MATAYO 9
9
Yesu Yahonia omundu owafwokoya
(Mrk. 2:1-12; Luka 5:17-26)
1Yesu yenjila muliaro niyambukha niyoola mwitaala liewabwe elia Kaperinaumu. 2Ne lola abandu bamureerera omundu owafwokoya, niyalisibwe khushitali. Ne olwa Yesu yalola shinga olwa bali nobusuubili obunji yaboolela owafwokoya oyo ari, “Mwana wanje, tinya omwoyo, olesheelwe obwonoonibwo.” 3Ne abandi khubeechesia bamalako nibaboolelana abeene khu beene bari, “Omundu uno yechelasinjia khu Nyasaye, Nyasaye yenyene niye ounyala okhuleshela abandu obwonooni.”
4Mana Yesu namanya amapaaro kabwe, naboola ari, “Nishiina eshichila nimupaara amakhuwa amabi mumioyo chienywe murio? 5Okhuba eliangu nelilena, okhuboola mbu, ‘Oleshelwe obwonoonibwo,’ noho okhuboola mbu, ‘Bukha ochende?’ 6Kho ndalamumanyia mbu, Omwana womundu ali nobunyali mushialo okhuleshela abandu obwonooni.” Kho naboolela owafwokoya oyo ari, “Bukha, wituushe eshitalishio otsie ingowo.” 7Omundu oyo nabuukha natsia ingowe. 8Ne olwa abemikanda balolakhwo amakhuwa ako baria, nibamwitsoomia Nyasaye ouhaananga obunyali shinga obwo khubandu.
Yesu yalanga Matayo okhuba omulondiwe
(Mrk. 2:13-17; Luka 5:27-32)
9Ne olwa Yesu yali narulileyo, ne nabiranga, yalola omundu oweliira mbu, Matayo, niyekhaale aha basololelanga obushuru, namuboolela ari, “Unondekhwo.” Naye nasinjila namulondakhwo.
10 #
Luka 15:1,2 Olwa Yesu yali nalitsanga munzu mwa Matayo, abasololi bobushuuru abanji nende abonooni bandi nende abeechi ba Yesu, bekhala nibalia ninaye. 11Kho olwa Abafarisayo bandi balola, bareeba abeechibe abo bari, “Mbushiina Omwami wenywe nalitsanga nende abonooni?”
12Yesu yahulila akababoola ne nabakalusia ari, “Abandu abalamu shibakhaabanga omusilishi ta, habula abalwale nibo abakhaabanga omusilishi. 13#Mat. 12:7; Hos. 6:6Tsie mumanyilisie eshisina eshia Amahandiko akaboolanga mbu; ‘Enzenyanga abalolesinjia tsimbabasi, tawe abakholelanga isie emisango.’ Shichila shindayetsa okhulanga abalunjishi ta, habula abonooni.”
Lireebo khu akokhwiyima ebiokhulia khulwa okhusaaya
(Mrk. 2:18-22; Luka 5:33-39)
14Mana Abeechi ba Yohana omubatiisi nibetsa khu Yesu nibamureeba bari, “Mbushiina ifwe nende Abafarisayo nikhwiyimanga ebiokhulia khulwa okhusaaya, ne abeechibo nibalakhola bario tawe?” 15Yesu nakalusia mbu, “Abacheni beshiselelo bakhanyala barie okhubeelela olwa mwene eshiselelo ashili ninabo? Nebutswa tsinyanga tsiakhoole lwomwene eshiselelo yakhabe nayinibwe khubo, kho nilwo olwa bakheyime ebiokhulia.
16“Abulaho ounabanga ingubo yikhulu niyekhoonyela eshilaka eshiyia ta, shichila eshilaka eshiyia shilekhuuna mana nishimeete okhurandula ingubo eyo. 17Kata abandu shibatsukhanga idivai indoro mumifuko chiamaseelo amakhulu ta, shichila emifuko echio chilarundukha, ne idivai niyisundukha, ne emifuko echio nichionekha. Habula idivai indoro yitsukhungwa mumifuko emiyia mana biosi nibiba habwene.”
