Ạsuor 61
61
Ịiḅereghi ọmoogh ạpeleeny
1Nạghan emoghi ạmi, Ẹnaan;
nạghanan ịiḅereghi ạmi.
2Mị odi ẹpe eekuna aḅirini phọ, ologhi ạmi ạkununu,
kụ mị rạmagh nyịna.
Urorori ịmi ạsiinye ạnyu aḍighiigh phọ ẹkel bọ ipu ịmi,
3loor esi dị nạ kụ aḍibuo dị mị aḍigh,
ọsuaram ạmi dị ạkpar apu bụmulogh-ḍien ạmi.
4Mị ụtol sịphe otu iigbia phọ ạna oomo aghuḍum mọ ạmi;
mị ụmiin esi ạaghian eeḍian araphaaph ạna.
5Nạ mạnaghan ruguanan ạmi, Ẹnaan.
Nạ mụngo ịmi erua ạbuphe ọlogh bọ nyịna eghuan.
6Lọghonaan ịbadi ạsia ạdoonye ghuḍum ọdaam mọ,
ọdi ạrol ọrugh atum ọrugh.
7Ọdi ạda kꞌagee-pọ egbodo ạna, Ẹnaan;
kpeekpereghiom nyọdi ẹphomoghian phọ ạna rémuneen ghan bọ rꞌamabi-ólho phọ.
8Mị kạmoor ghan sụor oomo amem aboom nyịna,
ịdipho mị kạngo ghan bọ nyịna ḍio ḍio ḍio ịpe mị aguanaan bọ.
Currently Selected:
Ạsuor 61: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
