Hanana Enjil 17
17
Bag. 17.
1Ikke Yesu weros wide tenna misichigi simegir soke wesum: „Wo ambab, saa bidasum. Enna todti mejide, enna tod ekki mejidenna joro. 2Er tekki gudragi tirsin nawre jita malen dodor, ayar dimendigi, er tekki tidirsini malegi tidir an. 3Ingon ayar dimendi teran: Ekki iyirar, arti agude suhundigi, wide Yesu komisbul er ishinsinna tirtigongi. 4Ai ekki mijidesim ariddogor. Awid er aigi densingi, aw an, ai kemilossim. 5Elekengon aigi mejide, er, wo ambab, enna kello, mejid ai ennai kosinna kidted alam awtakkimensinn owollo.“
6„Ai enn erigi sheheresim zoli er aigi alamirton densininai. Tiri endichi esan. Wide er aigi denirsum. Widegon anna weregi hafadesan. 7Elekengon iyirsan er aigi densin male ennaiton engi. 8Mine were er aigi densingi tirgi tidirossim. Wide tirgon geblossan. Wide alegir iyirsan ennaiton bel tasingi. 9Widegon amnossan er aigi ishinsingi. Tinna joro ai ekki aïsigrin. Alamna joro ai aïsigminim, ama er aigi densinina joro, endichirangad — andanil malegon endum. 10Wide endanil malegon andum — aigon tidder mejideburin. 11Alamir ai wide kewidbumnim. Ama ingu alamirim. Aigon ekk abidi taburin. Wo abo gadisebul, enn erir hafadeir er aigi densinigi, weranw an, ari wer erun nawre. 12Tirgodon alamir dasinna wattigi hafadeirsim enn erir er aigi densinigi. Hafadeirsim, wala wekkon tiddeton dabkomnum, dabbulna todt anmenkin, kitabki timer an. 13Elekengon ekk abidi ai taburin. Ingedgon alamir abaindin, anna guratti tidder timer an. 14Ai tirgi enna weregi tidirkosim. Alamgon tisosirsum, alamirtonmendangad, annawre, ai alamirtonmendingad. 15Ai aïsigminim, alamirton aredir an. Ila, milirton gobrir an. 16Tir alamirtonminan, annawre, aigon alamirtonmendingad. 17Gadiseir enna aler. Enna were ter alem. 18Er aigi alamir ishinsin nawre, aigon tirgi aïshinirrin. 19Ai tinna jiradilogon annewertigi agadiseri, tirgon gadistakkiw an aler.“
20„Ingu agudena joro aïsigminim. Tinna wereged aiged amnelina jorogon aïsigrin, male werandanna joro. 21Er, wo ambab, adder en nawre, aigon edder erin nawre, ikke tirgon adder werandanna jiradilo, alamgi amner an er aigi ishinsingi. 22Wide aigon mejid er aigi densingi tidirsim, weranw an ari wer erun nawite, 23ai tidder erin, ekkon adderum, in werkaner kemiltakkiw an, wide alamgi iyir an er aigi ishinsingi widegon dolirsingi aigi dolsin nawite. 24Wo abo, abirigrin ingu er aigi densinigi aigodon darangi, ai darinn agarro, mejid er aigi densingi nallanna joro. Mine er aigi dolsum alamgi elgon asisemeningon. 25Wo abo berirebul, alam ekki aïyirmunum. Ama ai ekki iyirsim. Ingugon er aigi ishinsingi iyirsan. 26Widegon enn erigi kurkidirsim widegon bikurkidirrin, dole er aigi dolsinna kid tidder eltakkinna joro, wide aigon tidder eltakkirinna joro.“
Currently Selected:
Hanana Enjil 17: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
