EBIKHOLE BIA ABARUME 1
1
1 #
Luka 1:1-4
Yule khu Tseofilo. Mushitabu shiambeli, ndahandikamwo amakhuwa koosi aka Yesu yakhola nende ka yechesia okhurula olwa yachaaka emilimochie, 2okhuula khunyanga eya yabukulilwakhwo nayilwa mwikulu. Ne nashili okhuyilwa mwikulu, yechesia aba yali niyaahula okhuba abarumebe mubunyali bwa Roho Omutakatifu. 3Khulwa tsinyanga amakhumi kane olunyuma lwokhufwakhwe, yaloleshela abeechibe akhandi akhanji, mutsinjila etsiabamanyia obulayi bwene mbu, yaliho mwoyo. Bamulola, ne naboola ninabo khumakhuwa aka Obwami bwa Nyasaye. 4#Luka 24:49Ne olwabakhung'ana halala, yabalachilisia naboola ari; “Shimurulekhwo mu Yerusalemu tawe, habula mulindilile eshihaanwa shiandamuboolela, eshia Papa wanje yasuubisia. 5#Mat. 3:11; Mrk. 1:8; Luka 3:16; Yoh. 1:33Yohana yabatiisia namaatsi, nebutswa olunyuma lwetsinyanga tsinduutu namubatiisibwe khulwa Roho Omutakatifu.”
Yesu akulukha natsia mwikulu
(Mrk. 16:19-20; Luka 24:50-53)
6Kho olwa abarume bakhung'ana halala nende Yesu, bamureeba bari, “Omwami, tsinyanga tsino nitsio tsiolakalusilia Abaisiraeli oburuchi bwabwe noho?”
7Yesu nabakalusia naboola ari, “Ebise nende tsinyanga etsiakene ako bili mubunyali bwa Papa wanje mwene, ne shikali akenywe okhumanya olwa kakhabeho tawe. 8#Mat. 28:19; Mrk. 16:15; Luka 24:47,48Ne mulanyoola obunyali olwa Roho Omutakatifu aletsa khwinywe, ne mulaba abaloli banje mu Yerusalemu, mu Yudea nende mu Samaria mwosi, kata okhuula mushialo shiosi.” 9#Mrk. 16:19; Luka 24:50,51Ne olwa yali niyakhaboola ario, yabukulwa nayilwa mwikulu nibalolanga, ne nakhamiushila mwileesi, nibalamulolakhwo khandi tawe.
10Ne olwa bali nibashirangaalile mwikulu naye nashiyilwa ario, lola, abandu babili abali nibefwalile tsingubo tsindafu tswe basinjilaho. 11Abandu babili abo nibababoolela bari, “Inywe abandu ba Galilaya, mbushiina musinjiile hano nimuhenganga mwikulu? Yesu uno, oubukulwe okhurula khwinywe nayilwa mwikulu, yakhakalushe munjila ndala yene eyo, eya mulutsi natsilamwo mwikulu.”
Owakalukha mushilenje shia Yuda
12Mana abarume abo nibakalukha Yerusalemu okhurula khushikulu shia Miseituni, eshili ahambi ikilomita ndala okhurula mwitookho. 13#Mat. 10:2-4; Mrk. 3:16-19; Luka 6:14-16Nibenjila mwitookho ne nibatsia mushisika eshieikulu, ewabamenyanga. Abaliho bali Petero, Yohana, Yakobo nende Andereya, Filipo nende Tomasi, Batsolomayo nende Matayo, Yakobo omwana wa Alufayo, Simoni Omuzeloti, nende Yuda omwana wa Yakobo. 14Abo boosi bakhung'ananga buli lwosi nibasaayila halala mubulala, halala nende abakhasi bandi abo, nende Mariamu nyinamwana Yesu nende abasiani babwe Yesu.
15Olunyuma lwetsinyanga tsinduutu, abasuubili bakhung'ana, ne boosi halala bali ahambi eshikhumi shilala namakhumi kabili (120). Mana Petero nasinjila naboola ari, 16“Baana befwe, kalinji mbu, okhuula Amahandiko kahesibwe, aka Roho Omutakatifu yali niyaboolakhwo okhubirira mu Daudi, khuka Yuda, owemilila abandu abetsa okhutiila Yesu. 17Yuda oyo yali mulala khwifwe, okhuba yali niyaahulwa mubukhalabani buno halala ninefwe.”
18 #
Mat. 27:3-8
Amapesa ka Yuda kayanyoola munjila yobumayanu ako, niko akayakulamwo omukunda, okwa yafwilamwo. Yarundukhamwo indaye mana amalake koosi nikayombookha elwanyi. 19Mana amakhuwa ako nikamanyikha mubandu boosi abamenyanga mu Yerusalemu. Khulweshio mululimi lwabwe abeene, balaanganga omukunda okwo mbu, “Akelidama” eshisina mbu, “Omukunda kweshitsaayi.”
20 #
Tsits. 69:25;
Tsits. 109:8
“Okhuba kahandikwa mushitabu shietsitsabuli mbu,
‘Hangowe hakhoya hakwa likuunda,
khandi omundu yesi yesi aleshe okhumenyakhomwo tawe.’
Khandi kahandikwa mbu,
‘Omundu undi abukule obulindibwe.’
21 #
Mat. 3:16; Mrk. 1:9; Luka 3:21;
Mrk. 16:19; Luka 24:51 “Kho mulala khubandu abalondananga ninefwe tsinyanga tsiosi, olwa Omwami Yesu yali ninefwe, 22okhuchaachila mutsinyanga tsia okhubatiisia okwa Yohana, okhuula khunyanga ya Yesu yabukulilwakhwo narula khwifwe nayilwa mwikulu, akhoyile okhuba mulala khwifwe mubuloli bwokhulamukha okhwa Omwami Yesu.”
23Kho nibarala khubandu babili mbu, Yosefu owalangwa mbu, Barisaba owakulikhwa khandi mbu Yusito, nende Matsiya. 24Mana nibasaaya Nyasaye nibaboola bari, “Omwami, iwe omanyile amapaaro komumioyo chiabandu boosi. Kho khumanyie mbu, niwiina khubabili bano owa waahuule 25okhukhalabana shinga omurume mushilenje shia Yuda, owakhulekha natsia awakhoyile okhuba.” 26Mana nibakhupa ikha okhwahula mulala khubabili abo, ne ikha niyikwila Matsiya, owamala ameetwe khubarume ekhumi namulala abo.
Currently Selected:
EBIKHOLE BIA ABARUME 1: OLUPR
Highlight
Share
Copy
Want to have your highlights saved across all your devices? Sign up or sign in
