OBUCHACHILO 21
21
Okhwibulwa khwa Isaka
1OMWAMI Nyasaye yamala achenihe Sara ne namuhelesia ikhabi shinga olwa yali niyamusuubisia. 2#Abaheb. 11:11Mana Sara nahela inda, ne niyebulila Aburahamu omwana omusiani mubukofubwe, khubise bia Nyasaye yali niyamuboolela. 3Aburahamu nakulikha omusianiwe, owa Sara yali niyebuule eliira mbu, Isaka. 4#Obucha. 17:12; Ebikh. 7:8Mana olwa Isaka yali niyakhoola tsinyanga munane, Aburahamu yamusheba shinga olwa Nyasaye yali niyamulaka okhukhola. 5Isaka omusian wa Aburahamu yebulwa Aburahamu nali nemiyika eshikhumi shilala. 6Mana Sara naboola ari, “Nyasaye yambelesiye inzekho nende obutsatsahafu, ne omundu yesi yesi ouhulilakhwo kano yesi alanzekha.” 7Khandi nameeta okhureeba ari, “Owakhabooleele Aburahamu mbu, isie Sara ndakhanyalile okhununia abaana niwiina? Kata kario isie emwibuliile omwana omusiani mubukofubwe.”
8Mana omwana oyo nakhula, ne khunyanga yokhunuunikhakhwe, Aburahamu namukholela lisabo likhongo.
Aburahamu alonda Hagari nende Ishimaeli
9Inyanga yindi Sara yalola Ishimaeli nabayanga#21:9 nabayanga: namukhomolelanga. nende omwanawe Isaka. Ishimaeli oyo yali omusiani owa Hagari, omukhasi Omumisiri yali niyebulila Aburahamu. 10#Abagal. 4:29,30Mana Sara naboolela Aburahamu ari, “Londa omukhasi omusumba uno nende omusianiwe barule hano, shichila omwana womukhasi omusumba shialaba owobulaame halala nende omwana wanje Isaka tawe.” 11Likhuwa elo liasinisia Aburahamu muno, shichila Ishimaeli yesi yali butswa omusianiwe shinga olwa Isaka yali. 12#Abaro. 9:7; Abaheb. 11:18Nebutswa Nyasaye yaboolela Aburahamu ari, “Shiolasinyikha khulwa omuraaka oyo nende omukhasiwo omusumba oyo tawe. Eshia Sara akhuboolela okhukhola, okhole butswa, okhuba iwe wakhanyoole abolwibulolwo okhubirira mu Isaka shinga olwa ndalaka. 13Khandi ndalakhola omusiani womusumbawo Hagari abe nende lihanga likhongo, shichila yesi nowolwibulolwo.”
14Kho Aburahamu nabuukha mumabwibwi, ne nabukula eshiokhulia nende eshisiko shieliseelo nishitsuulemwo amaatsi nahelesia Hagari. Nabukula omwana oyo nara khumukongo kwa Hagari ne namulonda mbu aruleho atsie. Mana Hagari narulaho natsia nachaaka okhuchendachenda mushitsiimi shia Berisheba.
15Olwa amaatsi kahwa mushisiiko shieliseelo eshio, Hagari yebala omwana oyo mushitsakha. 16Olunyuma natsia niyekhala hasi ehalekhwo hambi tsimita eshikhumi shilala, ahahengaane nende omwana oyo. Kho naboola omwene mumwoyo ari, “Shinobulayi omwana wanje afwe nindololanga tawe.” Ne olwa nyinamwana omwana oyo yali nashiikhaaleho, omwana oyo yachaaka okhulila.
17Mana Nyasaye nahulila omwana oyo nalilanga. Ne omumalaika wa Nyasaye nali mwikulu yalanga Hagari ne namureeba ari, “Hagari, eshikhunyasinjia nishiina? Shiolaria ta, shichila Nyasaye ahuliile okhulila khwomwana oyo aha ali yaho. 18Buukha, otsie obukule omwana oyo, mana amuhotselesie, shichila ndakhamukhole okhuba lihanga likhongo.” 19Mana Nyasaye namanyia Hagari liyabo liamaatsi, ne Hagari natsia niyetsusia amaatsi mushisiiko shieliseelo eshio khandi nanywesia omwanawe.
20Mana Nyasaye naba halala nende omwana oyo, naye omwana oyo nakhula, namenya mushitsiimi, ne naba omuyiimi omusitsa wokhuyiima nobuyingo. 21Yamenyanga mushitsiimi shia Parani. Naye nyinamwana namureerera omukhasi okhurula mushialo shia Misiri.
Indakano hakari wa Aburahamu nende Abimeleki
22 #
Obucha. 26:26
Mubise ebio, Abimeleki nende Fikoli, omusesia wabelihe ba Abimeleki, baboolela Aburahamu bari, “Nyasaye ali halala ninawe mu liosi liosi elia okhola. 23Khulweshio, bulano khola eshiitsubo hano imbeli wa Nyasaye mbu, shiolingaatiakhwo isie, kata abolwibulo lwanje nende boosi abakhebulwe olunyuma muluyia lwanje tawe. Nebutswa, obe omwisiikwa khwisie, shinga olwa isie siesi ndabeele omwisiikwa khwiwe.” 24Naye Aburahamu nakalusia naboola ari, “Nditsuba mbu, ndalakhola endio.”
25Olwa Aburahamu yeyiniakanila Abimeleki khulwa liyabo liamaatsi, liabakhalabani ba Abimeleki bali nibamunuulile, 26Abimeleki yamukalusia naboola ari, “Shiemanyilekhwo oukholile likhuwa elo ta, shiwayambooleelekhwo ta, khandi ndalashialihulilakhwo ta, okhuula olwa ndakhalihulila bulano.” 27Kho Aburahamu nabukula amakondi nende tsing'ombe tsiheyi, nahelesia Abimeleki, nabo babili nibakhola indakano. 28Aburahamu nabukula ebimeeme biamakondi ebisubeeni musaafu, nabiahukhasia okhurula mu mirukochie. 29Mana Abimeleki nareeba Aburahamu ari, “Eshifune shiokhwahukhasia ebimeeme biamakondi ebisubeeni musaafu okhurula mumirukochio nishiina?” 30Aburahamu namukalusia naboola ari, “Olabukula biamakondi ebisubeeni musaafu ebio, okhurula mumikhono chianje kho mbu, obe omuloli wanje mbu, nisie owayaba liyabo lino.” 31Niko achila habundu yaho nihakulikhwa mbu, Berisheba#21:31 Berisheba: eshisina shielira lino muluheburania ni, liyabo lieshitsubo. shichila yaho niho aha boosi babili bakholela eshitsubo shiabwe? 32Kho nibakhola indakano nibali Berisheba. Mana Abimeleki nende Fikoli, omusesia wabelihe ba Abimeleki nibarula nibakalukha mushialo eshia Abafilisiti. 33Mana Aburahamu naraaka omusaala kwomukomari mushialo shia Berisheba ne niyenamilaho OMWAMI Nyasaye, Nyasaye oumenyangaho inziayo. 34Mana Aburahamu namenya mushialo eshia Abafilisiti tsinyanga tsinyinji.
Currently Selected:
OBUCHACHILO 21: OLUPR
Highlight
Share
Copy
Want to have your highlights saved across all your devices? Sign up or sign in
