Luka Enjil 21
21
Bag. 21.
1Ter wide uru nalsum berbuli, mine dugugi sundugir aündurrangi. 2Widegon en azaba fegir wekkon fada dij owigi alufunduringi nalos wesum: 3„Aleged irgi wetidirrin, in en azaba fegir malen dogor digrigir luf undursum. 4Mine mangu tinna bererton luf undursan artin sundugir. Ama in tenna hajebulgi luf undurossum.“
5Wide weri abainsan jama mine sayidibusingi, wide kulwi ashriged wide haja echelged goibusingi. 6Ter wesum: „In iri anallun, ugrosi weri bitaran, tedder kulu wer kulu werdogor bikewidkanmunum borshugurmeningon.“ 7Tekki isig wesan: „Wo arif, sittagki in bitanogin? Wide tenn amara minde?“
8Ter wesum: „Innewertichigi harsewe bihemen. Mine digrichi weri ann erir bitaran. Wide biweran: ‚Ai ter terrim an, wattigon awtanossum.’ 9Tinn agabir jumenwe. Karsigechigon wide gelgadigon gijirkurun, sarkimenwe. Mine in koyalgi bitanogin. Ama kemal ikke shuttan bitamnum.“ 10Wide tirgi wetidirsum: „Uma wer uma wekk abidi bimbelin, wide mulki wer mulki wekk abidi. 11Wide aridna kerkari weri bitanogran agari werir, wide orgidi, wide odari, wide sarkechi, wide amarachi duli weri simerton.“
12„Ingun owollo indogochir ichigi bikujurran. Wide biturirran. Wide jamachir irgi bisugundurirran, wide habsir. Wide origon walichigonn owollo bebrirran ann erina joro. 13Ingon irgi bitadurin anna shahadiyandunna jiradilo. Inn achigi dulogirwe. 14Wala hememenwe, mine bibaindu an. 15Mine ai irgi bitidirrin agilgon erigkongi. Inna aduwichi eske inn owollo kute teb widegirtidirminan. 16Irgi uskeliged biselimtakkikandun, wide imbesigon inn awtindichigon inn awrichigonged. Widegon bibeirran. 17Wide malerton bitisitakkikandun ann erina joro. 18Ama sir wekkon inn urirton bidabmunum. 19Inna saburked ir innewertichigi bosrun.“
20„Wide Urushalimgi askariged haligebungi nalkurun, mani wattigi iyirwe tenna borar awtansingi. 21Mani wattigi Yahudiyer dali gunachigir dososw agad. Tenna seler daligon bochigir bodosw agad. Wide nejachir daligon tekk abidi tomenw agad. 22Mine man ugrosi tama ugrosim, bajbul malegi timer an. 23Urmud mewindum wide ertigi aïgidilindum man ugrosir. Mine esegid nadi wer bitanogin ariddogor. Wide ter gebilan dogor sahat wer bikuten. 24Wide siwidna nedted bibetakkiran. Wide umachi malen barer bigulitakkikandan. Wide Urushalim umachiged bifachitakkin, tinna ugrosi timeranbokon. 25Masillogon amarachi bizahrekandan, wide anattigon wissichigonder. Ariddogorgon hashrachi wide hairachi umachigi barirran. Essigon mojigon bilagajeran. 26Zoligon sarkeged bidoshandan aridted bawtakkilgi nalos. Mine simechina gudrachi biwilitakkiran. 27Mani wattigi binallan zolna todti gemir tabungon gudraged wide mejid digri wekked. 28In wide ugudinna kello kute tebos inna gumrigi dogogir soke uruwe. Mine inna osar awtanossum.“
29Tirgi metel wekki wetidirsum: „Tinna jowigi uruwe wide jowichi malegi. 30Assigi osran kello, ir innewertiged biyirrun sef igitanossingi. 31Ikke teran bun irgodongon. In hajachi ta nograngi naloskurun, iyirwe artina mulki awt engi. 32Aleged irgi wetidirrin, in jil binogmunum in male timenbokon. 33Simegon aridton binogran. Ama anna were binogmunum. 34Ama innewertichigi harsedagwe, inn achi dullanmendangon hamurked wide sekradted wide ayarna hemiged, mine man ugros irgi targi urirmeningon. 35Mine sherek nawre aridna koidogor agili malegi bitaaririn. 36Ikke bundo bichi tegwe. Wide watti maler saliwe, mine adelgir ta bellunnna jiradilo in bitanogil malerton, wide inna tebarna jiradilo zolna todn owollo.“
37Ter wide ugroski jamar akurkidisum. Wide ugugi zetunna gunagir bel juka teddo abeyisum. 38Wide gebila male fejirroton jamar taka tekki agijirsum.
Currently Selected:
Luka Enjil 21: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
