Ạsuor 60
60
Ịiḅereghi ọtagharanam
1Nạ mughel iyoor, Ẹnaan, kụ ạkpar upu iyoor;
nạ mụghagham iyoor ologhi — nyịidipho seseeny ḅula ụteeny iyoor.
2Nạ maḍighi ịdi ade phọ mephiigha kụ asighiigh ewunughian.
Nyịidipho kookonom riisi phọ loor esi dị rẹnagh.
3Nạ maḍighi ịdi awe phọ ạna mọmiinom iboom;
yoor rọbelebele mụdi yoor mọphughol miim.
4Nạ mạphur rụru bụphe ọngo bọ nyịna eghuan,
pịdi bịdi okpetenaan muphe.
5Ụphelom iyoor rꞌịnyaam mọ ạna; ạnaghan ịiḅereghi ayoor,
pịdi ọtagharan we phọ nạ ạphomoghian bọ.
6Kꞌịsiphe ạdol iigbia phọ ọdi, Ẹnaan mẹḅem
“Esi ọkpar-opu mị kadi ni Sẹkem
kụ adiemi Eḍiiny aSukot we phọ ạmi.
7ẠGiliad ọlo ạmi rꞌạManase kẹn;
Ifraim eghoony ạmi kụ aJuda ịkpara ạraalha ạmi.
8Kụ ọlo mị katene Mọab gbạgba ootolaam ạraghaagh ạmi
kụ mị atophom rokoro ạmi Idom,
esi oḍeenaan mọ mị kụ ụmoogh nyọdi.
Awe aFilistia ugbi mọ bụno kọlo ḍịolho ọkpar opuom ạmi ḍụghum?”
9Ạnhian, Ẹnaan, kụ kụsighe ịmi aḍighom ẹmha phọ okpeki bọ?
Ạnhian kụ kuḍiemiom ịmi aḍighom Idom?
10Nạ mạkar ri ughel iyoor?
Nạ we ẹgham mọ ayoor kátelhiom ámitenom?
11Ụphel iyoor eenan mụlogh-ḍien phọ.
Ọloghonaan ạḍighaagh oye, oopho ịyaar bịn.
12Ẹnaan kụ ẹrolan rꞌayira, yira kọkpar ri opu.
Ọdi kabinighiom ni mụlogh-ḍien phọ ayira.
Currently Selected:
Ạsuor 60: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
