Hosea 6

1A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan. 2Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan. 3Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

4Eferaima lö, ie ûnyi oge me he ka ânyâ köu Juda lö, ie ûnyi oge me he ka ânyâ köu anyin ae ûcû anyibu so me ûlâ hnyi hnyomakatu, ke helâ me dân hau ae logot hia. 5Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam. 6Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû. 7Ke adre hia but hanyâûâ ûhihinyköu helâ me Adamu: kʼ adre me iyawo nya eling. 8Gileada taun anyin tavat adre me ânyâ hulo, kʼ ame kong ut ge dra. 9Haba bunyen a tavat bi hut adre me ûhlingö hnyi gethen ûheny Sekema, helâ me tavat sei adre me mokulec at: eke, adre hia but ânyâ ûnyi ae ikiki. 10Oge hia but wâ hnyi lap anyi Isaraela ûnyi ae ti kong hmonyin; wale bi ûnyi monu anyi Eferaima, ke kong minya but Isaraela. 11Ke u minya Juda lö, adre hia but thu bongon subö hwit hobi köu, waleji hnyi hnok hna ohmeto lakeik ûhedra hnyi hna bâ.

Currently Selected:

Hosea 6: IAAI

Highlight

Copy