Hosea 10
10
1HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang. 2Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot. 3E hnathu adre me he walang ang ka ha, ka habe, E ba but tuhöta: anyin ate me ca outö Iehova; ke haba than, ieû ae khana he ka ânyâ hobi köta? 4Adre me ha ta je hofuc baû, adre me khemanyin thoi hnyi hnödra hna ûhihinyköu: anyin a wale ame o but hna owisa helâ me je ûö adre me mekiny hnyi je utkânâ adre me belökâ. 5Ame he tavat adre me laba hnyi Samaria ka hmak hnyekudra ge je nokon kau hnyi Beth-aven; anyin ame he aten ka tenge can e, ke tavat bihut hnyin, waleji adre hobeluâ ge hmanenanginy, anyin ae hia but e. 6Ke adre me he minya ka hom e Asuria ai hnân bwihlany kö Jareba than: ame he Eferaima ka hmehma, ke ame he Isaraela ka hmehma ge hnen hna ûhnenamö. 7Haba Samaria, me adre subâ degecâ tuhan, helâ me je ong uto hon köiö. 8Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju. 9Isaraela lö, u je hia but ânyâ hulö hwân hnyi je bong bongu Gibea: adre me tot eling, me me ca he ka khöû ödra hnyi Gibea hnen vat me lakon hulö. 10Iny ka wek oge me be ka bi hwaban kodra; ke ame he je hnyei ka ûkhacaköu ûcûdra, ödra ka cʼ ödra can anyidra li monu. 11Eferaima kau ae khenen, at ame beututo hwit; ke oge hia but hanyâûâ nyin ae hmanenang: oge me he ka ip at ka hije hu Eferaima; kʼ ame he Juda ka wia kânâ, kʼ ame he Jekob ka trohnenâ kânân kânâ. 12Te hatungen ju öbun hnyi hwakecin ae wisa, menâ ju hoton ibetengiö; he thʼ öbun ka trohnenâ kânöbun kânâ ae itremacat: anyin a ûen ang he ka elom Iehova, ke ne o but e amo o me öta hubun hwakecin ae wisa. 13Öbun e hia but belökâ hwakecin ae kong, me meno hulö; öbun e hia but an waniny thoi: anyin a u je labageju ka hnyi dem gethen, me ânyâm tavat hwege ae se hia. 14Anyin a wale ame he ka o imonumonuny unyin em hnyei, kʼ adre me he ka ohia hnâm je hnabâ hia, helâ me hnö Salemana hna ohia Beth-arebela hnyi ûen vat: waleji adre me sa je wanakat me lahinyödrin. 15Kʼ ame he Beth-ela ka ânyâ helâe köbun can hwakecibun ae kong: ke adre me he ka subâ degecâ than Isaraela hnyi hnyomakatu kong.
Currently Selected:
Hosea 10: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
