MATAYO 10

Yesu yaahula abarume ekhumi nababili

(Mrk. 3:13-19; Luka 6:12-16)

1Yesu yalanga abarumebe ekhumi nababili halala nabahelesia obunyali okhurusia ebishieno nende okhuhonia obuteshele bwetsimbia tsiosi nende obulwale bwosi. 2Ne kano niko ameera kabarume ekhumi nababili abo, owambeli yali, Simoni, owalangwa mbu, Petero nende omusiani wabwe oulangwa mbu Andereya, Yakobo nende omusiani wabwe owalangwa mbu Yohana, abasiani ba Zebedayo. 3Filipo nende Batsolomayo, Tomasi nende Matayo omusololi wobushuru, Yakobo omusiani wa Alufayo, Tsadayo, 4Simoni omukananayo, nende Yuda Isikarioti, owakhoba Yesu.

Oburume bwabarume ekhumi nababili

(Mrk. 6:7-13; Luka 9:1-6)

5Yesu yabaruma ekhumi nababili abo nabalachilisia ari, “Shimulatsiekhwo mubamahanga kata mwitookho liosi liosi elia Abasamaria tawe. 6Nebutswa mutsiile amakondi akakora akoluyia lwa Isiraeli. 7Mana mutsie nimuyaala muri, ‘Obwami bwa Nyasaye buli ahambi!’ 8Muhonie abalwale, nimulamusia abafwile, musiiye abobuchele, nimurusia ebishieno. Mwahebwa obularunga eshindu ta, nenywe muhaanenje obularungwa eshindu ta. 9Shimulabukulekhwo itsahabu kata ifetsa noho amapesa mumifuko chienywe ta; 10#1 Abakor. 9:14; 1 Tim. 5:18shimulachingakhwo omufuko okwokhusuma khuluchendo kata tsingubo tsindi, kata ebilaaro, kata indabushi tawe. Shichila omukholi wemilimo akhoyeele okhuhebwa ebiokhuliabie.

11“Ne mwitookho liosi kata mwitaala liosi eliamwinjilamwo mukhabilisiemwo oukhoyele okhumwinjisia, mana mumenye ninaye okhuula olwa murulamwo. 12Ne olwa mwinjila munzu mubashiesie omulembe. 13Ne nikaba mbu, abandu abomunzu eyo bamwinjisia, kho amashiesio kenywe komulembe kabe ninabo. Ne nibalamwinjisia ta, emilembe chienywe chimukalushile inywe abeene. 14#Ebikh. 13:51Ne omundu yesi yesi nalamwinjisia ta, kata okhuhulila akamuboola ta, olwa murula munzu omwo, noho mwitaala omwo, muteng'ulule olufu olwokhubilenje bienywe. 15#Mat. 11:24; Obucha. 19:24-28#Luka 10:4-12Emuboolela toto mbu, khunyanga eyokhukhalaka eshiina, Nyasaye yakhabeele tsimbabasi abandu aba Sodomu nende Gomora okhushila abomwitookho elo!

Obusandibwi Obwitsanga

(Mrk. 13:9-13; Luka 21:12-17)

16 # Luka 10:3 “Hulile! Emurumanga inywe shinga amakondi mubisutse. Mube abachesi shinga tsinzokha, ne abaholo shinga amahusi. 17#Mrk. 13:9-11; Luka 12:11,12; 21:12-15Mwirecheshe okhuba abandu balamutiila nibamuyila mubiina, nibamunywekha netsikhoba nimuli mutsisinagogi tsiabwe. 18Khandi mwakhayilwe imbeli wabami, abaruchi nende abamahanga khulwanje, mbu mubayaalile Amakhuwa Amalayi. 19Ne olwa bamureera mushiina shimulahenda mbu naboole shiina noho mbu namuboole murie ta; olwa ebise biula, mulahebwa akamuboola. 20Shichila shimuli inywe abalaboola ta, habula Roho wa Senywe niye oulaboolela mwinywe.

21 # Mrk. 13:12; Luka 21:16 “Abasiani bomunzu ndala balakhobana abeene khu beene okhwiirana, abasamwana balakhola bario khubaana babwe; abaana nabo bulabushila khubebusi babwe nibabeera. 22#Mat. 24:9; Mrk. 13:13; Luka 21:17; Mat. 24:13; Mrk. 13:13Abandu boosi balamukiya khulwanje. Nebutswa yesi owifwila okhuula khushihesi alahonibwa. 23Ne olwa bamusandia mwitaala elala mwilushile mulilondakhwo. Emusuubisia mbu, shimulamala emilimo chienywe mumataala koosi aka Isiraeli Omwana womundu nashili okhukalukha tawe.

