MATAYO 11
11
Abarume okhurula khu Yohana Omubatiisi
(Luka 7:18-35)
1Ne olwa Yesu yali namalile okhuhaana ameechesio ako khubeechibe ekhumi nababili, yarulaho natsia okhwechesia nende okhuyaala mumataala kabwe.
2Olwa Yohana Omubatiisi yahulila nali mumbohe aka Kristo yali nakholanga, yaruma abeechibe khuye. 3Abeechi abo nibareeba Yesu bari, “Niwe omwenoyo owa Yohana yasuubisia abandu mbu yakhetse, noho khulindilile oundi?” 4Yesu nabakalusia ari, “Mukalushe muboolele Yohana akamuhulilanga nende akamulolanga mbu, 5#Isa. 35:5,6; Isa. 61:1ababofu banyalilungwa okhulola, abalema bachendanga, abobuchele basiiyungwa, abatimbe bahulilanga, abafu balamusibungwa, ne abamanani bayaalilungwa Amakhuwa Amalayi. 6Nabeikhabi abobusuubili bwabwe bulatitihanga muisie tawe!”
7Olwa Abeechi ba Yohana bali nibenyokhanga, Yesu yachaaka okhuboolela abemikanda khu aka Yohana ari, “Olwa mwatsia khu Yohana mushitsiimi mwenyanga okhulola shiina? Olusi niluresibwa nomuyeka noho? 8Mwarula nimutsia okhulola shiina? Omundu owifwalile tsingubo tsindayi etsiobukusi noho? Abandu abefwala tsingubo shinga etsio bamenyanga mutsinzu tsiabaruchi! 9Kho nishiina eshiachila nimutsiayo? Okhulola omulakusi noho? Emuboolela toto mbu, ye ashilakhwo omulakusi. 10#Mal. 3:1Uno niye Yohana, omwenoyo owa Amahandiko kaboolanga khuye mbu;
‘Lola, eruma omurume wanje imbeliwo,
naye alakaasia injilayo imbeliwo.’
11Emuboolela toto mbu, Yohana Omubatiisi nomukhongo okhushila omundu yesi owebulwakhwo mushialo muno. Nebutswa ouli omutiiti mubwami bwa Nyasaye ashila Yohana. 12#Luka 16:16Ne okhurula munyanga tsia Yohana omubatiisi yayaala oburumebwe okhuula bulano, Obwami bwa Nyasaye bulwanilungwa nabandu abamaani nibabwitsumba. 13Shichila abalakusi boosi nende amalako ka Musa balakula khukobwami bwomwikulu okhurula khunyanga tsia Yohana omubatiisi okhuula bulano. 14#Mal. 4:5; Mat. 17:10-13; Mrk. 9:11-13Ne nimuba nimwakhafuchilila oburume bwabwe, Yohana niye Eliya owali mbu alitsa. 15Kho ouli namarwi akokhuhulila lekha ahulile.
16“Bulano nishiina eshia ndakhachelasiakhwo abolwibulo lwa leelo? Bali shinga abaana abekhaale mushiiro. Omukanda mulala kulanjilisinjia okundi kuri, 17‘Khumwimbiile tsinyimbo tsiokhwikhoya, ne nimulashina ta! Khumwimbiile tsinyimbo tsieshibeela ne nimulekhuula ta!’ 18Olwa Yohana yetsa, nahonga inzala nalanywakhwo idivai ta, buli mundu yaboola mbu, ‘Ali nebishieno.’ 19Ne olwa Omwana womundu yetsa, nalia, nanywa, buli mundu yaboola mbu, ‘Lole, omundu uno nomulangu khandi nomunywi, omwitsa wabasololi bobushuru nende abonooni!’ Ne obuchesi bwa Nyasaye bulolesibungwa okhuba obwatoto okhubirira mubikhole biabwo.”
Amatookho kabandu abalaasuubila mu Yesu ta
(Luka 10:13-15)
20Abandu bomumatookho aka Yesu yakholamwo emilimochie chiamakana, shibayekalukhasia nibalekha obwonooni bwabwe ta. Mana Yesu nachaaka okhukondeshela abandu bomumatookho ako naboola ari, 21#Isa. 23:1-18; Ezek. 26:1–28:26; Yoe. 3:4-8; Amo. 1:9,10; Zak. 9:2-4“Muli mushilaamo shiobubi inywe abelitookho lia Korasini! Muli mushilaamo shiobubi inywe abelitookho lia Betsisaida! Okhuba ebiamakana ebiakholwa mwinywe, biba nibiakholwa mumatookho ka Tiro nende Sidoni, khane baba bekalukhasia khale nibefwala amakunia, nibepuuka likoshe okhumanyia mbu bekalukhasiye. 22Emuboolela toto mbu, khunyanga yeshiina, Nyasaye alibeela tsimbabasi abandu ba Tiro nende Sidoni okhushila inywe. 23#Isa. 14:13-15; Obucha. 19:24-28Ne inywe abelitookho lia Kaperinaumu! Mwenya okhwichinguula okhuula mwikulu? Muleshibwa okhuula emakombe! Akamakana akakholwa mwinywe nikaba niko akakholwa mwitookho lia Sodomu, liakhabele nilishiliho okhuula bulano! 24#Mat. 10:15; Luka 10:12Emuboolela toto mbu, khunyanga yeshiina, Nyasaye yakhabeele tsimbabasi abandu ba Sodomu okhushila inywe!”
Mwitse khwisie muhuluushe
(Luka 10:21-22)
25Mubise ebio, Yesu naboola ari, “Papa, Omwami welikulu nende eshialo! Ekhupila orio, shichila wabisula amakhuwa ako khubasilu ne nokabisa khubachesi nende khubarechelefu. 26Nakahabwene Papa, okhuba nolwa kakhukasila iwe mbu kekholeshe kario.
27 #
Yoh. 3:35;
Yoh. 1:18; 10:15 “Papa wanje yambelesia ebindu biosi. Abulaho oumanyile Omwana habula Papa, khandi abulaho oumanyile Papa habula Omwana, nende abo boosi aba Omwana yaahulanga okhubamanyisia khupapawe.
28 #
Sira 6:24-30; 24:19; 51:23-26 “Mwitse khwisie inywe mwesi abachonyile okhuchinga emisiko emisiro, nasi ndalamuhulusia. 29#Yer. 6:16Mubukule likokolo lianje mwifwale, mana mweche okhurula khwisie, okhuba isie endi omuholo khandi omwongoli mumwoyo, ne mulanyoola obuhuluushi. 30Okhuba likokolo eliemuhelesia neliangu, ne khandi omusiko kwanje nomwangu.”
Currently Selected:
MATAYO 11: OLUPR
Highlight
Share
Copy
Want to have your highlights saved across all your devices? Sign up or sign in