Omukhaana wa Yairo nende omukhasi owatiila khungubo ya Yesu
(Mrk. 5:21-43; Luka 8:40-56)
18Olwa Yesu yali nashiboolanga amakhuwa ako, omukhulundu undi owa Abayahudi yamwitsila, nasikama imbeliwe, naboola ari, “Omwana wanje omukhaana wakhafwa; nebutswa yitsa omurekhwo amakhono kho mbu abe omulamu.” 19Kho Yesu narula namuloondakhwo halala nabeechibe.
20Omukhasi undi owali niyerulutsanga emiyika ekhumi nachibili, yetsa emukongo wa Yesu, mana natiila khundulo weingubo ya Yesu. 21Naboola mumwoyokwe ari; “Nindakhatiilakhwo butswa khunguboye ndalahona.” 22Yesu nashiukhana namulola naboola ari, “Tinya omwoyo Omukhaana wanje, obusuubilibwo bukhuhoniye.” Habwene nahabwene omukhasi oyo nahonibwa.
23Mana niyenjila munzu mwa Yairo. Ne olwa yalola abakhupi bebisiliba biamasika nende abali nibekhuulanga, 24yababoolela ari, “Rule elwanyi mwesi! Omukhaana shiafwile tawe, akonanga butswa tsindoolo!” Nabo nibamutseshelela butswa. 25Ne olwa abomukanda bali nibarusibwe elwanyi, Yesu yenjila mushikoro shiomukhaana oyo, namutiila omukhono, mana omukhaana oyo nabuukha. 26Amakhuwa ako nikatswana mushialo eshio shiosi.
Yesu yahonia ababofu babili
27Yesu yarula habundu yaho, ne olwa yali nabiranga, ababofu babili bachaaka okhumulondakhwo. Nibalanjilisia bari, “Khubele tsimbabasi Omwana wa Daudi!” 28Ne olwa Yesu yenjila munzu, ababofu babili abo bamwitsila, naye nabareeba ari, “Musuubila mbu enyala okhumuhonia?” Nibamukalusia bari, “khusuubile, Omwami.”
29Mana Yesu natiila khutsimoni tsiabwe naboola ari, “Kakholeshe kario shinga olwa musuubile!” 30Mana tsimoni tsiabwe nitsitimbusibwa. Yesu nabalaka obutinyu ari, “Mulaboolelakhwo omundu yesi yesi kano tawe!” 31Nabo nibarula nibatswania ifumaye mushialo eshio shiosi.
Yesu ahonia omundu wahanda olulimi
32Ne olwa abandu, bali nibarulanga, Yesu yarereelwa omundu owali niyahanda olulimi, shichila yali neshishieno. 33Olwa eshishieno shiali nishirusibwe, omundu oyo yachaaka okhuboola; abemikanda nibahuka nibaboola bari, “Khushili okhulolakhwo kano mu Isiraeli tawe.” 34#Mat. 10:25; 12:24; Mrk. 3:22; Luka 11:15Nebutswa Abafarisayo baboola bari, “Arusinjia ebishieno khulwa obunyali bwomwami webishieno.”
Yesu atililwa abandu tsimbabasi
35 #
Mat. 4:23; Mrk. 1:39; Luka 4:44 Yesu yabotokhana mumatookho koosi nende mutsingongo tsiabwe tsiosi, niyechesinjia mutsisinagogi tsiabwe, nayaalanga Amakhuwa Amalayi aka Obwami bwa Nyasaye, nahoninjia abobuteshele bwetsimbia tsiosi nende obulwale. 36#Obub. 27:17; 1 Abar. 22:17; 2 Akak. 18:16; Ezek. 34:5; Mrk. 6:34Olwa yalola abemikanda yabatililwa tsimbabasi, shichila bali nibahumbutsananga, khandi nibabula omulindi shinga amakondi akabula omwayi. 37#Luka 10:2Mana naboolela abeechibe ari, “Lichesa nelikhongo, nebutswa abakholi nabatiiti. 38Kho musaaye Omwami, omwene lichesa mbu, arume abakholi mwichesalie.”
Currently Selected:
MATAYO 9: OLUPR
Highlight
Share
Copy
Want to have your highlights saved across all your devices? Sign up or sign in
