Hanana Enjil 16
16
Bag. 16.
1„Ai irgi ikke awetidirsan, irgi digrarroton gobrirri an. 2Tiri irgi biturirkandan jamachirton. Wide saa wekkon bitan, tedder irgi bibeirkandan. Ingi awiligon tinn ergir artigi ahadmeran anagran. 3Widegon irged ikke bawkandan, mine abogi aïyirmendangad, wala aigi aïyirmendangad. 4Ama irgi wetidirossim, mine, saa tan kello, jilerunna joro ai anna kidir irgi wetidirossingi.“
„Wala koyalloton wetidirkomnim, irgodon esinged. 5Elekengon ai juburin aigi ishinelnai. Wala iddeton wer aigi aïsigmunum: ‚Saïgir ajun an?’ 6Ingi wetidirringadgon muslar inn achigi eyegrossum. 7Ama ai irgi wetidirrin aleged, innai genum anna nogar. Mine ai on nogmenkirin, atabegril innai bitamnum. Ama ai on nogkokirin, irgi bishintidirrin. 8Man tan kello, ter alamgi bibekiten zenbin jiradilo, wide alen jiradilo, widegon dinadna jiradilo. 9Ama zenbina jiradilo: Aiged amnemendangad. 10Alen jiradilogon: Ai abogir juburingad wala owittiged aigi binalmendungad. 11Ama dinadna jiradilogon: In alamna dul dinetakkosingad.“
12„Elgon haja digri wer annai dan irgi wetidirri an. Ama iri elgon eske himlelimnun. 13Ama man tan kello, newerti alendi, ter irgi bikurkidirin ale maler. Mine ter tennewertirton bibainmunum. Ama ter agijrin maleged bibainin. Widegon irgi bitalgi biwetidirin. 14Man aigi bimejiden. Mine ter andanilloton arrigi wide irgi biwetidirin. 15Abondi male andum. Inin joro wesim: „Ter andanilloton arrigi irgi biwetidirn an.“
16„Kinnenn aharro aigi binalmunun. Widegon kinnenn aharro owittiged aigi binallun.“
17Weri tenna hiranirton ittiwrigodon wesan: „In were minde, ter argi awedecchirin?: ‚Kinnenn aharro aigi binalmunum’ an, widegon: ‚Kinnenn aharro owittiged aigi binallu’ an, widegon: ‚Abogir juburin’ an?“ 18Tir wesan: „In kinatod minde, ter awen? Ari aïyirmunun minged abainingi.“ 19Yesu tinn ergir dalgi iyirossum, tiri abirigsangi tekki isigarki. Ter wetidirsum: „Inder terre ittiwrigi aïsigsu: Ai wekosingi ‚Kinnenn aharro aigi binalmunum’ an, widegon ‚Kinnenn aharro owittiged binallu’ an. 20Aleged, aleged irgi wetidirrin, iri biwigkandun wide barwijkandun. Alamgon bigurekanin. Iri bimusulkandun. Ama inna muslar bigurattanin. 21En uskinna wattigi awigin, tenna saa bidangad. Ama affigi uskoskin, odarki aïwosin gurattiged, mine zol wekki alamir shugudingad. 22Irgon ikke burun. Eleken innai muslar dan. Ama irgi owittiged binalkandin. Wide inn achi bigurekandan. Wala zol wer inna gurattigi eske bidukimnum. 23Man ugrosirgon haja wekkongi aigi iri bisigkanmunun. Aleged, aleged irgi wetidirrin, ir isigrun malegi abonaiton, ann eriged bitidirin. 24Elekenbokon iri haja wekkongi isigkomnun ann erir. Isigwe. Wide iri barrun, inna gurattigi kello juw an.“
25„Ai irgodon in hajachigi metelged bainsim. Ama saa bitan, tedder wide metelged irgodon bibainkanminim, irgi abondanilgi beyingir amdarna masir. 26Man ugrosir ann erir ir bisigkandun. Wala irgi awetidirminim, ai annewertir abogi inna joro bisigri an. 27Mine abo tennewertir irgi adolirin, aigi iri dollungad wide amnerungad ai artinaiton bel tasingi. Abonaiton bel tasim. 28Widegon alamgir tale tasim. Elekengon alamgi wakos abogir juburin.“
29Tenna hirani tekki wetirsan: „Alagide er eleken beyingir abainin. Wala awemnum metel habbekki. 30Eleken ar iyirsun er haja malegi aïyiringi. Wala er zol wer ekki isigingi hajemnum. Inin joro amnesun er artinaiton bel tasingi.“ 31Yesu rudetidirsum: „Ir alagide amnerua? Saa wer bitakanin. 32Won elekenton bidasum. Tedder iri bigulitakkirun, wer nutin tenn agarkir. Widegon aigi agudegir bimugosrun. Ama ai agudemnim, abo aigodon engad.“
33„Ai irgodon in wereged bainkosim, adder ir kuderarki ellunna joro. Alamtur digki binalkandun. Ama dullanwe. Ai alamgi eskirossim.“
Currently Selected:
Hanana Enjil 16: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