24 # Luka 6:40; Yoh. 13:16; 15:20 “Abulaho omwechi oushilanga omwechesiawe ta; kata omusumba shiashila omwamiwe tawe. 25#Mat. 9:34; 12:24; Mrk. 3:22; Luka 11:15Nobulayi omwechi okhuteema okhuba shinga omwechesiawe, kata omusumba okhuba shinga omwamiwe. Kho nibaba nibalanjile omwenengo mbu Belizebuli, shibalalanga abomungomwe ameera amabi muno!

Oukhoyile okhuribwa

(Luka 12:2-7)

26 # Mrk. 4:22; Luka 8:17 “Khulweshio, shimularitsanga abandu ta, shichila libulaho elifuunishilwa, elilafuunulilwa ta, kata elibiswa, elilabisulwa tawe. 27Akemuboolela mushiilima mukaboole habulafu, ne akamumonyelwa mushirwi mukarumbule ebulafu khu boosi. 28Shimularitsanga abeera omubili ne nibalanyala okhwira omwoyo ta. Habula muritsenje Nyasaye ounyala okhusishia biosi, omwoyo nende omubili mumulilo okulasimanga tawe. 29Okhuba onyala okhukula tsiminyi tsibili isende ndala, nebutswa kata iminyi ndala shiyinyala okhukwa hasi ahalali okhwenya khwa Senywe tawe. 30Nebutswa inywe, kata liswi liokhumirwe chienywe liosi, Nyasaye alimanyile. 31Kho shimularitsanga ta, okhuba inywe mushila tsiminyi tsinyinji.

Okhumwiyama nende okhumwikaana Kristo

(Luka 12:8-9)

32“Omundu yesi yesi naba niyeyama habulafu mbu, nomulondi wanje, nasi sieisi ndalamwiyama endio imbeli wa Papa wanje ouli Mwikulu. 33#2 Tim. 2:12Ne omundu yesi yesi ounzikaana habulafu, nasi siesi ndalamwikaana endio imbeli wa Papa wanje ouli Mwikulu.

Yesu shiyayetsa okhureera omulembe ta habula obukabukhani

(Luka 12:51-53; 14:26-27)

34“Shimulapaare mbu, ndetsa okhureera omulembe mushialo ta, habula ndetsa okhureera obukabukhani. 35#Mika 7:6Ndetsa okhureera obukabukhani hakari womwana nende samwana, Omukhaana nende nyina, omukhasi womusiani nende nyakhufialanyene; 36ne abasuku bomundu balaba abeinzuye beene.

37“Yesi ouheelanga samwana noho nyina okhushila isie, shiakwanile okhuba omulondi wanje tawe. Yesi ouheela omusianiwe noho omukhaanawe okhushila isie, shiahelile okhuba omulondi wanje tawe. 38#Mat. 16:24; Mrk. 8:34; Luka 9:23Yesi oulekha okhwituukha omusalabakwe niyanondakhwo, shiakwanile okhuba omulondi wanje tawe. 39#Mat. 16:25; Mrk. 8:35; Luka 9:24; 17:33; Yoh. 12:25Yesi outeema okhuhonia obulamubwe alabukosia; nebutswa yesi oukosia obulamubwe khulwanje alabunyoola.

Omurungo

(Mrk. 9:41)

40 # Luka 10:16; Yoh. 13:20; Mrk. 9:37; Luka 9:48 “Omundu yesi oumwinjisia inywe yanzinjisia isie; ne yesi ounzinjisia isie amwinjisia oyo owaruma. 41Yesi owinjisia omulakusi owa Omwami shichila mbu nomulakusi, alanyoola omurungo kwomulakusi oyo. Ne yesi owinjisia omundu omulunjishi, shichila mbu nomulunjishi, alanyoola omurungo kwomulunjishi oyo. 42Emuboolela toto mbu, omundu yesi ouhaana amaatsi amanyifu kokhunywa khumutiiti khubalondi banje bano shichila mbu nomulondi wanje, shialachweya okhunyoola omurungokwe tawe.”

Currently Selected:

MATAYO 10: OLUPR

Highlight

Copy