ZECHARIAH 12
12
Edikan Emi Anade Ɔnɔ Nditɔ Israel ke Iso
1MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,
2Sese, ami mmɔŋ nnim Jerusalem ke cup nnyek-idem nnɔ kpukpru mme idut emi ekande ekuk; ndien ŋko enye eyena ɔnɔ Judah ke ukuk eke mmɔ ekande Jerusalem ekuk. 3Ndien ama ekem ke usen oro, nyenim Jerusalem ke edidobi itiat nnɔ kpu-kpru mme idut: kpukpru mmɔ eke emenerede enye eyewaha mbak-mbak: kpukpru mme idut ke ererimbot eyenyuŋ esop idem ebaŋa enye. 4Jehovah ɔdɔhɔ, ete, Ke usen oro nyeda mkpa-idem mmia kpukpru horse, nnyuŋ nda idat mmia mmɔ eke edorode mmɔ: ndien nyetat enyin mi nse ufɔk Judah, nnyuŋ ntibi kpukpru mme horse mme idut enyin. 5Ndien mme etubom Judah eyedɔhɔ ke esit mmɔ, ete, Jehovah mme udim Abasi nnyin esin mme andiduŋ Jerusalem edi odudu mi. 6Ke usen oro nyenim mme etubom Judah ke eso ikaŋ ke otu ifia, ye ke nsaraŋ-ikaŋ ke ebek; ndien mme eyeta kpukpru mme idut emi ekande ekuk ke nnasia ye ke ufien: ndien Jerusalem eyesuk eduŋ ke ɔtɔ esie, kpa ke Jerusalem. 7Ndien Jehovah eyebem iso anyaŋa mme tent Judah, man ubɔŋ ufɔk David ye ubɔŋ mme andiduŋ Jerusalem ekumenere idem ekan Judah. 8Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ. 9Ndien ama ekem ke usen oro, nyeyom ndisobo kpukpru mme idut eke edide ndiŋwana ekɔŋ ye Jerusalem.
10Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte 11owo atuade akpan. Ke usen oro ntuaŋa eyekpon ke Jerusalem, ebiet ntuaŋa Hadadrimmon ke itihere Meggidon. 12Ndien mbio-obio eyetuaŋa ke ubon, ke ubon, ke idem mmɔ; ubon ufɔk David ke idem mmɔ ikpɔŋ, ye iban mmɔ ke idem mmɔ ikpɔŋ; ubon ufɔk Nathan ke idem mmɔ ikpɔŋ, ye iban mmɔ ke idem mmɔ ikpɔŋ; 13ubon ufɔk Levi ke idem mmɔ ikpɔŋ, ye iban mmɔ ke idem mmɔ ikpɔŋ; ubon Shimei ke idem mmɔ ikpɔŋ, ye iban mmɔ ke idem mmɔ ikpɔŋ; 14kpukpru ubon eke esuhɔde ke idem mmɔ ikpɔŋ, ye iban mmɔ ke idem mmɔ ikpɔŋ.
Currently Selected:
ZECHARIAH 12: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
