Hanana Enjil 14
14
Bag. 14.
1„Inna achi musulmenw agad. Artiged amnewe. 2Aigedgon amnewe. Abona kar kachi digrichi weri daran. Won damenkokran, ai irgi biwetidirsim: ‚Ai ajurin, irgi agar wekki alletidirri an?’ 3Won ai bujurgi wide agarkon irgi allossidirkirin, wide rejae targi irgi aigodon barirrin, mine ai darinn agarro irgon kewidrungir. 4Won ir aïyirrun ai ajurinn agarki wide darubkon.“
5Tuma tekki wetirsum: „Wo anna tirti, ar aïyirmunun saïgir er ajungi. Won minegon eske darubki biyirrun?“ 6Yesu tekki wetirsum: „Ai darub ter erin, wide hagigon wide ayarkon. Wala zol wekkon abon ai atamnum aikiyir. 7Ir on aigi iyirkokrun, abogongi biyirsum. Won elekenton ir tekki biyirrun widegon nalossum.“
8Filibus tekki wetirsum: „Wo tirti, abogi amindecchiru. In argi bikikeirin.“ 9Yesu tekki wetirsum: „Ai irgodon watti noso werroton darin. Er elgon aigi iyirkomnu, wo Filibus? Zol aigi nalel abogi nalsum. Won mine er awen: ‚Abogi amindecchir’ an? 10Er aamnemnu ai abor eringi wide abogon adder engi? Were, ai irgodon tekked abaindin, ai tekked annewertirton abainminim, ama abo adder kutebul, ter jeligi aawin. 11Aigi amnewe ai abor eringi wide abogon adder engi. Won aigi amnemenkrun, awdina jiradilo amnewe. 12Aleged, aleged irgi wetidirrin, aiged amnel awdi ai aawrinigi tekkon bawirin, wide tindogochir dulgi bawin. Mine ai abogir juburingad. 13Ir isigrun malegon ann eriged, ingi ai bawtidirrin, abogi todir mejidtakk an. 14Ir on haja wekki ann erir isigkurun, ai tekki bawtidirkandi.“
15„Ir on aigi adolkurun, anna sheriagi hafadewe. 16Won aigon abonaiton bibeddirin, irgi bitabegriril owitti wekki tidir an, irgodon dimen bokon kewd an, newerti alendigi. 17Alam tekki eske ageblemnum, mine tekki analmeningad wala aïyirmeningad. Ama iri tekki aïyirrun, mine irgodon kewidbungad widegon idder agingad.“
18„Irgi atimgir amugirminim. Innai biwidetarin. 19Kinnenn aharro alam aigi binalmunum. Ama iri aigi binallun, ai aïburinna joro. 20Wide irgon baïkandun. Manin ugroski biyirkandun ai abor eringi, widegon iri adder erungi, wide aigon idder eringi.“
21„Anna sheria dalna tirti, tekki wide hafadekin, ter aigi adolil teran. Won aigi adolilgon abo tekki adolin. Wide aigon tekki adollin, widegon annewertigi bishehretirrin.“
22Tekki wetirsum Yahuda, Isharyutimnum: „Wo tirti, min jeritakkosingad er ennewertigi argi bishehredecchirin, won alamgongi ila?“ 23Yesu rude tekki wetirsum: „Wer on aigi dolkin, anna weregi bihafaden. Abogon tekki bidolin. Widegon ari tennai bitarun, tekkodongon ka wekki bawrun. 24Aigi adolmenil anna weregi ahafademnum. Were ir agijirrungon andumnum. Abo aigi ishineldum.“
25„Inged irgodon bainkosim, ai irgodon eringon. 26Ama irgi bitabegriril, newerti gadisebul, tekki abo irgi bishinirkanin ann erir. Ter irgi haja malegi bikurkidirin. Wide bijilegririn ai irgi wetidirsin malegi.“
27„Ai irgi kudegrarki amugtidirrin, anna kudegrarki irgi atidirrin. Alam atirin nawre ai irgi atidirminim. Inn achi milianwenw agad. Wala sarkimenw agad. 28Gijirsun ai irgi wetidirsingi: ‚Ai bujurin wide irg abidi birejaetarin.’ Ir on aigi adolkurun, ir bigurerun ai abonai ajuringad. Tekkon andogor dulum. 29Irgi eleken ingi wetidirsim elgon ta nogmeningon, mine ta nogin kello amnerungir. Wala irgodon digri wekki bibainminim. 30Mine in alamna dul talebun. Adder urti wekkongi komnum. 31Ama ter talebun, alamgi fehmer an ai abogi adollingi, wide abo aigi wesesin nawre ikke ai aawrin. Imboloswe, ar indoton talosrun!“
Currently Selected:
Hanana Enjil 14: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
