandaaye. 7Auuya sikila niye ne wandaaye baba ne kimiaandu kimikali mala kamaayilwe kaboomba mu sibala nisio bamenyangamo nga baakwa. 8Nio Esau amenya Seiri, mu sibala sie bikulu (Esau niye Edomu).

9Lino lili lisaaye lia Esau kuuka owe Baedomu mu Seiri, sibala sie bikulu. 10Kano kali kamasina ke babaana ba Esau: Elifasi, omwana owa Ada, mukha Esau, Reueli omwana owa Basemati mukha Esau. 11Ba okhwa Elifasi baba Temani, Omari, Sefo, Katamu ne Kenasi. 12(Timuna aaba omukhasi niye Elifasi okhwa Esau aamenyia busa nga omusaale. Timuna asaala Amaleki khu Elifasi). Bano nibo babaana ba Ada mukha Esau. 13Bano nibo ba okhwa Reueli: Nahati, Sera, Siama ne Misa. Bano nibo babaana ba Basemati mukha Esau.

14Bano nibo babaana ba Oholibama omukhaana owa Ana, okhwa Sibeoni mukha Esau: Yeushi, Yalamu ne Kora.

15Bano nibo bakasa be babaana ba Esau. Babaana ba Elifasi, omubele owa Esau, baaba Temani, Omari, Sefo, Kenasi, 16Kora, Katamu ne Amaleki, abano nibo bakasa babaama khu Elifasi mu sibala sia Edomu, babaana ba Ada.

17Bano nibo ba okhwa Reueli, okhwa Esau: omukasa Nahati, Sera, Siama ne Misa. Bano nibo bakasa babaakukha khu Reueli mu sibala sie Edomu, baba babaana ba Basemati mukha Esau.

18Bano nibo bakasa babaama khu Oholibama mukha Esau, omukhaana owa Ana, Yeushi, Yalamu, ne Kora, 19Bano nibo ba okhwa Esau (niye Edomu) ne bano nibo bakasa babwe.

Lisaaye lia Seiri

(1 Ke Ch. 1.38-42)

20Bano nibo ba okhwa Seiri Omuhori, babamenya mu sibala sia Edomu: Lotani, Siobali, Sibeoni, Ana, 21Dishoni, Eseri ne Tishani, bano bali bakasa be Bahori, ba okhwa Seiri mu sibala sie Edomu.

22Ba okhwa Lotani baba Hori ne Hemani, ne Timuna aba omukooko owa Lotani.

23Bano nibo ba okhwa Siobali: Alibani, Manahati, Ebali, Shefo ne Onamu.

24Bano nibo ba okhwa Sibeoni: Aya ne Ana. Ana yuno niye owanyoola chisebele che kameechi kamabile mu sichiimi nga aba ne aaya chipunda cha Sibeoni, raraawe. 25Bano nibo babaana ba Ana: Dishoni, ne omukhaana bali Oholibama. 26Bano nibo ba okhwa Dishoni: Hemutani, Esibani, Itirani ne Kerani.

27Bano nibo ba okhwa Eseri: Biliani, Saabani ne Akani.

28Bano nibo ba okhwa Tishani: Usi ne Arani.

29Bano nibo bakasa babaakukha khu Bahori: Lotani, Siobali, Sibeoni, Ana, 30Dishoni, Eseri ne Tishani, bano nibo bakasa babaama khu Bahori khuloondekhana ne kimiliango kiabwe mu sibala sia Seiri.

Babaami ba Edomu

(1 Ke Ch. 1.43-54)

31Bano nibo babaami babamia mu sibala sia Edomu, ebweeni, omwami yesi yesi ne akhamiiakho khu Baisiraeli tawe. 32Bela okhwa Beori, amiia mu Edomu. Lukoba lwewe lwaba Tinihaba. 33Bela afwa, mala Yobabu, okhwa Sera owa Bosira amiia mu bweyaangu bwewe. 34Yobabu afwa, mala Husiamu owe mu sibala sia Batemani, amiia mu bweyaangu bwewe. 35Husiamu afwa, mala Hatati okhwa Betati, owaula Midiani mu sibala sia Moabu, amiia mu bweyaangu bwewe. Lisina lie lukoba lwewe lwaba Abiti. 36Hatati afwa, mala Samula owe Masireka amiia mu bweyaangu bwewe. 37Samula afwa mala Shauli, owe Rehoboti, khu luuchi lwa Efurati, amiia mu bweyaangu bwewe. 38Shauli afwa mala Baali-hanani, okhwa Akibori amiia mu bweyaangu bwewe. 39Baali-hanani, okhwa Akibori afwa, mala Hatari amiia mu bweyaangu bwewe. Lisina lie lukoba lwewe liaba Pau ne lisina lio omukhasi wewe liaba Meotabeli, omukhaana owa Matureti, omukhaana owa Mesahabu.

40Akano kali kamasina ke bakasa ba Esau khuloondekhana ne kimiliango kiabwe ne abuundu niio bamenya, ne kamasina kabwe: Bakasa Timuna, Aliba, Yateti, 41Oholibama, Ela, Pinoni, 42Kenasi, Temani, Mibisari, 43Makitieli ne Iramu. Abano nibo bakasa ba Edomu (niye Esau raraawe owa Edomu) khuloondekhana ne abuundu niio bamenya mu sibala siabwe.

Currently Selected:

Lir. 36: LUBUKUSU

Highlight

Copy