ŊWED MME PSALM 36
36
Ibak Esit Owo ye Nsɔŋ Urua Ima Abasi
Eke etubom mbon ikwɔ. Eke David owo Jehovah.
1IDIƆK ɔdɔhɔ idiɔk owo ke ɔwɔŋ esit esie: baba uteŋe Abasi iduhe enye ke iso. 2Koro enye abiaŋade idem esie ke enyin esiemɔ, abaŋa erikut ye erisua idiɔk ido esie. 3Ikɔ inua esie edi abiaŋa ye nsu: enye emetre ndidi ɔniɔŋ nnyuŋ nnam eti. 4Enye ana ke bed esie ekere abiaŋa; onim idem esie ke usuŋ eke midige eti; isuaha idiɔk.
5O Jehovah, ima fo odu ke enyɔŋ; akpanikɔ fo osim ke ikpa-enyɔŋ. 6Eti ido fo etie nte obot Abasi; mme ikpe fo edi akwa udem. Jehovah afo eyenim owo ye unam. 7O Abasi, ima fo ɔsɔŋ urua adaŋa didie! nditɔ owo enyuŋ ebuɔt idem mmɔ ke mfut mba fo. 8Mmɔ eyeyere ke isek ufɔk fo: afo eyenyuŋ ɔnɔ mmɔ akpa inem ŋkpɔ fo eŋwɔŋ. 9Koro obube mmɔŋ uwem odude ye afo: nnyin iyekut uŋwana ke uŋwana fo.
10Dɔdiɔŋ ma mmɔ eke efiɔkde fi; nyuŋ nam se inende ye mbon esit kiet. 11Kuyak ukot iseri osim mi: kunyuŋ uyak ubɔk mme idiɔk owo ebin mi efep. 12Do ke mme abak-ibak eduɔŋɔ: etɔ mmɔ eduɔk ke isɔŋ, ndien mmɔ idikemeke ndidaha ke enyɔŋ.
Currently Selected:
ŊWED MME PSALM 36: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
