Matana Enjil 20

Bag. 20.

1„Simechina mulki ogij kana tirti wekki ashebihen, fejirki belil wekki, jeligi aawili werigi keryeri an tenna guna jiradilo. 2Tirgodon digirsum dinar wekked ugroski. Tenn aharro tenna gugir ishinirsum. 3Saa toskittig abidigon belligi, sugir echeli werigi jelikiyir kute tebrangon nalosir, 4wetidirsum: ‚Irgon anna gugir ta juwe! Ai irgi ir hugerungi bitidirri.’ 5Tirgon bijusan. Widegon saa gorjittir wide iskodittir ikke awsum. 6Widegirgon saa diminde owittir belligon echeli werigi, jelikiyir kute tebrangon, elirsum. Tirgon wetidirsum: ‚Ir ma ugros malegi indo jelikiyir kute tebrun?’ 7Tir wesan: ‚Argi zol wer keryemeningad.’ Ter wetidirsum: ‚Irgon anna gugir juwe. Ir hugerungon barrun.’ 8Gu shareyanosingad guna tirti tenna wekilgi wetirsum: ‚Jeligi aawiligi uwetidir. Tinna keregon tidir. Agabir tareliged ugudi. Wide koyalgi tareliged bajkir.’ 9Saa diminde werittin idi tareligi dinar dinar wekki tidirsum. 10Koyaldichi targi tinn ergir wesan: ‚Tindogor digrigi barru an.’ Tirgon teran dinar wekki tirtakkisan. 11Tiri aarrangon nugnugsan kana tirtin dogor. 12Wide wesan: ‚Echeli saa habbekki jelisann idigi argodon wekkirirsum, ar ugros kamilna dulogidton wide tenna eskongi himleligodon.’ 13Ter rude tiddeton wekki wetirsum ‚Awri, ai ekki zalmekomnim. Er aigodon digirkomnum dinar wekked? 14Elekengon endanilgi ared nog! Mine ai awerisrin in agabked tareligi ennawre tidirarki. 15Wala anna sheiged ai awerisringi beskawmendia? Walagon enna misi milire, ai adel eringad?’ 16Ikke teran agabdichi owolgi barran. Owoldichigon agabki barkandan.“

17Yesu Urushalimgir kujbungon hirani diminde owingarigi agudegir darubdogor arejjuir wide wetidirsum: 18„Ahan ari Urushalimgir kujburun. Zolna todton biselimtakkin fegirina samli dulin ir, wide abajilindirgon. Tirgon diarked tendogor bihukmeran. 19Widegon tekki umachin ir biselimeran, tekki aïrew an, widegon tukw an, wide berdogorgon soligirw an. Ama ugros toskittir bimbelin.“

20Man wattir Zabadina tod owina tinen Yesug abidi tale targi tenna tod owiged, wide ungos tennaiton urti wekki werissum. 21Ter tekki wetirsum: „Mingi awersin?“ En tekki wetirsum: „We anna in tod owingarigi, wekkon enna iyinneged wide owittigon enna mayinneged, tegw an enna mulkir.“ 22Yesu rude wesum: „Ir awerisrungi aïyirmunun. Iri eskergi binirua dibite ai binikandigi?“ Tir wesan: „Beskeru an!“ 23Tirgi wetidirsum: „Dibiteg ankin, iri tekki binikandun. Ama anna iyinneged wide anna mayinneged tegar, in andimnum irgi tidirar, in agari tirgi abo alletidirsinn idindum.“

24Dimningari gijredirgi timbes owig abidi nugnugsan. 25Yesu tirgi uwedtaïrrigi wide wesum: „Iri iyirrun gebilachina ori tindogochir karab dulogi akujurrangi, tindogochir duligon tirgi aesirkirirrangi. 26Ama irgodon ikke biturubmunum. Inna barer dulkanegi akashilna tirti inna hadaman agad. 27Wide inna barerton owolkanegi awersilna tirti inna nugdan agad. 28Zolna tod takomnum hadimtakkiri an, ama hadmeri an, wide tennewertigi dahyeri an edi digrichina jiradilo.“

29Tiri Ariharton belburangon, jema digri wer tekki tebaesum. 30Teddogon dugr owi darubdogor agsan. Tiri Yesu nogbungi gijredirgi uwe wesan: „Wo tir, Dawudna tod, argi rahmeir.“ 31Jema tirgodon lagajesum, sattew an. Ama tiri desen digrigir aüwesan: „Wo tir, Dawudna tod, argi rahmeir an.“ 32Yesu tebos uwedtaïrrigi wide wesum: „Min iri irged awringi awerisrun?“ 33Tir tekki wetirsan: „Wo tir, anna misichi kustakkirangi.“ 34Yesu tindogochir hine wide tinna misichigi kumiringad, tenna lehdayen nalsan. Wide tekki tebaessan.

Currently Selected:

Matana Enjil 20: XNZ1912

Highlight

Copy