Hosea 11
11
1HNYI ûen ae tiga wanakat Isaraela, oge me betenge gan, me hawâ nokuk ûheny Aigupito. 2Adre me hawʼ ödra, me adre me he but ûnyi gadra: adre me bi hut ka je Baala, me leû uto ae bo so ka je idola. 3Ke so bi oge me nö Eferaima he ka he, oge me deluʼ ödra ge li benyik; ke ca khanʼ ödrin a oge me ometu ödra. 4Oge me lili ödra hnyi je tö anyin at, wale a toiny ibetengiö; ke iny ûcû ködrin me at ame hom degecâ hna ûhûkâlâköuâ ûnyi hnyi je waidra. 5E ame ca he bi ka hmetu ka hnyi hnyei Aigupito; kʼ ame he bi at Asuria ka tuhan, anyin adre me höcö he ka hmetu. 6Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö. 7E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e. 8Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge. 9Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun. 10Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny. 11Adre me he ka o me öbubuny helâ me meno ame gâ ûheny Aigupito, ke helâ me biny ûheny hnyi hnyei Asuria: ke oge me he ka olabʼ ödra hnyi hnyin umödra je uma, haingö Iehova.
12Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.
Currently Selected:
Hosea 11: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
