Mk. 4

Lukano khu mumiichi

(Mat. 13.1-9; Lk. 8.4-8)

1 # Lk. 5.1-3 Lundi Yesu arakikha khukhwikisilia alubeka we nyanja eya Kalilaya. Babaandu baba bakali bakila engila mu liaaro ekhalamo. Liliaaro liaba mu meechi, ne babaandu baba khu sikiingi. 2Arumikhira chingano khu bekisia bibiindu bikali, ne ababoolela ali, 3“Rekeeresia! Omumiichi arura ne bumiicho, khucha khumiicha 4nga namiicha bumiicho mu mukuunda, bulala bwakwa khu ngila, mala chinyuni checha chabuboocha, 5bubuundi bwakwa khu lwanda nikhwo liloba likhaba likali tawe, khwako bwamela khangu. 6Nga kumuumu ne kwarura kwosia bimelwa bioma sikila chiisi chaba chikhacha aasi tawe. 7Bumiicho bubuundi bwakwa mumawa mala oli bukhula kamawa kauna bimelwa ebio khwaama siindu tawe. 8Ne bumiicho bubuundi bwakwa mwiloba lilayi mala bwarura, bwakhula, mala bwaama. Bulala bwaama bibiaamo kamakhumi kataru, bubuundi kamakhumi sita ne bubuundi emia.” 9Yesu amaliilisia ali, “Ne oli ne kamaru ulila!”

Sifuno sie chingano

(Mat. 13.10-17; Lk. 8.9-10)

10Nga Yesu ne aba yeng'ene, balala khwaabo babamuulila bamwichakho ne babeeka ekhumi na babili ne bamureeba abenooselie chingano chino. 11Yesu abakobosia ali, “Enywe mwafunulibwa kakekisa ke Bubwami bwa Wele, ne kakhali khu baandi boosi kali busa mu ngano,

12 # Isa. 6.9-10 nio ‘Bakhalola se balabona tawe,

bakhaulila se bamanya tawe.

Ne kakhali banga babona lundi baulila, andi bakobolele Wele mala ababeela.’ ”

Yesu enoosia lukano khu mumiichi

(Mat. 13.18-23; Lk. 8.11-15)

13Nio Yesu abareeba ali, “Se mumayile lukano luno tawe? Aba mukhamanye lukano luluundi lwosi lwosi muriena? 14Omumiichi amiicha elomo eya Wele, 15babaandu balala bali nga bumiicho bubwakwa khu ngila, nga baulila elomo abwene ne abwene Sietani echa akirusiamo. 16Babaandi nabo bali nga bumiicho bubwakwa khu lwanda. Nga baulila elomo bakiakanila ne busangaafu. 17Ne kakhali likhuwa elio se libekhalamo tawe. Lundi se liba ne chiisi mu miooyo kiabwe tawe. Nio oli butinyu namwe sinyaasio siicha khulwe elomo chana eyo, ne bakiekaana khangu. 18Ne babaandi nabo bali nga bumiicho bubwakwa mumawa, bano bali baulila elomo, 19mala liliendekhelela khwimenya lie biise bino, khusiima buiinda, ne liliekoomba lie bibiindu bibiindi bioosi lingilamo mala libakhiingilila khukhwaama bibiaamo. 20Ne babaandu babaandi bali nga bumiicho bubwakwa mwiloba lilayi, baulila elomo, bakifukiilila mala baama bibiaamo kamakhumi kataru, babaandi sita ne babaandi emia.”

Etaa niyo bafunikhiile mu sikono

(Lk. 8.16-18)

21 # Mat. 5.15; Lk. 11.33 Yesu achiililila khureeba ali, “Omundu anyala afumalikhila etaa mu sikono namwe akira aasi we sitanda ku? Se akira khu siteetwe sie etaa? 22#Mat. 10.26; Lk. 12.2 Siosi siosi nisio bakisa, sikhabuulwe, ne siosi siosi sisiafuunikhwa, sikhafuunulibwe. 23Ne oli ne kamaru, ulila!”

24 # Mat. 7.2; Lk. 6.38 Yesu aababoolela ali, “Loleelesia mu niko muulila. Sikelo nisio oanilamo sisiene ne sisiene nisio onyoolelamo, lundi olanyoolelakho bibiindi bikali. 25#Mat. 13.12; 25.29; Lk. 19.26 Omundu ooli nabio, akhatasibwe bikali, ne omundu ooli busa, naye akhanuulwe aakhaba sitiiti nisio ali nasio.”

Lukano khu lumiicho

26Yesu achiililila khuloma ali, “Bubwami bwa Wele buli nga lukano luno, omundu amiicha bumiicho mu mukuunda kwewe. 27Siilo akona, enyokha ne busiele, mala nga akhola ario aba bumiicho bulikho busekesa, ne niye se amanyakho nga busekesa tawe. 28Liloba liliene likhola bimelwa ne bichoa ne khukhwaama bibiaamo. Sirakho sisina sitoro lundi kamasaafu ne ekhumaliilikha sikala siichakho 29#Yoe. 3.13 nio oli sialabile, ne omundu eecha mala akesa, sikila chindaalo che likesa cholile.”

Lukano lwe khamiicho khatiiti nga khe kumupeeli

(Mat. 13.31-32,34; Lk. 13.18-19)

30Yesu areeba ali, “Nono khunyala khwafwaananisia Bubwami bwa Wele nende siina? Lukano siina nilwo khunyala khwarumikhira khubwinoosia? 31Bubwami bwa Wele buli nga omundu owabukula khamiicho khatiiti khe kumupeeli mala abiaala. 32Enyuma we siise sitiiti khachoa khekhola kumurongooro kumuboofu khukhila kikiindi kioosi. Kuraakho chisakia chimboofu mala chinyuni chombakhakho biswi mala chimenyakho.”

33Yesu elwachilanga babaandu narumikhira chingano chingali nga luno, ababoolela kamakali khuloondekhana ne limanya liabwe. 34Abeele se anyala abalomalomakho nakharumikhire chingano tawe, ne kakhali ne ali ne babeeka bewe, abenooselianga buli siindu.

Yesu ayenjeesia embembeesi

(Mat. 8.23-27; Lk. 8.22-25)

35Oli ekolooba we ndaalo ng'eneyo, Yesu aboolela babeeka bewe ali, “Khekhwambukhe engelekha we nyanja.” 36Khwako bakabukhana ne babaandu, babeeka bewe bengila mu liaaro nilio aba ne ekhalemo, ne barekukha ne naye. Kamaaro kakaandi kabao. 37Oli basiili embembeesi eye kamaani yaucha, mala bibuli bie kameechi biarakikha khu khupa liliaaro, aramira atiiti kameechi kechulemo. 38Yesu aba enyuma we liliaaro alikho akona, etikiiye. Babeeka bamusiisimusia ne baloma bali, “Omwekisia, khaba se weendekheleelekho oli khunyala khwafwa tawe?” 39Yesu enyokha eema mala arafwira embembeesi ali, “Yakama! Lundi aboolela bibuli ali yenjeela embembeesi yakama mala enyanja yayenjeela.” 40Nio Yesu aboolela babeeka bewe ali, “Siina ne muriire? Se muli ne lisuubila tawe?” 41Ne kakhali baba ne buuri bukali mala bareebana bali, “Yuno naanu niye? Akhaba embembeesi ne bibuli bie kameechi bimuulila!”

Currently Selected:

Mk. 4: LUBUKUSU

Highlight

Copy