EBIKHOLE BIA ABARUME 11
11
Oburume obwa Petero yarumila abeikanisa ya Yerusalemu
1Abarume nende abasuubili bandi mu Yudea mwosi bahulila mbu, abamahanga boosi khandi bali nibafuchilile likhuwa lia Nyasaye. 2Ne olwa Petero yatsia Yerusalemu, abo abenyanga mbu okhuula abamahanga boosi bashebwe, bamuyingasia nibaboola bari, 3“Mbushiina nocheniha mungo mwabasinde, ne khandi nolia ninabo?” 4Kho Petero nabenoosia mubwitsulu koosi akali nikekholeeshe okhurula mukhuchaaka khwako ari, 5“Inyanga yindi ndali nisaayanga mwitookho lia Yopa, ne nindola lilolelo. Ndalola eshindu nishikhanga hasi eshifwana shinga ishuka ingali niyishibungwa hasi netsimbeka tsiayo tsine okhurula mwikulu, ne niyakama aha ndali. 6Ndahenjelesia obulayi mukari mwayo mana nendola emiruko nende tsisolo nabulimo, etsimoolanga khwiloba nende amanyonyi kokhwikulu. 7Mana nimbulila omwoyo nikumboolela kuri, ‘Petero, buukha wireekhwo tsisolo etsio olie!’ 8Nasi ningalusia nimboola endi, ‘Shikanyalikha ta Omwami! Eshili okhuliakhwo eshiokhulia eshiomusilo kata eshieshifwabwi tawe.’ 9Mana omwoyo okwo nikuboola khandi okhurula mwikulu kuri, ‘Eshindu shiosi shiosi eshia Nyasaye atsienuule olashilangakhwo mbu, neshiomusilo tawe.’ 10Kano kekholekha okhuula khataru mana eshindu tsana nishikalusibwa mwikulu shiosi. 11Khushise shieneshio abasaatsa bataru abali nibarumilwe khwisie okhurula Kaisaria niboola khunzu eya ndalimwo. 12Roho niyambolela mbu enzie ninabo obulakanakania ta. Abasuubili abashiefwe basasaba bano batsia ninasi Kaisaria, fwesi nikhwinjila munzu mwa Korinelio. 13Naye nakhuboolela shinga olwa yali nalutsi omumalaika nasinjiile munzuye, owamuboolela mbu, ‘Ruma omundu Yopa okhulanga omundu oulangwa mbu, Simoni Petero. 14Alakhuboolela amakhuwa akalachila iwe nende abeinzuyo boosi muhonibwe.’ 15Ne olwa ndachaaka okhuboola, Roho Omutakatifu yekha khubo shinga olwa yakhwishila ifwe olwambeli. 16#Ebikh. 1:5Kho ninditsulila aka Omwami yaboola mbu ‘Yohana yabatiisia namaatsi, nebutswa inywe mulibatisibwa nende Roho Omutakatifu.’ 17Kalolekha habulafu mbu, Nyasaye ahelesiye abamahanga abo eshihaanwa shilala eshio eshia yakhuhelesia ifwe, olwa khwasuubila mu Omwami Yesu Kristo; kho nasi ndali wina owakhatemile okhwikalila Nyasaye?”
18Olwa bahulila amakhuwa ako, balekha okhuyingana ninaye mana nibetsoomia Nyasaye, nibaboola bari, “Kho Nyasaye ahelesiye abamahanga obwiyangu bwokhwikalukhasia kho mana babe abalamu!”
Ikanisa eyali Antiokia
19 #
Ebikh. 8:1-4
Balala khubasuubili abasalaasibwa khulwa obusandibwi obwaliho olwa Sitefano yeerwa, bachenda okhuula Foinike, Kupuro nende Antiokia, nibayaalanga oburume bwa Kristo khu Abayahudi bonyene. 20Nebutswa abasuubili bandi okhurula Kupuro nende Kurene, batsia Antiokia#11:20 Antiokia: Amahandiko kandi kali nende Abayahudi (abandu) ababoolanga olugiriki. mana nibaboolela abamahanga Amakhuwa Amalayi aka Omwami Yesu. 21Bali nobunyali obwa Omwami obunji, mana abandu abanji nibasuubila nibetsa khu Omwami.
22Amakhuwa kano nikoola mwikanisa Yerusalemu, kho nibaruma Baranaba okhutsia Antiokia. 23Olwa yoolayo, ne nalola shinga olwa Nyasaye yali nahelesiye abandu tsikhabi, yasaangaala, mana nabatinyilisia boosi mbu, babe abesiikwa khandi abobwatoto nemioyo chiabwe khu Omwami. 24Baranaba yali omundu omulayi, owetsulamwo Roho Omutakatifu nende obusuubili, mana abandu abanji nibareelwa khu Omwami.
25Mana Baranaba natsia Tariso okhukhaaba Saulo. 26Olwa yamunyoola, yamuyila Antiokia; ne khulwomuyika mulala boosi bakhung'ananga nende abandu beikanisa, kho nibechesia omukanda omukhongo okwa abandu. Yali Antiokia ewa abasuubili baranjilila okhulangwa mbu, Abakristo.
27Bulano munyanga etsio abalakusi bandi barula Yerusalemu nibatsia Antiokia. 28#Ebikh. 21:10Mulala khubo owalangwa mbu Agabo, yasinjila, ne khulwa obunyali bwa Roho yalakula naboola mbu, inzala ikhongo yali niyili ahambi okhubaho mushialo shiosi. (Inzala eyo yaliho olwa Kilaudio yali nali omuruchi wa Roma.) 29Abeechi nibabisia mbu, buli mulala khubo akhoyeele okhuhaana obukhoonyi shinga olwa anyalilwa, okhukhoonya abasuubili bashiabwe Yudea. 30Bakhola bario mana nibahelesia Baranaba nende Saulo ebihaanwa ebio mbu, bayilile abemilisi beikanisa eyo.
Currently Selected:
EBIKHOLE BIA ABARUME 11: OLUPR
Highlight
Share
Copy
Want to have your highlights saved across all your devices? Sign up or sign in
