Luka Enjil 20

Bag. 20.

1Man ugrosirton werro gebilagi akurkidingon jaman tur wide abeshirengon, fegirina samli duligon abajiligon samligodon 2kute tebos tekkodon bain wesan: „Argi wedecchir gudra saïdiged er ingi aawingi? Wala ni terre ekki in gudragi tirel? 3Ter widegir tirgi wetidirsum: „Aigon irgi were habbekki bisigirrin. 4Aigi wedenwe: „Hanana kidirar simerton ema wala zolirtone?“ 5Tir wide ittiwrigodon shurergi wesan: „Ar on wekrun: ‚Simertonm’ an, biwen: ‚Won ir ma tekked amnemensure?’ 6Ar on wekrun: ‚Zolirtonm’ an, gebila male argi kuluged bikuyririn. Mine tir Hanaged amnebusan nebiy esingi.“ 7Tir widegirsan: „Ari aïyirmunun sayerton engi.“ 8Yesu tirgi wetidirsum: „Aigon irgi awetidirminim gudra saïdiged ingi aawringi.“

9Wide ugudi gebilagi in metelgi wetirsum: „Zol wer karum wekki ewros torbari werigi tidiros safrossum wagti noso werbokon. 10Karjama awando nugud wekki torbarinai ishinsum, karumna enebirton tirw an. Torbari tekki tukos sudir ishinsan. 11Widegon nugud owitti wekki ishinsum. Mangon tukos wide beshtinos sudir ishinsan. 12Widegirgon toskitti wekki ishinsum. Ingon shegjos bochigir osossan. 13Karumna tirti wesum: ‚Min awrin terre? Anna tod dolidagi bishindin. Mine tir on tekki naloskiran, biheyiberan.’ 14Ama torbari tekki nalos ittiwrin barer shure wesan: ‚Ahan in teran biwirtel. Tawe, tekki berosrun, mine wirtagi andigirrunna joro.’ 15Tir wide karumna bochir osos berossan. Karumna tirti mine tirged bawin? 16Targi man torbarigi kaiwosir karumgi echeli werigi bitidirin.“ Tir wide gijredirgi wesan: „Hashay an.“ 17Ter tirgi urwir wide wesum: „Won ter minde ter bajbul?: Kulu agoili wakossan, ter tenna kidir kulu adigril teranossum. 18Ter kulun dogor digril nutin bitogijtakkin. Wide ter tendogor digrinna tirtigi bikaiwosin.“

19Fegirina samli duligon wide abajiligon werissan ichigi tendogor kujrarki man wattikollo. Ama gebilagi sarkossan. Mine tiri iyirsan tindogochir metelgi wesingi.

20Tir wide tekki tebae harsedagsan. Widegon jasusi werigi ishinsan. Ingugon tinnewertichigi serechigredagsan, were wekked atrekidirw an, tekki waligon tenna hukumgongi selimetirw an. 21Tir wide tekki isig wetirsan: „Wo arif, ar iyirrun er sewagidted abainingi wide akurkidingi, wala koyigi aürumeningi. Ama aleged artina darubki akurkidm. 22Argi eleken juzedecchirna gaisarki haracchi tirar wala ila?“ 23Ter tinna berigidti iyired tirgi wetidirsum: „Ir ma aigi ajeriberun? 24Aigi dinar wekki amindenwe. Ter suragon bacchigon nindire?“ Tir widegir wesan: „Gaisardum.“ 25Ter tirgi wetidirsum: „Ikke bukin, gaisardanilgi gaisarki tirwe, wide artindanilgon artigi.“ 26Tir wide eskergi were wekked morograrki marossan zolin owollo. Wide tenna widegrarked ajibos santossan.

27Wide tekki tatirsan Sadugichirton weri. Ingu diarroton imbelarki agubran. Wide tekki isig wesan: 28„Wo arif, argi Muse bajdecchirsum: ‚Ter on ogij werna timbes dioskin, enkol engon, wide affikiy ekin, ogijna timbes tenn engi jamegrin, timbes dibulgi diriye wekki wahiretir an.’ 29Timbesirton kolod dasum. Wide koyaldi en wekki edos diossum affikiyir. Owitti engi edossum. 30Tekkon affikiyir diossum. Wide toskittigon engi edsum. 31Ikkegon kolodingari affikiyir male diossan. 32Malen agabirgon en diossum. 33Imbelarna ugrosir tiddeton nina benanin? Mine kolo? dingari tekki engiredagsanged.“ 34Yesu tirgi widegir wetidirsum: „In jilna toni aedran wide aedkirran. 35Ama mangu alam bitaln idiyan iyirtakkoseli wide diarroton imbelarked, la edminan wala edkirminan. 36Mine owittiged bidimendangad. Wide bimalaikarigalgandan. Wide artin tonim, imbelarna toni erangad. 37Wide dielina imbelark ankin, Musegon teran aminsum man kadi ajugsinn agarro. Ter tirki Ebrehinna arti term an uwekosum, wide Isaagna arti term an, wide Yagubna arti term an. Ter dielina arti termunum. 38Ama aïbulindi teran. Mine male tennai aïburan.“ 39Abajilirton weri widegir wesan: „Wo arif, er seregi wesum.“ 40Owittiged jesrergi tekki urti wekked isigkomnan.

41Ter tirgi wetidirsum: „Won mine eskergi aweran komisbulgi Dawudna todm an? 42Dawud tenna kidir awen zaburro: Tir anna tirki wetirsum: ‚Anna iyinneged tegos an, 43enna aduwichigi enn osichin togor undurrinbokon.’ 44Dawud on tekki tenna tirtim an aüwekin, mine ter tenna todre?“

45Gebila male agijringon tenna hiranigi wetidirsum: 46„Innewertichigi abajilirton harsewe. Mine tiri awerisran kadechi nosochir talerarki. Wide salamigi sugir adollan. Wide agari owoldichigi jamachir aarran, wide azumachirgon agar koyaldigi. 47Tir teran azabachigi neliged aduskili. Wide tinn erig werna joro sala nosogi aawran. Ingu teran dinad edi dulgi barkandan.“

Currently Selected:

Luka Enjil 20: XNZ1912

Highlight

Copy